ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 30 : PALI ROMAN Vimana.A. (paramatthadi.)

                     74. 14.  Maharathavimanavannana
     sahassayuttam hayavahanam subhanti maharathavimanam. Tassa ka uppatti? bhagava
savatthiyam viharati jetavane. Tena samayena ayasma mahamoggallano hettha
@Footnote: 1 ka. hohititi  2 Si. nandanopavane  3 ka. matapitaro
Vuttanayena devacarikam caranto tavatimsabhavane gopalassa nama devaputtassa attano
vimanato nikkhamitva sahassayuttam mahantam dibbaratham abhiruyha mahantena parivarena
mahatiya deviddhiya uyyanakilanattham gacchantassa avidure paturahosi. Tam disva
devaputto sanjatagaravabahumano sahasa rathato oruyha upasankamitva panca-
patitthitena vanditva anjalim sirasi paggayha atthasi.
     Tassidam pubbakammam:- so kira vipassim bhagavantam suvannamalaya pujetva
"imassa punnassa anubhavena mayham bhave bhave sovannamaya uracchadamala
nibbattatu"ti katapanidhanaya anekakappesu sugatisuyeva samsarantiya kassapassa bhagavato
kale kikissa kasiranno aggamahesiya kucchimhi nibbattaya yathapanidhanam suvanna-
malalabhena "uracchadamala"ti laddhanamaya devakannasadisaya rajadhitaya acariyo
gopalo nama brahmano hutva sasavakasamghassa kassapassa bhagavato asadisadanadini
mahadanani pavattetva indriyanam aparipakkabhavena attanam rajadhitaranca uddissa
satthara desitam dhammam sutvapi visesam nibbattetum asakkonto puthujjanakalakiriya-
meva katva yathupacitapunnanubhavena tavatimsesu yojanasatike kanakavimane nibbatti,
anekakotiaccharaparivaro ahosi, sattaratanamayo cassa sahassayutto suvibhattabhitti-
vicitto siniddhamadhuranigghoso attano pabhasamudayena avahasanto viya divankaramandalam 1-
dibbo asannaratho nibbatti.
     So tattha yavatayukam dibbasampattim anubhavitva aparaparam devesuyeva
samsaranto imasmimpi 2- buddhuppade tasseva kammassa vipakavasesena yathavutta-
sampattivibhavo gopalo eva nama devaputto hutva tavatimsesuyeva nibbatti.
Tam sandhaya vuttam "tena ca samayena ayasma mahamoggallano .pe. Anjalim
sirasi paggayha atthasi"ti.
@Footnote: 1 Si. divasakaramandalam  2 cha.Ma. imasmim
     Evam pana upasankamitva thitam tam devaputtam ayasma mahamoggallano imahi
gathahi pucchi:-
     [1015]      "sahassayuttam hayavahanam subham
                  aruyhimam sandanam nekacittam
                  uyyanabhumim abhito anukkamam
                  purindado bhutapativa vasavo.
     [1016]       Sovannamaya te rathakubbara ubho
                  phalehi amsehi ativa sangata
                  sujatagumba naraviranitthita
                  virocati pannaraseva cando.
     [1017]       Suvannajalavatato ratho ayam
                  bahuhi nanaratanehi cittito
                  sunandighoso ca subhassaro ca
                  virocati camarahatthabahubhi.
     [1018]       Ima ca nabhyo manasabhinimmita
                  rathassa padantaramajjhabhusita
                  ima ca nabhyo satarajicittita
                  saterata vijjurivappabhasare.
     [1019]       Anekacittavatato ratho ayam
                  puthu ca nemi ca sahassaramsiko
                  tesam saro suyyati vaggurupo
                  pancangikam turiyamivappavaditam.
     [1020]       Sirasmim cittam manicandakappitam
                  sada visuddham ruciram pabhassaram
                  suvannarajihi ativa sangatam
                  veluriyarajiva ativa sobhati.
     [1021]       Ime ca vali manicandakappita
                  arohakambu sujava brahupama
                  braha mahanta balino mahajava
                  mano tavannaya tatheva simsare.
     [1022]       Ime ca sabbe sahita catukkama
                  mano tavannaya tatheva simsare
                  samam vahanti muduka anuddhata
                  amodamana turaganamuttama.
