AtthaPali Vol.3

Sattasatikakkhandhakavannana ------ {446} sattasatikakkhandhake. Bhikkhuggenati bhikkhuaggena bhikkhu ganetva tattake pativimse thapesunti attho. Mahikati himapatasamaye himavalahaka. {447} Avijjanivutati avijjapaticchanna. Posati purisa. Piyarupam abhinandanti pihayanti patthentiti piyarupabhinandino. Aviddasuti ajananta. Ragarajehi saraja. Migasadisati miga. Saha nettikayati sanettika. Vaddhenti katasim ghoranti punappunam kalevaranikkhipamanabhumim vaddhenti. Evam vaddhenta ca ghoram puna adiyanti punabbhavanti. {454} Papikam no avuso katanti avuso amhehi papakammam katanti attho. {455} Katamena tvam bhummi viharenati ettha bhummiti piyavacanametam. Piyam vattukamo kira ayasma sabbakami navake bhikkhu evam amantesi. Kullakaviharenati uttanaviharena. {457} Savatthiya suttavibhangeti katham suttavibhange patikkhittam hoti. Tatra hi sannidhi nama ajja patiggahitam aparajju vattatiti vatva puna sannidhikarake asannidhikarasanni khadaniyam va bhojaniyam va khadati va bhunjati va apatti pacittiyassati apattim vadantena patikkhittam hoti. Tatreke mannanti yo pana bhikkhu sannidhikarakam khadaniyam va bhojaniyam Vati hi vuttam idanca lonakannama yavajivikatta sannidhibhavam napajjati yampi (tena) alonakam amisam patiggahetva tena saddhim paribhunjati tam tadahupatiggahitameva tasma yavakalikena bhikkhave yavajivikam tadahupatiggahitam kale kappati vikale na kappatiti vacanato dukkatena panettha bhavitabbanti. Te vattabba tumhakam matiya dukkatenapi na bhavitabbam na hi ettha yavajivikam tadahupatiggahitam yavakalikameva tadahupatiggahitam tam na ca vikale paribhuttam yadi va vikale na kappatiti vacanena tumhe dukkatam mannetha yavajivikamissakam yavakalikam vikale paribhunjantassa vikalabhojanapacittiyampi na bhaveyya tasma na byanjanamattam gahetabbam attho upaparikkhitabboti. Ayam hettha attho yavakalikena yavajivikam tadahupatiggahitam yadi sambhinnarasam hoti yavakalikagatikameva hoti. Tasma yo pana bhikkhu vikale khadaniyam va bhojaniyam vati imina sikkhapadena kale kappati vikale na kappatiti na idha pana na kappatiti vacanamattenettha dukkatam hoti. Yatheva yavajivikam tadahupatiggahitam yavakalikena sambhinnarasam vikale na kappati vikalabhojanapacittiyavaham hoti. Evam ajja patiggahitampi aparajju yavakalikena sambhinnarasam na kappati sannidhibhojanapacittiyavaham hoti. Tam sannidhikatam idanti ajanantopi na muccati. Vuttam hetam sannidhikarake asannidhikarakasanni khadaniyam va bhojaniyam va khadati va bhunjati va apatti pacittiyassati. Tasma kattha Patikkhittanti imissa pucchaya suparisuddhamidam byakaranam savatthiya suttavibhangeti. Rajagahe uposathasamyutteti idam na bhikkhave ekasmim avase dve uposathagarani sammannitabbani yo sammanneyya apatti dukkatassati etam sandhaya vuttam. Vinayatisare dukkatanti na bhikkhave ekasmim avase dve uposathagarani sammannitabbaniti etasseva vinayassa atisare dukkatam. Campeyyake vinayavatthusminti idam adhammena ce bhikkhave vaggakammam akammam na ca karaniyanti- evamadim katva campeyyakkhandhake agatam vinayavatthum sandhaya vuttam. Ekacco kappatiti idam dhammikam acinnam sandhaya vuttam. Chedanake pacittiyanti suttavibhange hi nisidanam nama sadasam vuccatiti agatam. Tasma dvinnam sugatavidatthinam upari dasayeva vidatthimatta labbhati. Dasaya vina tam pamanam karontassa idam agatameva hoti tam atikkamayato chedanakam pacittiyanti tasma kim apajjatiti puttho chedanake pacittiyanti aha. Chedanaka- sikkhapade vuttam pacittiyam apajjatiti attho. Sesam sabbattha uttanamevati. Samantapasadikaya samvannanaya sattasatikakkhandhakavannana nitthita. -------- Dvivaggasangaha vutta bavisatippabhedaka khandhaka sasane pancak- khandhadukkhappahayina Ya tesam vannana esa antarayam vina yatha siddha sijjhantu kalyana evam asapi paninanti. Kammakkhandhaparivasa samuccayasamathaka khuddakavatthukkhandhanca senasananca khandhakam sanghabhedavattakkhandha patimokkhanca khandhakam bhikkhuni pancasatika sattasatikakkhandhakam. --------

The Pali Atthakatha in Roman Book 3 page 457-460. http://84000.org/tipitaka/atthapali/read_rm.php?B=3&A=9352&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=9352&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i= เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A= พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A= The Pali Tipitaka in Roman Character :- http://84000.org/tipitaka/read/roman_read.php?B=4&A= Contents of The Tipitaka Volume 4 http://84000.org/tipitaka/read/?index_4