AtthaPali Vol.3

{345} Accibaddhanti caturassakedarakabaddham. Palibaddhanti ayamato ca vittharato ca dighamariyadabaddham. Mariyadabaddhanti antarantara rassamariyadaya mariyadabaddham. Singhatakabaddhanti mariyadaya mariyadam vinivijjhitva gatatthanena singhatakabaddham catukkasanthananti attho. Ussahasi tvam anandati sakkosi tvam ananda. Samvidahitunti katum. Ussahami bhagavati tumhehi dinnanayena sakkomiti dasseti. Yatra hi namati yo nama. Kusimpi namatiadisu kusiti ayamato ca vittharato ca anuvatadinam dighapatanametam adhivacanam. Addhakusiti antarantara rassapatanam namam. Mandalanti pancakhandikacivarassa ekekasmim khande mahamandalam. Addhamandalanti khuddakamandalam. Vivattanti mandalanca addhamandalanca ekato katva sibbitam majjhimakhandam. Anuvivattanti tassa ubhosu passesu dve khandani. Giveyyakanti givavetthanatthane dalhikaranattham annam suttasamsibbitam agantukapatam. Jangheyyakanti janghapapunatthane tatheva samsibbitam patam. Givatthane ca janghatthane ca thapitapatanametam namantipi vadanti. Bahantanti anuvivattanam bahi ekekam khandam. Iti pancakhandikacivarenetam vicaritanti. Athava anuvivattanti vivattassa ekapassato dvinnam ekapassato tinnampi catunnampi khandanametam namam. Bahantanti suppamanacivaram parupantena samharitva bahaya upari thapita ubho anta bahimukha titthanti tesam etam namam. Ayameva hi nayo mahaatthakathayam vuttoti. {346} Civarehi ubbhandikateti civarehi ubbhandikate yatha ukkhittabhanda honti evam kate ukkhittabhandikabhavam apaditeti attho. Civarabhisinti ettha bhisiti dve tini ekato katva bhisisankhepena samharitacivarani vuttani. Te kira bhikkhu dakkhinagirito bhagava lahum patinivattissatiti tattha gacchanta jivakavatthusmim laddhacivarani thapetva agamamsu. Idani pana civarena agamissatiti mannamana adaya pakkamimsu. Antaratthakasuti maghassa ca phaggunassa ca antara atthamsu. Na bhagavantam sitam ahositi bhagavato sitam Nahosi. Sitalukati sitapakatika ye pakatiyava sitena kilamanti. Etadahosi yepi kho te kulaputtati na bhagava ajjhokase anisiditva emattham na janati mahajanassa sannapanattham pana evamakasi. Dvigunam sanghatinti dupattam sanghatim. Ekacciyanti ekapattam. Iti bhagava attana catuhi civarehi yapeti amhakampana ticivaram anujanatiti vacanassa okasam upacchinditum dvigunam sanghatim anujanati ekaccike itare evanhi nesam cattari bhavissantiti. {348} Aggalam acchupeyyanti chinnatthane pilotikakhandam thapeyyam. Ahatakappananti ekavaradhotanam. Utuddhatananti ututo dighakalato uddhatanam gatavatthukanam pilotikananti vuttam hoti. Papaniketi antarapanato patitapilotikacivare. Ussaho karaniyoti pariyesana katabba. Paricchedo pana natthi pattasatampi vattati. Sabbamidam sadiyantassa bhikkhuno vuttam. Aggalam tunnanti ettha uddharitva alliyapanakhandam aggalam suttakena samsibbanam tunnam vijjhitva karanam ovattikam kandusakam vuccati muddika. Dalhikammanti anuddharitvava upassayam katva alliyapanakam vatthakhandam.

The Pali Atthakatha in Roman Book 3 page 236-238. http://84000.org/tipitaka/atthapali/read_rm.php?B=3&A=4867&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=4867&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=111 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=3106 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=3278 The Pali Tipitaka in Roman Character :- http://84000.org/tipitaka/read/roman_read.php?B=4&A=3278 Contents of The Tipitaka Volume 4 http://84000.org/tipitaka/read/?index_4