     [1023]       Dhunanti vagganti patanti cambare
                  abbhuddhunanta sukate pilandhane
                  tesam saro suyyati vaggurupo
                  pancangikam turiyamivappavaditam.
     [1024]       Rathassa ghoso apilandhanana ca
                  khurassa nado abhihimsanaya ca
                  ghoso suvaggu samitassa suyyati
                  gandhabbaturiyani vicitrasamvane.
     [1025]       Rathe thitata migamandalocana
                  alarapamha hasita piyamvada
                  Veluriyajalavatata tanucchava
                  sade'va gandhabbasuraggapujita.
     [1026]       Ta rattarattambarapitavasasa
                  visalanetta abhirattalocana
                  kule sujata sutanu sucimhita
                  rathe thita panjalika upatthita.
     [1027]       Ta kambukeyuradhara suvasasa
                  sumajjhima uruthanupapanna
                  vattanguliyo sumukha sudassana
                  rathe thita panjalika upatthita.
     [1028]       Anna suveni susu missakesiyo
                  samam vibhattahi pabhassarahi ca
                  anubbata ta tava manase rata
                  rathe thita panjalika upatthita.
     [1029]       Aveliniyo padumuppalacchada
                  alankata candanasaravasita 1-
                  anubbata ta tava manase rata
                  rathe thita panjalika upatthita.
     [1030]       Ta maliniyo padumuppalacchada
                  alankata candanasaravasita
@Footnote: 1 Ma. candanamsararopita
                  Anubbata ta tava manase rata
                  rathe thita panjalika upatthita.
     [1031]       Kanthesu te yani pilandhanani ca
                  hatthesu padesu tatheva sise
                  obhasayanti dasa sabbaso 1- disa
                  ubbhuddayam saradikova bhanuma.
     [1032]       Vatassa vegena ca sampakampita
                  bhujesu mala apilandhanani ca
                  muncanti ghosam ruciram sucim subham
                  sabbehi vinnuhi sutabbarupam.
     [1033]       Uyyanabhumya ca duvaddhato thita
                  ratha ca naga turiyani ca saro
                  tameva devinda pamodayanti
                  vina yatha pokkharapattabahubhi.
     [1034]       Imasu vinasu bahusu vaggusu
                  manunnarupasu hadayeritam pitim 2-
                  pavajjamanasu ativa acchara
                  bhamanti kanna padumesu sikkhita.
     [1035]       Yada ca gitani ca vaditani ca
                  naccani cimani samenti ekato
@Footnote: 1 ka. sabbato  2 Si...pati
                  Athettha naccanti athettha acchara
                  obhasayanti ubhato varitthiyo.
     [1036]       So modasi turiyaganappabodhano
                  mahiyamano vajiravudhoriva
                  imasu vinasu bahusu vaggusu
                  manunnarupasu  hadayeritampitim. 1-
     [1037]       Kim tvam pure kammamakasi attana
                  manussabhuto purimaya jatiya
                  uposatham kam va tuvam upavasi
                  kam dhammacariyam vatamabhirocayi.
     [1038]       Nayida'mappassa katassa 2- kammuno
                  pubbe sucinnassa uposathassa va
                  iddhanubhavo vipulo ayam tava
                  yam devasangham abhirocase bhusam.
     [1039]  Danassa te idam phalam    atho silassa va pana
             atho anjalikammassa     tamme akkhahi pucchito"ti.
    #[1015]  Tattha sahassayuttanti sahassena 3- yuttam, sahassam va yuttam yojitam
etasminti sahassayuttam. Kassa panetam sahassanti? "hayavahanan"ti anantaram
vuccamanatta hayananti ayamattho vinnayateva. Haya vahanam etassati hayavahanam.
Keci pana "sahassayuttahayavahanan"ti anunasikalopam ekameva samasapadam katva
@Footnote: 1 Si....pati  2 Si. nayidam appassa katassa  3 ka. sahassehi
Vannenti, etasmim pakkhe hayavahanam viya vahananti attho yujjati. Hayavahanasahassa-
yuttam yuttahayavahanasahassanti hi attho. Apare pana "sahassayuttanti sahassadibbajanna-
yuttan"ti vadanti. Sandananti ratham. Nekacittanti anekacittam nanavidhavicittavantam.
