AtthaPali Vol.30

22. 5. Bhadditthikavimanavannana ^2- nila pita ca kala cati bhadditthikavimanam. Tassa ka uppatti? bhagava savatthiyam viharati jetavane anathapindikassa arame. Tena ca samayena kimilanagare ^3- rohako nama gahapatiputto ahosi saddho pasanno silacarasampanno. Tasmimyeva ca nagare tena samanamahabhoge kule eka darika ahosi saddha pasanna pakatiyapi bhaddataya bhaddati namena. Atha rohakassa matapitaro tam kumarim ^4- varetva tadise kale ^5- tam anetva avahavivaham akamsu. Te ubhopi samaggavasam vasanti. Sa attano acarasampattiya "bhadditthi"ti tasmim nagare pakata pannata ahosi. Tena ca samayena dve aggasavaka pancasatapancasatabhikkhuparivara janapadacarikam caranta ^6- kimilanagaram papunimsu. Rodako tesam tattha gatabhavam natva somanassajato there upasankamitva vanditva svatanaya nimantetva dutiyadivase panitena khadaniyena @Footnote: ¹ ka. dhammadesana ² cha.Ma. bhadditthivimana... @³ Si.,i. kimbilanagare. evamuparipi ⁴ i. bhaddakumarim @⁵ Si. tadise uddesakale ⁶ ka. gantva Bhojaniyena saparivare te santappetva saputtadaro tehi desitam dhammadesanam sutva tesam ovade patitthahanto saranani ganhi, panca silani samadiyi. Bhariya panassa atthamicatuddasipannarasipatihariyapakkhesu uposatham upavasi, visesato silacarasampanna ahosi devatahi ca anukampita, taya eva ca devatanukampaya attano upari patitam micchapavadam nirankatva ^1- suvisuddhasilacarataya ativiya loke patthatayasa ahosi. Sa hi sayam kimilanagare thita attano samikassa vanijjavasena takkasilayam vasantassa ussavadivase sahayehi ussahitassa nakkhattakilacitte uppanne gharadevataya attano dibbanubhavena tam tattha netva samikena saha yojita teneva samagamena patitthitagabbha hutva devataya kimilanagaram patinita anukkamena gabbhinibhave pakate jate sassuadihi "aticarini"ti asankita taya eva devataya attano anubhavena gangamahoghe kimilanagaram ottharante viya upatthapite attano patibbata- bhavasamsucakena saccadhitthanapubbakena sapathena vatavegasamutthitavicijalam ^2- gangamahogham attano upari apatitam ayassanca ^3- nivattetva samikena samagatapi tena pubbe sassuadihi viya asankita takkasilayam tena dinnam namamudditam sannananca appenti tam asankam nirankatva bhattuno natijanassa ca mahajanassa ca sambhavaniya jata. Tena vuttam "suvisuddhasilacarataya ativiya loke patthatayasa ahosi"ti. Sa aparena samayena kalam katva tavatimsabhavane uppanna. Atha bhagavati savatthito tavatimsabhavanam gantva paricchattakamule pandukambalasilayam nisinne devaparisaya ca bhagavantam upasankamitva vanditva ekamantam nisinnaya bhadditthipi upasankamitva vanditva ekamantam atthasi. Atha bhagava @Footnote: ¹ Si. nirakatva. evamuparipi ² Si. vatavegasamuddhutavicijalam ³ Si. asankanca, @i. ayasakyanca Dasasahassilokadhatusu sannipatitaya devabrahmaparisaya majjhe taya devataya katapunnakammam pucchanto:- [206] "nila pita ca kala ca manjittha ^1- atha lohita uccavacanam vannanam kinjakkhaparivarita. [207] Mandaravanam pupphanam malam dharesi muddhani nayime annesu kayesu rukkha santi sumedhase. [208] Kena kayam upapanna tavatimsam yasassini devate pucchitacikkha kissa kammassidam phalan"ti aha. #[206-7] Tattha