AtthaPali Vol.3

Ekuttarikavannana -------- {321} apattikara dhamma janitabbatiadimhi ekuttarikanaye. Apattikara dhamma nama cha apattisamutthanani. Etesanhi vasena puggalo apattim apajjati. Tasma apattikarati vutta. Anapattitakara nama satta samatha. Apatti janitabbati tasmim tasmim sikkhapade ca vibhange ca vutta apatti janitabba. Anapattiti anapatti bhikkhu asadiyantassatiadina nayena anapatti janitabba. Lahukati lahukena vinayakammena visujjhanato pancavidha apatti. Garukati garukena vinayakammena visujjhanato sanghadisesapatti kenaci akarena anapattibhavam upanetum asakkuneyyato parajikapatti ca. Savasesati thapetva parajikam sesa. Anavasesati parajikapatti. Dve apattikkhandha dutthulla. Avasesa adutthulla. Sappatikammadukam savasesa- dukasadisam desanagaminidukam lahukadukasangahitam. Antarayikati sattapi apattiyo. Sancicca vitikkanta saggantarayanceva mokkhantarayanca karontiti antarayika. Ajanantena vitikkanta pana pannattivajjapatti neva saggantarayam na mokkhantarayam karotiti anantarayika. Antarayikam apannassapi desanagaminim desetva vutthanagaminito vutthaya suddhippattassa samanerabhumiyam Thitassa ca avarito saggamokkhamaggoti. Savajjapannattiti lokavajja. Anavajjapannattiti pannattivajja. Kiriyato samutthita nama yam karonto apajjati parajikapatti viya. Akiriyatoti yam akaronto apajjati civaraanadhitthanapatti viya. Kiriyakiriyatoti yam karonto ca akaronto ca apajjati kutikarapatti viya. Pubbapattiti pathamam apannapatti. Aparapattiti parivasikadihi paccha apanna. Pubbapattinam antarapatti nama mulavisuddhiya antarapatti. Aparapattinam antarapatti nama agghavisuddhiya antarapatti. Kurundiyam pana pubbapatti nama pathamam apanna aparapatti nama manattarahakale apanna pubbapattinam antarapatti nama parivase apanna aparapattinam antarapatti nama manattacare apannati vuttam. Idampi ekena pariyayena yujjati. Desita gananupika nama ya dhuranikkhepam katva puna na apajjissamiti desita hoti. Agananupika nama ya dhuranikkhepam akatva saussaheneva cittena aparisuddhena desita hoti. Ayam hi desitapi desitagananam na upeti. Atthame vatthusmim bhikkhuniya parajikameva hoti. Pannatti janitabbati- adisu navasu padesu pathamaparajikapucchaya vuttanayeneva vinicchayo veditabbo. Thullavajjati thulladose pannatta garukapatti. Athullavajjati lahukapatti. Gihipatisannuttati sudhammattherassa apatti ya ca dhammikassa patissavassa asaccapane apatti. Avasesa na gihipatisannutta. Pancanantariyakammapatti niyata. Sesa aniyata. Adikaroti sudinnattheradi adikammiko. Anadikaroti makkatisamanadi anupannattakarako. Aniccapattiko nama yo kadaci karahaci apattim apajjati. Abhinhapattiko nama yo niccam apajjati. Codako nama yo vatthuna va apattiya va param codeti. Yo pana evam codito ayam cuditako nama. Pancadasasu dhammesu appatitthahitva abhutena vatthuna codenti adhammacodako nama. Tena tatha codito adhammacuditako nama. Vipariyayena dhammacodakacuditaka veditabba. Micchattaniyatehi va sammattaniyatehi va dhammehi samannagato niyato. Viparito aniyato. Savaka bhabbapattika nama. Buddha ca paccekabuddha ca abhabbapattika nama. Ukkhepaniya- kammakato ukkhittako nama. Avasesacatubbidhatajjaniyadikammakato anukkhittako nama. Ayam hi uposatham va pavaranam va dhammaparibhogam va amisaparibhogam va na kopeti. Mettiyam bhikkhunim nasetha dusako nasetabbo kantako samanuddeso nasetabboti evam lingadandakammasamvasanasanahi nasitova nasitako nama. Sesa sabbe anasitaka. Yena saddhim uposathadiko samvaso atthi ayam samanasamvasako. Itaro nanasamvasako. So kammananasamvasako laddhinanasamvasakoti duvidho hoti. Thapanam janitabbanti ekam bhikkhave adhammikam patimokkhatthapanantiadina Nayena vuttam patimokkhatthapanam janitabbanti. Ekakavannana nitthita.

The Pali Atthakatha in Roman Book 3 page 489-492. http://84000.org/tipitaka/atthapali/read_rm.php?B=3&A=9958&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=3&A=9958&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=4&i=-244 เนื้อความพระไตรปิฎกฉบับหลวง :- http://84000.org/tipitaka/read/r.php?B=4&A=7063 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=4&A=7108 The Pali Tipitaka in Roman Character :- http://84000.org/tipitaka/read/roman_read.php?B=4&A=7108 Contents of The Tipitaka Volume 4 http://84000.org/tipitaka/read/?index_4