บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
60. 10. Pathamanagavimanavannana susukkakhandham abhiruyha naganti pathamanagavimanam. 1- Tassa ka uppatti? bhagava savatthiyam viharati jetavane. Tena samayena ayasma mahamoggallano hettha vuttanayeneva devacarikam caranto tavatimsabhavanam upagato tattha addasa annataram devaputtam sabbasetam mahantam dibbanagam abhiruyha mahantena parivarena mahata dibbanubhavena akasena gacchantam, sabba disa cando viya suriyo viya ca obhasayamanam. Disva yena so devaputto tenupasankami. Atha so devaputto tato oruyha ayasmantam mahamoggallanam abhivadetva anjalim paggayha atthasi. Atha thero tassa sampattikittanamukhena katakammam pucchi:- [961] "susukkakhandham abhiruyha nagam akacinam dantim balim mahajavam abhiruyha gajam pavaram sukappitam idhagama vehayasamantalikkhe. @Footnote: 1 cha.Ma. nagavimanam [962] Nagassa dantesu duvesu nimmita acchodaka paduminiyo suphulla padumesu ca turiyagana pavajjare ima ca naccanti manoharayo. [963] Deviddhipattosi mahanubhavo manussabhuto kimakasi punnam kenasi evanjalitanubhavo vanno ca te sabbadisa pabhasati"ti. #[961] Tattha susukkakhandhanti sutthu setakhandham. Kincapi tassa nagassa cattaro pada, vatthikosam, mukhappadeso, ubho kanna, valadhiti ettakam muncitva sabbo kayo setova, khandhappadesassa pana satisayam dhavalatarataya vuttam "susukkakhandhan"ti naganti dibbam hatthinagam. Akacinanti niddosam, sabalavankatilakadichavidosarahitanti attho. "ajaniyan"tipi pali, ajaniyalakkhanupetanti attho. 1- Dantinti [2]- vipularuciradantavantam. Balinti balavantam mahabalam. Mahajavanti abhijavantam sighagamim. Puna abhiruyhati ettha anunasikalopo datthabbo, abhiruyha arohaniyanti vuttam hoti. Sesam vuttanayameva. Evam pana therena puttho devaputto attana katakammam kathento:- [965] "attheva muttapupphani 3- kassapassa mahesino 4- thupasmim abhiropesim 5- pasanno sehi panibhi. @Footnote: 1 Si. vuttam hoti 2 ka. () etthantare dantinanti patho @3 ka. mutthipupphani 4 ka. bhagavato 5 ka. abhiropayim [966] Tena me'tadiso vanno tena me idha mijjhati uppajjanti ca me bhoga ye keci manaso piya. [967] Akkhami te bhikkhu mahanubhava manussabhuto yamakasi punnam tenampi evanjalitanubhavo vanno ca me sabbadisa pabhasati"ti imahi gathahi byakasi. Tassattho:- aham pubbe kassapassa sammasambuddhassa yojanike kanakathupe vantato muccitva gacchamule patitani attha muttapupphani labhitva tani gahetva pujanavasena pasannacitto hutva abhiropesim pujesim. Atite kira kassapasammasambuddhe parinibbute yojanike kanakathupe ca karite saparivaro kiki kasikaraja ca nagara ca negama ca janapada ca divase divase pupphapujam karonti. Tesu tatha karontesu pupphani mahagghani dullabhani ca ahesum. Atheko upasako malakaravithiyam vicaritva ekamekena kahapanena ekamekampi puppham alabhanto attha kahapanani gahetva puppharamam gantva malakaram aha "imehi attha kahapanehi atthahi pupphani dehi"ti. Nattha'yyo pupphani, sammadeva upadharetva ocinitva dinnaniti. Aham oloketva ganhamiti. Yadi evam aramam pavisitva gavesahiti. So pavisitva gavesanto patitani attha pupphani labhitva malakaram aha "ganha tata kahapanani"ti. Tava punnena laddhani, naham kahapanani ganhamiti aha. Itaro "naham mudha pupphani gahetva bhagavato pujam karissami"ti kahapanani tassa purato thapetva pupphani Gahetva cetiyanganam gantva pasannacitto pujam akasi. So aparabhage kalam katva tavatimsesu uppajjitva tattha yavatayukam thatva punapi devaloke, punapi devaloketi evam aparaparam devesuyeva samsaranto tasseva kammassa vipakavasesena imasmimpi buddhuppade tavatimsesuyeva uppajji. Tam sandhaya hettha vuttam "tattha addasa annataram devaputtan"tiadi. Tam panetam pavattim ayasma mahamoggallano manussalokam agantva bhagavato arocesi. Bhagava tamattham atthuppattim katva sampattaparisaya vittharena dhammam desesi, sa desana mahajanassa satthika ahositi. Pathamanagavimanavannana 1- nitthita. ----------------The Pali Atthakatha in Roman Book 30 page 293-296. http://84000.org/tipitaka/atthapali/read_rm.php?B=30&A=6185&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=6185&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=60 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2086 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2084 The Pali Tipitaka in Roman Character :- http://84000.org/tipitaka/read/roman_read.php?B=26&A=2084 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]