บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
10. Tiladakkhinavimanavannana abhikkantena vannenati tiladakkhinavimanam. Tassa ka uppatti? bhagava savatthiyam viharati jetavane anathapindikassa arame. Tena ca samayena rajagahe annatara itthi gabbhini tile dhovitva atape sukkhapeti telam patukama. 1- Sa ca parikkhinayuka tam divasameva cavanadhamma, nirayasamvattanikam cassa kammam okasam katva thitam. Atha nam bhagava paccusavelayam lokam volokento dibba- cakkhuna disva cintesi "ayam itthi ajja kalam katva niraye nibbattissati, yannunaham tilabhikkhapatiggahanena tam saggupagam kareyyan"ti. So savatthito tamkhaneneva rajagaham gantva pubbanhasamayam nivasetva pattacivaramadaya rajagahe pindaya caranto anupubbena tassa gehadvaram sampapuni. 2- Sa itthi bhagavantam passitva sanjatapitisomanassa sahasa utthahitva katanjali annam databbayuttakam apassanti hatthapade dhovitva tile rasim katva ubhohi. Hatthehi pariggahetva anjalipuram tilam bhagavato patte akiritva bhagavantam vandi. Tam bhagava anukampamano "sukhini hohi"ti vatva pakkami. Sa tassa rattiya paccusasamaye kalam katva tavatimsabhavane dvadasayojanike kanakavimane suttapabuddha viya nibbatti. Athayasma mahamoggallanatthero 3- devacarikam 4- caranto hettha vuttanayeneva upagantva 4- [85] "abhikkantena vannena ya tvam titthasi devate obhasenti disa sabba osadhi viya taraka. @Footnote: 1 Ma. kevalam tilatelam patukama, cha. telam katukama 2 cha.Ma. papuni @3 cha.Ma. mahamoggallano 4-4 cha.Ma. caranto tam accharasahassaparivutam mahatiya @deviddhiya virocamanamupagantva [86] Kena te'tadiso vanno kena te idha mijjhati uppajjanti ca te bhoga ye keci manaso piya. [87] Pucchami tam devi mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti pucchi. [88] Sa devata attamana moggallanena pucchita panham puttha viyakasi yassa kammassidam phalam. [89] "aham manussesu manussabhuta purimaya jatiya manussaloke. [90] Addasam virajam buddham vippasannamanavilam asajja danam adasim akama tiladakkhinam dakkhineyyassa buddhassa pasanna sehi 1- panibhi. [91] Tena me'tadiso vanno tena me idha mijjhati uppajjanti ca me bhoga ye keci manaso piya. [92] Akkhami te bhikkhu mahanubhava manussabhuta yamakasi punnam tenamhi evanjalitanubhava vanno ca me sabbadisa pabhasati"ti sa vissajjesi. @Footnote: 1 ka. sakehi. evamuparipi #[90] Tattha asajjati ayam asajjasaddo "asajja nam tathagatan"tiadisu 1- ghattane agato. "asajja danam deti"tiadisu 2- samagame. Idhapi samagameyeva datthabbo. Tasma asajjati samagantva, samavayena sampatvati attho. Tenaha "akama"ti. Sa hi deyyadhammasamvidhanapubbakam purimasiddham danasankappam vina sahasa sampatte bhagavati pavattitam tiladanam sandhayaha "asajja danam adasim, akama tiladakkhinan"ti. Sesam vuttanayameva. Tiladakkhinavimanavannana nitthita. -------------The Pali Atthakatha in Roman Book 30 page 57-59. http://84000.org/tipitaka/atthapali/read_rm.php?B=30&A=1225&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=1225&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=10 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=248 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=277 The Pali Tipitaka in Roman Character :- http://84000.org/tipitaka/read/roman_read.php?B=26&A=277 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]