nila pita ca kala ca, manjittha atha lohitati ettha casaddo vuttatthasamuccayo, so nila ca pita catiadina paccekam yojebatbo. Athati annatthe nipato. Tena odatadike avuttavanne sanganhati. Itisaddo luttaniddittho veditabbo. Casaddo va avuttatthasamuccayo. Athati itisaddatthe nipato. Uccavacanam vannananti ettha uccavacananti vibhattiya alopo datthabbo, uccavacavannanam nanavidhavannananti attho. Vannananti va vannavantanam. Kinjakkhaparivaritati kinjakkhehi parivaritanam. Samiatthe hi etam paccattavacanam. Idam vuttam hoti:- nila ca pita ca kala ca manjittha ca lohita ca atha anne odatadayo cati imesam vasena uccavacavannanam tathabhutehiyeva kinjakkhehi kesarehi parivaritanam vicittasanthanaditaya va uccavacanam yathavuttavannavantanam mandaravarukkhasambhutataya mandaravanam pupphanam malam tehi katam malagunam tvam devate attano sise dharesi pilandhasiti. @Footnote: ¹ Si. manjettha, i. manjattha Yato rukkhato tani pupphani, tesam visesavannataya anannasadharanatam dassetum "nayime annesu kayesu, rukkha santi sumedhase"ti vuttam. Tattha imeti yathavuttavannasanthanadiyutta pupphavanto rukkha na santiti yojana. Kayesuti devanikayesu. Sumedhaseti sundarapanne. Tattha nilati indanilamahaniladimaniratananam vasena nilobhasa. Pitati puppharagakakketanapulakadimaniratananam ^1- ceva singisuvannassa ca vasena pitobhasa. Kalati asmakaupalakadimaniratananam ^2- vasena kanhobhasa. Manjitthati jotirasa- gomuttakagomedakadimaniratananam vasena manjitthobhasa. Lohitati padumaragalohitanka- pavalaratanadinam vasena lohitobhasa. Keci pana niladipadani "rukkha"ti imina "nila rukkha"tiadina yojetva vadanti. Rukkhapi hi niladivannehi pupphehi sanchannatta niladiyogato niladivoharam labhantiti tehi "nila pita ca kala ca .pe. Nayime annesu kayesu rukkha santi sumedhaseti, yato tvam uccavacanam vannanam kinjakkhaparivaritanam mandaravanam pupphanam malam dharesi"ti yojana katabba. Tattha yathaditthe vannavisesayutte pupphe kittetva tesam asadharana- bhavadassanena ^3- rukkhanam avenikabhavadassanam pathamanayo, rukkhanam asadharana- bhavadassanena pupphanam avenikabhavadassanam dutiyanayo. Pathamanaye vannadayo sarupena gahita, dutiyanaye nissayamukhenati ayametesam viseso. #[208] Kenati kena punnakammena, kayam tavatimsanti yojana. Pucchitacikkhati pucchita tvam acikkha kathehi. Evam bhagavata pucchita sa devata imahi gathahi byakasi:- @Footnote: ¹ Si. puppharagakakkeratanasaphulakadimaniratananam @² Ma. amatabbakavimalayakadi... ³ i.,Ma....bhavadassanattham [209] "bhadditthikati ^1- mam annamsu ^2- kimilayam upasika saddha silena sampanna samvibhagarata sada. [210] Acchadananca bhattanca senasanam padipiyam adasim ujubhutesu vippasannena cetasa. [211] Catuddasim pancadasim ya ca pakkhassa atthami patihariyapakkhanca atthangasusamagatam. [212] Uposatham upavasissam sada silesu samvuta sannama samvibhaga ca vimanam avasamaham. [213] Panatipata virata musavada ca sannata theyya ca aticara ca majjapana ca araka. [214] Pancasikkhapade rata ariyasaccana kovida upasika cakkhumato appamadaviharini. Katavasa katakusala tato cuta sayampabha anuvicarami nandanam. [215] Bhikkhu caham