Uyyanabhumim abhitoti uyyanabhumiya samipe. "abhito"ti hi padam apekkhitva
samiatthe etam upayogavacanam. Keci pana "uyyanabhumya"tipi pathanti, te saddanayampi
anupadharenta pathanti. Anukkamanti gacchanto purindado bhutapativa vasavo virocasiti
sambandho.
    #[1016]  Sovannamayati suvannamaya. Teti tava. Rathakubbara ubhoti rathassa
ubhosu passesu vedika. Yo hi rathassa sobhanatthanceva upari thitanam guttatthanca
ubhosu passesu vedikakarena parikkhepo kariyati, tassa purimabhage ubhosu passesu
yava rathisa, tava hatthehi gahanayoggo rathassa avayavaviseso, idha so eva
kubbaroti adhippeto. Tenevaha "ubho"ti. Annattha pana rathisa kubbaroti vuccati.
Phalehiti 1- rathupatthambhassa dakkhinavamabhedehi dvihi phalehi, pariyantavettha phalati
vutta. Amsehiti kubbaraphale patitthitehi hetthimaamsehi. Ativa sangatati ativiya
sutthu sangata suphassita nibbivaRa. Idanca sippiviracite kittimarathe labbhamana-
visesam tattha aropetva vuttam, so pana aporisataya akittimo sayam jato kenaci
aghatitoyeva. Sujatagumbati susanthitathambhakasamudaya. Ye hi vedikaya nirantaram thita
susanthitaghatakadiavayavavisesavanto thambhakasamudaya, tesam vasenevam vuttam
"sujatagumba"ti. Naraviranitthitati sippacariyehi nitthapitasahisa. Sippacariya hi
attano sarirakhedam acintetva viriyabalena sippassa sutthu vicaranato naresu
viriyavantoti idha "naravira"ti vutta. Naravirati va devaputtassa alapanam. Nitthitati
pariyosita paripunnasobhatisaya. "naraviranimmita"ti va patho, naresu dhitisampannehi
nimmitasadisati
@Footnote: 1 Si. thalehiti
Attho. Evam vidhakubbarataya ayam tava ratho virocati. Kim viya? pannaraseva
cando, sukkapakkhe pannarasiyam paripunnakale candima viya.
    #[1017]  Suvannajalavatatoti suvannajalakehi avatato chadito. "suvanna-
jalavitato"tipi patho, gavacchitoti attho. Bahuhiti anekehi. Nanaratanehiti
padumaragaphussaragadihi nanavividharatanehi. Sunandighosoti sutthu nanditabbaghoso,
savaniyamadhuraninnadoti attho. Sunandighosoti va sutthu katanandighoso, naccanadinam
dassanadisu pavattitasadhukarasaddadivasena katapamodaninnadoti attho, "kalena kalam
asivadanavasena sutthu payuttanandighoso"ti ca vadanti. Subhassaroti sutthu ativiya
obhasanasabhavo, tattha va pavattamananam devatanam sobhanena gitavaditassarena
subhassaro. Camarahatthabahubhiti camarahatthayuttabahuhi ito cito ca bijayamana- 1-
camarakalapehi devatanam bhujehi tathabhutahi devatahi va virocati.
    #[1018]  Nabhyoti rathacakkanam nabhiyo. Manasabhinimmitati "ime idisa
hontu"ti cittena nimmitasadisa. Rathassa padantaramajjhabhusitati rathassa padanam
rathacakkanam antena 2- nemina nanaratanasamujjalena aranam vemajjhena ca mandita.
Satarajicittitati anekavannahi anekasatahi rajihi lekhahi cittita 3- vicittabhavam
gata. Saterata vijjurivati sateratasankhatavijjulata 4- viya pabhasare vijjotanti. 5-
    #[1019]  Anekacittavatatoti anekehi malakammadicittehi avatato samokinno.
"anekacittavitato"tipi pathanti, soyeva attho, gathasukhattham pana dighakaranam.
Puthu ca nemi cati puthulanemi 6- ca, eko cakaro nipatamattam. Sahassaramsikoti
anekasahassaramsiko. "sahassaramsiyo"tipi pali. Apare pana "nata ramsiyo"ti ca
@Footnote: 1 Ma. vidhupayamana...  2 i. antare  3 ka. cittita viya
@4 Ma. saterita indadhanusankhata vijjulata  5 Si.,i. vijjotante  6 Ma. vipulanemi
Pathanti, tattha natati ajiyadhanudandako viya onata nemippadesa. Sahassa-
ramsiyoti suriyamandalam viya vipphurantakiranajala. Tesanti  olambamanakinkinikajalanam
nemippadesanam.
