AtthaPali Vol.3

{342} Yo na chandagatim gacchatitiadisu civarapatiggahakesu paccha agatanampi attano natakadinam pathamataram patigganhanto va ekaccasmim pemam dassetva ganhanto va lobhapakatitaya attano parinamento va chandagatim gacchati nama. Yo pathamataram agatassapi kodhavasena paccha ganhanto va duggatamanussesu avannam katva ganhanto va kim vo ghare thapitokaso natthi tumhakam santakam gahetva gacchathati evam sanghassa labhantarayam karonto va dosagatim gacchati nama. Yo pana mutthassati asampajano ayam mohagatim gacchati nama. Paccha agatanampi issaranam bhayena pathamataram patigganhanto va civarapatiggahakatthanantarametam bhariyanti santasanto va bhayagatim gacchati nama. Maya idancidanca gahitam idanca na gahitanti jananto gahitagahitanca janati nama. Tasma yo na chandagatiadivasena gacchati natakaannatakaaddhaduggatesu visesam akatva agatapatipatiya ganhati Silacarapatipattisamyutto hoti satima medhavi bahussuto sakkoti dayakanam vissatthaya vacaya parimandalehi padabyanjanehi anumodanam karonto pasadam janetum evarupo sammannitabboti. Evanca pana bhikkhave sammannitabboti ettha pana etaya yathavuttaya kammavacayapi apalokanenapi antovihare sabbasanghamajjhepi khandasimayapi sammannitum vattatiyeva. Evam sammatena ca viharapaccante va padhanaghare va na acchitabbam. Yattha pana agata manussa sukham passanti tadise dhuraviharatthane vijanim passe thapetva suvivatthena suparutena nisiditabbanti. Tattheva ujjhitvati patiggahanameva amhakam bharoti vatva gahitatthaneyeva chaddetva gacchanti. Civarapatiggahakanti yo gahapatikehi sanghassa diyamanam civaram ganhati. Civaranidahakanti civarapatisamanakam. Yo na chandagatintiadisu cettha ito param sabbattha vuttanayeneva vinicchayo veditabbo. Sammativinicchayopi kathitanusareneva janitabbo. {343} Viharam vatiadisu yo aramamajjhe aramikasamaneradihi avivitto sabbesam samosaranatthane viharo va addhayogo va hoti so na sammannitabbo. Paccantasenasanam pana na sammannitabbam. Idam pana bhandagaram khandasimam gantva khandasimayam nisinnehi sammannitum na vattati viharamajjheyeva sammannitabbam. Guttaguttanca janeyyati ettha yassa tava chadanadisu koci doso natthi tam guttam nama. Yassa pana Chadanatinam va chadanitthaka va yattha katthaci patita yena ovassati va musikadinam va paveso hoti bhittiadisu va kattha chiddam hoti upacika va utthahanti tam sabbam aguttam nama. Tam sallakkhetva patisankharitabbam. Sitasamaye dvaranca vatapananca supidahitam katabbam sitena hi civarani kannakitani honti. Unhasamaye antarantara vatapavesanattham vivaritabbam. Evam karonto hi guttaguttam janati nama. Imehi pana civarapatiggahakadihi tihipi attano vattam janitabbam tattha civarapatiggahakena tava yam yam manussa kalacivaranti va akalacivaranti va accekacivaranti va vassikasatikanti va nisidananti va paccattharananti va mukhapunchanacolanti va denti tam sabbam ekarasim katva missetva na ganhitabbam visum visum katvava ganhitva civaranidahakassa tatheva acikkhitva databbam. Civaranidahakenapi bhandagarikassa dadamanena idam kalacivaram .pe. Idam mukhapunchanacolanti acikkhitva va databbam. Bhandagarikenapi tatheva visum visum sannanam katva thapetabbam. Tato sanghena kalacivaram aharati vutte kalacivarameva databbam .pe. Mukhapunchanacolakam aharati vutte tadeva databbam. Iti bhagavata civarapatiggahako anunnato civaranidahako anunnato bhandagariko anunnato na bahullikataya na asantutthiya apica kho sanghassanuggahaya. Sace hi ahatahatam gahetva bhikkhu bhajeyyum neva ahatam na anahatam na dinnam nadinnam Na laddham naladdham janeyyum ahatahatam therasane va dadeyyum khandakhandam va chinditva ganheyyum evam sati ayuttaparibhogo ca hoti na ca sabbesam sangaho kato. Bhandagare pana civaram thapetva ussannakale ekekassa bhikkhuno ticivaram va dve dve va ekekam va civaram dassanti. Laddhaladdham janissanti aladdhabhavam janitva sangaham katum mannissantiti. Na bhikkhave bhandagariko vutthapetabboti ettha annepi avutthapaniya janitabba cattaro hi na vutthapetabba vuddhataro bhandagariko gilano sanghato laddhasenasanoti. Tattha vuddhataro attano vuddhataya navakatarena na vutthapetabbo bhandagariko sanghena sammannitva bhandagarassa dinnataya gilano attano gilanataya sangho pana bahussutassa uddesaparipucchadihi bahupakarassa bharanittharakassa phasukam avasam avutthapaniyam katva deti tasma so upakarataya ca sanghato laddhataya ca na

The Pali Atthakatha in Roman Book 3 page 228-231. http://84000.org/tipitaka/atthapali/read_rm.php?B=3&A=4693&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4693&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=108 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3020 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3186 The Pali Tipitaka in Roman Character :- http://84000.org/tipitaka/read/roman_read.php?B=4&A=3186 Contents of The Tipitaka Volume 4 http://84000.org/tipitaka/read/?index_4