AtthaPali Vol.30

Alomavimanavannana nitthita. 43. 5. Kanjikadayikavimanavannana abhikkantena vannenati kanjikadayikavimanam. Tassa ka uppatti? bhagava andhakavinde viharati, tena samayena bhagavato kucchiyam vatarogo uppajji. Bhagava ayasmantam anandam amantesi "gaccha tvam ananda pindaya caritva mayham bhesajjattham kanjikam ahara"ti. "evam bhante"ti kho ayasma anando bhagavato patissunitva maharajadattiyam pattam gahetva attano upatthakavejjassa nivesanadvare atthasi. Tam disva vejjassa bhariya paccuggantva vanditva pattam gahetva theram pucchi "kidisena vo bhante bhesajjena attho"ti. Sa kira buddhi- sampanna "bhesajjena payojane sati thero idhagacchati, na bhikkhatthan"ti sallakkhesi. "kanjikena"ti ca vutte "nayidam bhesajjam mayham ayyassa, tatha hesa bhagavato patto, handaham lokanathassa anucchavikam kanjikam sampademi"ti somanassajata sanjata- bahumana badarayusena yagum sampadetva pattam puretva tassa parivarabhavena annanca bhojanam patiyadetva pesesi. Tam paribhuttamattasseva bhagavato so abadho vupasami. Sa aparena samayena kalam katva tavatimsesu uppajjitva mahatim dibbasampattim anubhavanti modati. Athayasma mahamoggallano devacarikam caranto tam accharasahassaparivarena vicarantim disva taya katakammam imahi gathahi pucchi:- [719] "abhikkantena vannena ya tvam titthasi devate obhasenti disa sabba osadhi viya taraka. [720] Kena te'tadiso vanno kena te idha mijjhati uppajjanti ca te bhoga ye keci manaso piya. [721] Pucchami tam deva mahanubhave manussabhuta kimakasi punnam kenasi evanjalitanubhava vanno ca te sabbadisa pabhasati"ti. Sapi byakasi. [722] Sa devata attamana moggallanena pucchita panham puttha viyakasi yassa kammassidam phalam. [723] "aham andhakavindamhi buddhassadiccabandhuno adasim kolasampakam kanjikam teladhupitam. [724] Pipphalya lasunena ca missam lamanjakena ca adasim ujubhutasmim vippasannena cetasa. [725] Ya mahesittam kareyya cakkavattissa rajino nari sabbangakalyani bhattu canomadassika ekassa kanjikadanassa kalam nagghati solasim. [726] Satam nikkha satam assa satam assatariratha satam kannasahassani amuttamanikundala ekassa kanjikadanassa kalam nagghanti solasim. [727] Satam hemavata naga isadanta urulhava suvannakaccha matanga hemakappanivasasa ^1- @Footnote: ¹ cha.Ma. hemakappanavasasa Ekassa kanjikadanassa kalam nagghanti solasim. [728] Catunnamapi dipanam ^1- issaram yodha karaye ekassa kanjikadanassa kalam nagghati solasin"ti. #[723-4] Tattha adasim kolasampakam, ^2- kanjikam teladhupitanti badaramodakakasave ^3- catugunodakasamodite ^4- pakena catutthabhagavasittham ^5- yagum pacitva tam tikatuka- ajamodahingujirakalasunadihi katukabhandehi abhisankharitva sudhupitam katva lamanjagandham gahapetva pasannena cittena bhagavato patte akiritva sattharam uddisitva adasim, therassa hatthe patitthapesinti dasseti. Tenaha:- "pipphalya lasunena ca missam lamanjakena ca adasim ujubhutasmim vippasannena cetasa"ti. Sesam vuttanayameva. Evam ayasma mahamoggallano taya devataya attana samupacitasucaritakamme avikate saparivaraya tassa dhammam desetva manussalokam agantva tam pavattim bhagavato arocesi. Bhagava tamattham atthuppattim katva catuparisamajjhe dhammam desesi, sa desana mahajanassa satthika ahositi. Kanjikadayikavimanavannana nitthita. ------------------------- @Footnote: ¹ ka. padipanam ² cha.Ma. kolasampapakam ³ i. badaramodakasave @⁴ Si. catugunodakasammaddite, i. catugunodakasammodite ⁵ Si. catubhagavasitthe

The Pali Atthakatha in Roman Book 30 page 209-212. http://84000.org/tipitaka/atthapali/read_rm.php?B=30&A=4423&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=4423&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=43 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=1483 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=1472 The Pali Tipitaka in Roman Character :- http://84000.org/tipitaka/read/roman_read.php?B=26&A=1472 Contents of The Tipitaka Volume 26 http://84000.org/tipitaka/read/?index_26