paramahitanukampake abhojayim tapassiyugam mahamunim katavasa katakusala tato cuta sayampabha anuvicarami nandanam. @Footnote: ¹ Si. bhadditthiti ² ka. annimsu [216] Atthangikam aparimitam sukhavaham uposatham satatamupavasim aham katavasa katakusala tato cuta sayampabha anuvicarami nandanan"ti. #[209-214] Tattha bhadditthikati ^1- mam annamsu, kimilayam upasikati acarasampattiya saccakiriyaya ubbattamanamahoghanivattanena akhandasilati sanjatanicchaya bhadda sundara ayam itthi, tasma "bhadditthika upasika"ti ca mam kimilanagaravasino janimsu. Saddha silena sampannatiadi hettha vuttanayatta uttanatthameva. Apica "saddha"ti imina saddhadhanam, "samvibhagarata, acchadananca bhattanca, senasanam padipiyam. Adasim ujubhutesu, vippasannena cetasa"ti imina cagadhanam, "silena sampanna, catuddasim pancadasim .pe. Pancasikkhapade rata"ti imina siladhanam hiridhanam ottappadhananca, "ariyasaccana kovida"ti imina sutadhanam pannadhananca dassitanti sa attano sattavidhaariyadhanapatilabham. "upasika cakkhumato .pe. Anuvicarami nandanan"ti imina tassa ditthadhammikam samparayikanca anisamsam vibhaveti. Tattha katavasa nipphaditasucaritavasa. Sucaritakammam hi tadatte ayatim ca sukhavasahetutaya "sukhaviharassa avaso"ti vuccati. Tenaha "katakusala"ti. #[215] Pubbe anamasitakhettavisesam attano danamayam punnam vatva idani tassa ayatanagatatam dassetum "bhikkhu ca"tiadi vuttam. Tattha bhikkhuti anavasesabhinna- kilesataya bhikkhu. Paramahitanukampaketi paramam ativiya ditthadhammikadina hitena anuggahake. Abhojayinti panitena bhojanena bhojesim. Tapassiyuganti uttamena tapasa @Footnote: ¹ Si. bhadditthiti Sabbakilesamalam ^1- tapetva samucchinditva thitatta tapassibhutam yugam. Mahamuninti tato eva mahaisibhutam, mahato va attano visayassa mahanteneva nanena munanato paricchindanato mahamunim. Sabbametam dve aggasavake sandhaya vadati. #[216] Aparimitam sukhavahanti anunasikalopam akatva vuttam. "yavancidam bhikkhave na sukaram akkhanena papunitum yava sukha sagga"ti ^2- vacanato bhagavatopi vacanapathatitaparimanarahitasukhanibbattakam attano va anubhavena aparimitasukhavaham sukhassa avahanakam. Satatanti sabbakalam. Tam tam uposatharakkhanadivasam ahapetva, tam tam va uposatharakkhanadivasam akhandam katva paripunnam katva satatam va sabbakalam sukhavahanti yojana. Sesam hettha vuttanayameva. Atha bhagava matudevaputtappamukhanam dasasahassilokadhatuvasinam devabrahmasanghanam tayo mase abhidhammapitakam desetva manussalokam agantva bhadditthikavimanam ^3- bhikkhunam desesi, sa desana sampattaparisaya satthika ahositi. Bhadditthikavimanavannana nitthita. -----------------

The Pali Atthakatha in Roman Book 30 page 118-124. http://84000.org/tipitaka/atthapali/read_rm.php?B=30&A=2535&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=2535&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=22 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=658 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=645 The Pali Tipitaka in Roman Character :- http://84000.org/tipitaka/read/roman_read.php?B=26&A=645 Contents of The Tipitaka Volume 26 http://84000.org/tipitaka/read/?index_26