    #[1020]  Sirasminti sise, rathassa siseti attho. Siro va asmim rathe.
Cittanti vicittam. Manicandakappitanti manimayamandalanuviddham candamandalasadisena
manina anuviddham. Ruciram pabhassaranti imina tassa candamandalasadisatamyeva vibhaveti,
sada visuddhanti imina panassa candamandalatopi visesam dasseti. Suvannarajihiti
antarantara vattakarena santhitahi suvannalekhahi. Sangatanti sahitam. Veluriyaraji
vati antarantara suvannarajihi khacittamanimandalatta 1- veluriyarajihi viya sobhati.
"veluriyarajihi"ti ca pathanti.
    #[1021]  Valiti valavanto sampannavaladhino, asse sandhaya vadati. "vaji"ti
va patho. Manicandakappitati camarolambanatthanesu manimayacandakanuviddha.
Arohakambuti ucca ceva tadanurupaparinaha ca, arohaparinahasampannati
attho. Sujavati sundarajava javavanto mahajava, sobhanagatikati attho. Brahupamati
braha viya paminitabba attano pamanato adhika viya pannayantati attho.
Brahati vuddha pavaddhasabbangapaccanga. Mahantati mahanubhava mahiddhika. Balinoti
sarirabalena ca ussahabalena ca balavanto. Mahajavati sighavega. Mano
tavannayati tava cittam natva. Tathevati cittanurupameva. Simsareti samsappare,
pavattareti attho.
    #[1022]  Imeti yathavuttaasse sandhayaha. Sabbeti sahassamattapi. Sahitati
samanajavataya samanagamanataya ca gatiyam sahita, annamannam anunadhikagamanati attho.
Catuhi padehi kamanti gacchantiti catukkama. Samam vahantiti "sahita"ti padena
@Footnote: 1 cha.Ma. khacita...
Vuttamevattham pakatataram karoti. Mudukati mudusabhava, bhadra ajaniyati attho.
Tenaha "anuddhata"ti, uddhatarahita khobham akarontati attho. Amodamanati
pamodamana, akhalunkataya annamannam rathikadinanca tutthim pavedayantati attho.
    #[1023]  Dhunantiti camarabharam kesarabharam valadhinca vidhunanti. Vaggantiti
kadaci pade padam nikkhipanta vagganena gamanena gacchanti. Patantiti kadaci pavattanti,
langhantiti attho. "plavanti"ti ca keci pathanti, soyeva attho. Abbhuddhunantati
kammasippina sukate sutthu nimmite khuddakaghantadiassalankare abhiuddhunanta
adhikam uddhunanta. Tesanti tesam pilandhananam.
    #[1024] Rathassa ghosoti yathavutto rathanigghoso. Apilandhanana cati
akaro nipatamattam. Pilandhananam abharananam. Apilandhananti ca abharana-
pariyayoti va vadanti, rathassanam abharanananca ghosoti attho. Khurassa
nadoti turanganam khuranipatasaddo, kincapi assa akasena gacchanti, madhurassa
pana khuranipatasaddassa upaladdhihetubhutena kammuna tesam khuranikkhepe khuranikkhepe
patighato labbhatiti vadanti. Abhihimsanaya cati assanam adhikahimsanena ca,
antarantara assehi pavattitahesanena 1- cati attho. "abhihesanaya ca"ti keci
pathanti. Samitassati samuditassa 2- dibbajanassa ghoso ca suvaggu sumadhuram suyyati.
Kim viyati aha "gandhabbaturiyani vicitrasamvane"ti, citralatavane gandhabbadeva-
puttanam pancangikaturiyani viya. Turiyasannissito hi  saddo "turiyani"ti vutto
nissayavoharena. "gandhabbaturiyanam ca vicitrasamvane"ti ca patho, "turiyananca iti
anunasikam anetva yojetabbam. Apare "gandhabbaturiyani vicitrapavane"ti pathanti.
