AtthaPali Vol.30

57. 7. Dutiyakaraṇīyavimānavaṇṇanā sattamavimānaṃ chaṭṭhavimānasadisaṃ. Kevalaṃ tattha upāsakena bhagavato āhāro dinno, idha aññatarassa therassa. Sesaṃ vuttanayameva. Tena vuttaṃ:- @Footnote: ¹ Sī. ahuṃ [935] "uccamidaṃ maṇithūṇaṃ vimānaṃ samantato dvādasa yojanāni kūṭāgārā sattasatā uḷārā veḷuriyathambhā rucakatthatā subhā. [936] Tatthacchasi pivasi khādasi ca dibbā ca vīṇā pavadanti vagguṃ dibbā rasā kāmaguṇettha pañca nāriyo ca naccanti suvaṇṇachannā. [937] Kena te'tādiso vaṇṇo kena te idha mijjhati uppajjanti ca te bhogā yena keci manaso piyā. [938] Pucchāmi taṃ deva mahānubhāva manussabhūto kimakāsi puññaṃ kenāsi evañjalitānubhāvo vaṇṇo ca te sabbadisā pabhāsatīti. [939] So devaputto attamano moggallānena pucchito pañhaṃ puṭṭho viyākāsi yassa kammassidaṃ phalaṃ. [940] Karaṇīyāni puññāni paṇḍitena vijānatā sammaggatesu bhikkhūsu yattha dinnaṃ mahapphalaṃ. [941] Atthāya vata me bhikkhu araññā gāmamāgato tattha cittaṃ pasādetvā tāvatiṃsūpago ^1- ahaṃ. @Footnote: ¹ ka. tāvatiṃsūpagato [942] Tena me'tādiso vaṇṇo tena me idha mijjhati uppajjanti ca me bhogā ye keci manaso piyā. [943] Akkhāmi te bhikkhu mahānubhāva manussabhūto yamakāsi puññaṃ tenamhi evañjalitānubhāvo vaṇṇo ca me sabbadisā pabhāsatī"ti. Dutiyakaraṇīyavimānavaṇṇanā niṭṭhitā. ------------------

The Pali Atthakatha in Roman Book 30 page 287-289. http://84000.org/tipitaka/atthapali/read_rm.php?B=30&A=6073 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=6073 อ่านอรรถกถาแปลไทย :- http://84000.org/tipitaka/attha/attha.php?b=26&i=57 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2045 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2046 The Pali Tipitaka in Roman Character :- http://84000.org/tipitaka/read/roman_read.php?B=26&A=2046 Contents of The Tipitaka Volume 26 http://84000.org/tipitaka/read/?index_26