ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 3 : PALI ROMAN Vinaya.A. (samanta.3)

                     Cullavaggavannana
                     -----------
                       cullavagge
                    kammakkhandhakavannana
                    ------------
     {1} cullavaggassa pathame kammakkhandhake tava. Pandukalohitakati
panduko ceva lohitako cati chabbaggiyesu dve jana. Tesam
nissitakapi pandukalohitakatveva pannayanti. Balava balavam
patimantethati sutthu balavam pativadatha. Alamatthatara cati
samatthatara. {4} Asammukha katantiadisu sanghadhammavinayapuggalasammukhanam
vina katam cuditakam appatipucchitva katam tasseva appatinnaya
katam. Adesanagaminiyati parajikapattiya va sanghadisesapattiya
va. Ettha purimesu tisu tikesu navapada adhammena katam vaggena
katanti imehi saddhim ekekam katva navatika vutta. Evam
sabbepi dvadasatika honati. Patipakkhavasena sukkapakkhesupi eteyeva
dvadasatika vutta. {6} Ananulomikehi gihisamsaggehiti pabbajitanam
ananucchavikehi sahasokitadihi gihisamsaggehi. Na upasampadetabbanti
upajjhayena hutva na upasampadetabbam agantukanam nissayo
na databbo anno samanero na gahetabbo. Anna va
tadisikati apatti sabhaga. Papitthatarati garukatara. Kammanti
Tajjaniyakammam. Kammikati yehi bhikkhuhi kammam katam. Na
savacaniyam katabbanti aham ayasmantam imasmim vatthusmim savacaniyam
karomi imamha avasa ekapadampi ma patikkami yava na ca tam
adhikaranam vupasantam hotiti evam yena codito so savacaniyo na
katabbo. Na anuvadoti viharajetthakatthanam na katabbam. Na
okasoti karotu me ayasma okasam ahantam vattukamomhiti
evam okaso na karetabbo. Na codetabboti vatthuna va
apattiya va na codetabbo ayante dosoti na saretabbo.
Na sampayojetabbanti annamannam yojetva kalaho na katabbo.
Tinnam bhikkhave bhikkhunantiadi ekenekenapi angena tajjaniyakammam
katum vattatiti dassanattham vuttam. Tajjaniyassa hi visesena
bhandanakarakattam angam niyasassa abhinhapattikattam pabbajaniyassa
kuladusakattam vuttam. Imesu pana tisu angesu yenakenaci
sabbanipi katum vattati. Yadi evam yam campeyyakkhandhake vuttam
tajjaniyakammarahassa niyasakammam karoti .pe. Upasampadaraham
abbheti. Evam kho upali adhammakammam hoti avinayakammanca.
Evanca pana sangho satisaro hotiti idam virujjhatiti ce.
Idanca na virujjhati. Kasma. Vacanatthananattato. Tajjaniya-
kammarahassati imassa hi vacanassa kammasannitthanam attho.
Tinnam bhikkhave bhikkhunantiadivacanassa angasabhavo. Tasma
yada sanghena sannipatitva idam nama imassa bhikkhuno kammam
Karomati sannitthanam katam hoti tada so kammaraho nama
hoti tasma imina lakkhanena tajjaniyadikammarahassa
niyasakammadikaranam adhammakammanceva avinayakammancati veditabbam.
Yassa pana bhandanakarakadisu angesu annataram angam natthi
tassa katum akankhamano sangho yathanunnatesu angesu ca kammesu
ca yenakenaci angena yankinci kammam vavatthapetva tam bhikkhum
kammaraham katva kammam kareyya. Ayamettha vinicchayo. Evam
pubbenaparam sameti. Tattha kincapi tajjaniyakamme
bhandanakarakavasena kammavaca vutta athakho balassa abyattassa
apattibahulassa tajjaniyakammam karontena balaabyattavasena
kammavaca katabba. Evam hi bhutena vatthuna katam kammam hoti
na ca annassa kammassa vatthuna. Kasma. Yasma idampi
anunnatanti. Eseva nayo sabbattha. Attharasa sammavattana-
vatthuni parivasikakkhandhake vannayissama. {8} Lomam patentiti
pannaloma honti bhikkhu anuvattantiti attho. Nettharam
vattantiti nittharantanam etanti nettharam. Yena sakka nissarana
nittharitum tam attharasavidham samma vattantiti attho. Kittakam
kalam vattam puretabbanti. Dasa va visam va divasani. Imasmim
hi kammakkhandhake ettakena vattam puretabbameva hoti.



             The Pali Atthakatha in Roman Book 3 page 275-277. http://84000.org/tipitaka/atthapali/read_rm.php?B=3&A=5650&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=5650&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=4&i=1              เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=1              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=1              The Pali Tipitaka in Roman Character :- http://84000.org/tipitaka/read/roman_read.php?B=4&A=1              Contents of The Tipitaka Volume 4 http://84000.org/tipitaka/read/?index_4

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]