    #[1025] Rathe thitatati rathe thita eta. Migamandalocanati migacchapikanam
viya mudusiniddhaditthinipata. Alarapamhati bahalasangatapakhuma, gopakhumati attho.
@Footnote: 1 i. pavattitahasanena  2 Si. pamuditassa
Hasitati pahasita, pahamsitamukhati attho. Piyamvadati piyavadiniyo. Veluriyajalavatatati
veluriyamanimayena jalena chaditasariRa. Tanucchavati sukhumacchaviyo. Sadevati
sada eva sabbakalameva. Gandhabbasuraggapujitati gandhabbadevatahi ceva aparahi
ca aggadevatahi laddhapuja. 1-
    #[1026]  Ta rattarattambarapitavasasati rajaniyarupa ca rattapitavattha ca.
Abhirattalocanati visesato rattarajihi upasobhitanayana. Kule sujatati sindhavakule
sujata visitthadevanikaye sambhava. Sutanuti sundarasariRa. Sucimhitati
suddhasitakarana. 2-
    #[1027]  Ta kambukeyuradharati suvannamayakeyuradhaRa. Sumajjhimati vilaggamajjha.
Uruthanupapannati sampannauruthana, kadalikhandhasadisauru ceva samuggasadisathana ca.
Vattanguliyoti anupubbato vattanguliyo. Sukhumati sundaramukha, pamuditamukha va.
Sudassanati dassaniya.
    #[1028]  Annati ekacca. Suveniti sundarakesaveniyo. Susuti dahaRa.
Missakesiyoti rattamaladihi missitakesavattiyo. Katham? samam vibhattahi pabhassarahi
Cati, samam annamannasadisam nanavibhattivasena vibhattahi suvannaciradikhacitahi
indanilamaniadayo viya pabhassarahi kesavattihi missitakesiyoti yojana. Anubbatati
anukulakiriya. Tati accharayo.
    #[1129]  Candanasaravositati sarabhutena dibbacandanena ullitta vicchurita.
    #[1031]  Kanthesutiadina givupagahatthupagapadupagasisupagadiabharanani dasseti.
Obhasayantiti kanthesu yani pilandhanani, tehi obhasayantiti yojana.
@Footnote: 1 Ma. laddhapujita  2 Si. sutthu sitakarana
Evam sesesupi. Abbhuddayanti abhiuggacchanto, "abbhuddasan"tipi 1- patho, soyeva
attho. Saradikoti saradakaliko. Bhanumati suriyo. So hi abbhadidosavirahena
dasapi disa sutthu obhaseti.
    #[1032]  Vatassa vegena cati manunnagandhupaharam saddupaharanca karontena
upaharantena viya vayantena vatassa vegena rathaturangavegena ca. Muncantiti
vissajjenti. Ruciranti pancangikaturiyani viya uparupari rucidayakam. Sucinti
suddham asamsattham. Subhanti manunnam. Sabbehi vinnuhi sutabbarupanti sabbehipi
vinnujatikehi gandhabbasamayannuhi sotabbam savaniyam uttamasabhavam ghosam muncantiti
yojana.
    #[1033]  Uyyanabhumyati uyyanabhumiyam. Duvaddhatoti dvihi addhapassehi. 2-
"dubhato ca thita"tipi pathanti, soyevattho. Rathati rathe. Nagati nage.
Upayogatthe hi etam paccattavacanam. Saroti rathanagaturiyani paticca nibbatto
saro. Devindati devaputtam alapati. Vina yatha pokkharapattabahubhiti yatha
vina  sammadeva yojitehi donipattabahudandehi tam tam mucchananurupam avatthitehi
vadiyamana sunantam janam pamodeti, evam tam rathadayo attano sarena pamodayanti.
Susikkhitabhavena pokkharabhavam sundarabhavam pattehi vinavadakassa hatthehi pavadita
vina yatha mahajanam pamodeti, evam tam rathadayo attano sarena pamodayantiti.
    #[1034]  Imasu vinasuti gathaya ayam sankhepattho:- imasu ujukoti-
vankabrahatinandiniti saraadibhedasu bahusu vinasu siniddhamadhurassarataya vaggusu
tato eva manunnarupasu dahayeritam hadayangamam hadayaharini pitim pitinimittam
pavajjamanasu pavadiyamanasu acchara devakanna pitivegukkhittataya attano
susikkhitataya ca dibbapadumesu bhamanti naccam dassentiyo sancaranti.
