ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 30 : PALI ROMAN Vimana.A. (paramatthadi.)

                  68. 4. Pathamaupassayadayakavimanavannana
     cando yatha vigatavalahake nabheti pathamaupassayadayakavimanam. 1- Tassa ka
uppatti? bhagava rajagahe viharati veluvane. Tena samayena annataro bhikkhu
gamakavase vassam vasitva vutthavasso 2- pavaretva bhagavantam vanditum rajagaham
gacchanto antaramagge sayam annataram gamam pavisitva vasanatthanam pariyesanto
annataram upasakam disva pucchi "upasaka imasmim game atthi kinci pabbajitanam
vasanayoggatthanan"ti. Upasako pasannacitto geham gantva bhariyaya saddhim mantetva
therassa vasanayoggam thanam paricchinditva tattha asanam pannapetva padodakam
padapitham upatthapetva theram pavesetva tasmim pade dhovante padipam ujjaletva
mance paccattharanani pannapetva adasi, svatanaya ca nimantetva therassa
dutiyadivase bhojetva panakatthaya gulapindanca datva theram gacchantam anugantva
nivatti. So aparena samayena saha bhariyaya kalam katva tavatimsabhavane dvadasa-
yojanike kanakavimane nibbatti. Tam ayasma mahamoggallano dvihi gathahi
patipucchi:-
@Footnote: 1 cha.Ma. upassayadayakavimanam  2 ka. vutthavasso
     [1069]         "cando yatha vigatavalahake nabhe
                     obhasayam gacchati antalikkhe
                     tathupamam tuyhamidam vimanam
                     obhasayam titthati antalikkhe.
     [1070]          Deviddhipattosi mahanubhavo
                     manussabhuto kimakasi punnam
                     kenasi evanjalitanubhavo
                     vanno ca te sabbadisa pabhasati"ti.
So devaputto imahi gathahi byakasi:-
     [1071]  So devaputto attamano    moggallanena pucchito
             panham puttho viyakasi      yassa kammassidam phalam.
     [1072]         "ahanca bhariya ca manussaloke
                     upassayam arahato adamha
                     annanca pananca pasannacitta
                     sakkacca danam vipulam adamha.
     [1073]  Tena me'tadiso vanno .pe.
                     Vanno ca me sabbadisa pabhasati"ti.
     Tattha gathasu yam vattabbam, tam hettha vuttanayameva.
                  Pathamaupassayadayakavimanavannana  nitthita.
                       -------------------



             The Pali Atthakatha in Roman Book 30 page 338-339. http://84000.org/tipitaka/atthapali/read_rm.php?B=30&A=7139&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=7139&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=68              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2391              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2429              The Pali Tipitaka in Roman Character :- http://84000.org/tipitaka/read/roman_read.php?B=26&A=2429              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]