AtthaPali Vol.3

{33} Sudhammavatthusmim pana. Anapaloketvati anapucchitva. Etadavocati kinte tam gahapati theranam patiyattanti sabbam vivarapetva disva etam avoca. Eka ca kho idha natthi yadidam tilasangulikati ya ayam tilasangulika nama vuccati sa natthiti attho. Tassa kira gahapatino vamse adimhi eka puvavikati ahosi. Tena tam thero jatiya khumsetukamo evamaha. Yadeva kinciti evam bahubuddhavacanam ratanam pahaya yankincideva tilasangulikavacanam bhasitam. Kukkutapotakaudaharanena idam dasseti yatha so neva kakavassitam na kukkutavassitam akasi evam taya neva bhikkhuvacanam na gihivacanam vuttanti. {37} Asammukha katantiadayo tika vuttappakarayeva. {39} Angasamannagato purimehi asadiso. Gihinam alabhayatiadisu tattha yatha labham na labhanti evam parisakkanto parakkamanto alabhaya parisakkati nama. Esa nayo anatthadisu. Tattha anatthoti atthabhango. Anatthayati atthavinasaya. Anavasoti tasmim thane avasanam. Gihinam buddhassa avannanti gihinam santike buddhassa avannam bhasati. Dhammikam patissavam na saccapetiti yatha sacco hoti evam na karoti vassavasam patissunitva na gacchati annam va evarupam na karoti. Pancannam bhikkhavetiadi ekangenapi kammarahabhavadassanattham vuttam. Sesamettha uttanatthanceva tajjaniye ca vuttanayameva.

The Pali Atthakatha in Roman Book 3 page 278-279. http://84000.org/tipitaka/atthapali/read_rm.php?B=3&A=5722&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=5722&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=-10 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=259 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=232 The Pali Tipitaka in Roman Character :- http://84000.org/tipitaka/read/roman_read.php?B=4&A=232 Contents of The Tipitaka Volume 4 http://84000.org/tipitaka/read/?index_4