@Footnote: 1 Ma. abbhussayantipi  2 i. duhatthatoti dvihi hatthapassehi
    #[1035]  Imaniti  idam paccekam yojetabbam "imani gitani imani vaditani
imani naccani ca"ti. Samenti ekatoti ekajjham samarasani 1- honti. Atha va
samenti ekatoti ekato ekajjham samani samarasani karonti, tantissaram gitassarena,
gitassaranca tantissarena samsandantiyo naccanena yathadhigate hassadirase
aparihapentiyo samenti samanentiti attho. Athettha naccanti athettha acchara
obhasayantiti evam gitadini samarase karontiyo atha anna ekacca acchara ettha
etasmim tava rathe naccanti, atha anna varitthiyo uttamitthiyo naccam passantiyo
attano sarirobhasena ceva vatthabharanaobhasena ca ettha etasmim padese ubhato
dvisu passesu dasapi disa kevalam obhasayanti vijjotayantiti attho.
    #[1036]  Soti so tvam evambhuto. Turiyaganappabodhanoti dibbaturiyasamuhena
katapitipabodhano. Mahiyamanoti pujiyamano. Vajiravudhorivati indo viya.
    #[1037]  Uposatham kam va tuvam upavasiti annehipi uposatho upavasiyati,
tvam kam va kidisam nama uposatham upavasiti pucchati. Dhammacariyanti danadi-
punnapatipattim. Vatanti vatasamadanam. Abhirocayiti abhirocesi, ruccitva puresiti
attho. "abhiradhayi"tipi patho, sadhesi nipphadesiti attho.
    #[1038]  Idanti nipatamattam, idam va phaphanti adhippayo. Abhirocaseti
abhibhavitva vijjotasi.
     Evam mahatherena puttho devaputto tamattham acikkhi. Tena vuttam:-
     [1040]  "so devaputto attamano    moggallanena pucchito
              panham puttho viyakasi      yassa kammassidam phalanti.
@Footnote: 1 i. samani samarasani
     [1041]         Jitindriyam buddhamanomanikkamam
                    naruttamam kassapamaggapuggalam
                    avapurantam amatassa dvaram
                    devatidevam satapunnalakkhanam.
     [1042]         Ta'maddasam kunjaramoghatinnam
                    suvannasinginadabimbasadisam
                    disvana tam khippamahum sucimano
                    tameva disvana subhasitaddhajam.
     [1043]         Ta'mannapanam atha vapi civaram
                    sucim panitam rasasa upetam
                    pupphabhikinnamhi sake nivesane
                    patitthapesim sa asangamanaso.
     [1044]         Ta'mannapanena ca civarena ca
                    khajjena bhojjena ca sayanena ca
                    santappayitva dvipadanamuttamam
                    so saggaso devapure ramamaham.
     [1045]         Etenupayena imam niraggalam
                    yannam yajitva tividham visuddham
                    payayaham manusakam samussayam
                    indupamo devapure ramamaham.
     [1046]         Ayunca vannanca sukham balanca
                    panitarupam abhikankhata muni
                    Annanca pananca bahum susankhatam
                    patitthapetabbamasangamanase.
     [1047]         Nayimasmim loke parasmim va pana
                    buddhena setthova samova vijjati
                    ahuneyyanam paramahutim gato
                    punnatthikanam vipulapphalesinan"ti.
    #[1041]  Tattha jitindriyanti manacchatthanam indriyanam bodhimuleyeva agga-
maggena jitatta nibbisevanabhavassa katatta jitindriyam. Abhinneyyadinam
abhinneyyadibhavato anavasesato abhisambuddhatta buddham. Paripunnaviriyataya
anomanikkamam caturangasamannagatassa viriyassa catubbidhasammappadhanassa ca paripuriyati
attho. Naruttamanti naranam uttamam dvipaduttamam. Kassapanti bhagavantam gottena
vadati. Avapurantam amatassa dvaranti konagamanassa 1- bhagavato sasanantaradhanato
pabhuti pihitam nibbanamahanagarassa dvaram ariyamaggam vivarantam. Devatidevanti
sabbesampi devanam atidevam. Satapunnalakkhananti anekasatapunnavasena nibbatta-
mahapurisalakkhanam.
    #[1042]  Kunjaranti kilesapatisattunimmaddanena kunjarasadisam, mahanaganti
attho. Catunnam oghanam samsaramahoghassa taritatta oghatinnam. Suvannasinginada-
bimbasadisanti singisuvannajambunadasuvannarupasadisam, kancanasannibhattacanti attho.
Disvana tam khippamahum sucimanoti tam kassapasammasambuddham disva khippam tavadeva
"sammasambuddho bhagava"ti pasadavasena kilesamalapagamanena sucimano visuddhamano
ahosim, tanca kho tameva disvana tam disva eva. Subhasitaddhajanti dhammaddhajam.
@Footnote: 1 ka. konagamanassa
    #[1043]  Ta'mannapananti tamhi bhagavati annanca pananca. Atha vapi
civaranti atha civarampi. Rasasa upetanti rasena upetam sadurasam, ularanti attho.
Pupphabhikinnamhiti ganthitehi ca aganthitehi ca pupphehi olambanavasena santharanavasena
ca abhikinne. Patitthapesinti patipadesim adasim. Asangamanasoti katthaci alagga-
citto so ahanti yojana.
    #[1044]  Saggasoti aparaparupapattivasena sagge sagge, tatthapi ca devapure
sudassanamahanagare. Ramamiti kilami modami.
    #[1045]  Etenupayenati gopalabrahmanakale sasavakasamghassa kassapassa
bhagavato yatha asadisadanam adasim, etena upayena. Imam niraggalam yannam
yajitva tividham visuddhanti anavatadvarataya muttacagataya ca niraggalam, tisupi
kalesu tihi dvarehi karanakarapananussaranavidhihi sampannataya tividham, tattha
sankilesabhaveneva 1- visuddham aparimitadhanapariccagabhavena mahacagataya yannam yajitva,
mahadanam datvati attho. Tam pana danam cirakatampi khettavatthucittanam ularataya
antarantara anussaranena attano pakatam asannam paccakkham viya upatthitam gahetva
aha "iman"ti.
    #[1046]  Evam 2- devaputto attana katakammam therassa kathetva idani tadisaya
sampattiya parepi patitthapetukamatam tathagate ca uttamam attano pasadabahumanam
pavedento "ayunca vannanca"tiadina gathadvayamaha. Tattha abhikankhatati
icchantena. Muniti theram alapati.
    #[1047]  Nayimasmim loketi devaputto attano paccakkhabhutam lokam vadati.
Parasminti tato annasmim. 3- Etena sabbepi sadevake loke dasseti. Samova
@Footnote: 1 cha.Ma. eva-saddo na dissati  2 Si. iti evam  3 Si.,i. annam
Vijjatiti settho tava titthatu, samo eva na vijjatiti attho. Ahuneyyanam paramahutim
gatoti imasmim loke yattaka ahuneyya nama, tesu sabbesu paramahutim paramam
ahuneyyabhavam gato. "dakkhineyyanam paramaggatam gato"ti va patho, tattha
paramaggatanti paramam aggabhavam, aggadakkhineyyabhavanti attho. Kesanti aha
"punnatthikanam vipulapphalesinan"ti, punnena atthikanam vipulam mahantam punnaphalam
icchantanam, tathagato eva lokassa punnakkhettanti dasseti. Keci pana "ahuneyyanam
paramaggatam gato"ti pathanti, soyeva attho.
     Evam kathentameva tam thero kallacittam muducittam vinivaranacittam udaggacittam
pasannacittanca natva saccani pakasesi, so saccapariyosane sotapattiphale patitthahi.
Atha thero manussalokam agantva bhagavato tamattham attana ca devaputtena ca
kathitaniyameneva arocesi. Sattha matamtham atthuppattim katva sampattaparisaya dhammam
desesi, sa desana mahajanassa satthika ahositi.
                     Maharathavimanavannana  nitthita.



             The Pali Atthakatha in Roman Book 30 page 314-331. http://84000.org/tipitaka/atthapali/read_rm.php?B=30&A=6631&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=6631&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=64              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2236              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2220              The Pali Tipitaka in Roman Character :- http://84000.org/tipitaka/read/roman_read.php?B=26&A=2220              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com