บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
79. 5. Ambavimanavannana uccamidam manithunanti ambavimanam. Tassa ka uppatti? bhagava rajagahe viharati veluvane. Tena samayena rajagahe annataro duggatapuriso paresam bhattavetanabhato hutva ambavanam rakkhati. So ekadivasam ayasmantam sariputtam gimhasamaye @Footnote: 1 cha.Ma. viharanca Suriyatapasantatte unhavalikanippilite 1- vipphandamanamaricijalavitthate 2- bhumippadese tassa ambaramassa avidurena maggena sedagatena gattena gacchantam disva sanjatagaravabahumano upasankamitva evamaha "maha ayam bhante ghammaparilaho ativiya parissantarupo 3- viya dissati, sadhu bhante ayyo imam ambaramam pavisitva muhutta vissamitva addhanaparissamam pativinodetva gacchatha anukampam upadaya"ti. Thero visesato tassa cittappasadam paribruhetukamo tam aramam pavisitva annatarassa ambarukkhassa mule nisidi. Puna so puriso aha "sace bhante nhayitukamattha, aham ito kupato udakam uddharitva tumhe nhapessami, paniyanca dassami"ti. Theropi adhivasesi tunhibhavena. So kupato udakam uddharitva parissavetva theram nhapesi, nhapetva ca hatthapade dhovitva nisinnassa paniyam upanesi. Thero paniyam pivitva patippassaddhadaratho tassa purisassa udakadane ceva nhapane ca anumodanam vatva pakkami. Atha so puriso "ghammabhitattassa vata sariputtattherassa 4- ghammaparilaham patippassambhesim, bahum vata maya punnam pasutan"ti ularapitisomanassam patisamvedesi. So aparabhage kalam katva tavatimsesu uppajji. Tam ayasma maha- moggallano upasankamitva imahi gathahi katapunnam pucchi:- [1146] "uccamidam manithunam vimanam samantato dvadasa yojanani kutagara sattasata ulara veluriyathambha rucakatthata subha. @Footnote: 1 Si. unhavalikanicite 2 Si.,i. vipphandamanamaricijalavitate @3 ka. kilantarupo 4 cha.Ma. therassa [1147] Tatthacchasi pivasi khadasi ca dibba ca vina pavadanti vaggum dibba rasa kamagunettha panca nariyo ca naccanti suvannachanna. [1148] Kena te'tadiso vanno kena te idha mijjhati uppajjanti ca te bhoga ye keci manaso piya. .pe. Kenasi evanjalitanubhavo vanno ca te sabbadisa pabhasati"ti. [1150] So devaputto attamano moggallanena pucchito panham puttho viyakasi yassa kammassidam phalam. [1151] "gimhanam pacchime mase patapante 1- divankare paresam bhatako poso ambaramam asincati. [1152] Atha tena'gama bhikkhu sariputtoti vissuto kilantarupo kayena akilantova cetasa. [1153] Tanca disvana ayantam avocam ambasincako sadhu tam bhante nhapeyyam yam mamassa sukhavaham. [1154] Tassa me anukampaya nikkhipi pattacivaram nisidi rukkhamulasmim chayaya ekacivaro. @Footnote: 1 Ma. patapente [1155] Tanca acchena varina pasannamanaso naro nhapayi rukkhamulasmim chayaya ekacivaram. [1156] Ambo ca sitto samano ca nhapito maya ca punnam pasutam anappakam iti so pitiya kayam sabbam pharati attano. [1157] Tadeva ettakam kammam akasim taya jatiya pahaya manusam deham upapannomhi nandanam. [1158] Nandane ca vane ramme nanadijaganayute ramami naccagitehi accharahi purakkhato"ti sopi tassa imahi gathahi byakasi. #[1151] Tattha gimhanam pacchime maseti asalhimase. Patapanteti ativiya dippante, 2- sabbaso unham vissajjenteti attho. Divankareti divakare, ayameva va patho. Asincatiti sincati, akaro nipatamattam, sincati ambarukkhamulesu dhuvam jalasekam karotiti attho. "asincatha"ti ca patho, sincitthati attho. "asincahan"ti ca pathanti, paresam bhatako poso hutva tada ambaramam asincim ahanti attho. #[1152] Tenati yena disabhagena so ambaramo, tena agama aganchi. Akilantova cetasati cetodukkhassa maggeneva pahinatta cetasa akilantopi samano kilantarupo kayena tena maggena agamati yojana. #[1153-4] Avocam aham tada ambasincako hutvati yojana. Ekacivaro nhayitukamoti adhippayo. @Footnote: 1 Ma. dipente #[1156] Ititi evam "ambo ca litto, samano ca nhapito, maya ca punnam pasutam anappakam, ekeneva payogena tividhopi attho sadhito"ti imina akarena pavattaya pitiya so puriso attano sabbam kayam pharati, nirantaram phutam karotiti yojana. Atitatthe cetam vattamanavacanam, phariti attho. #[1157] Tadeva ettakam kammanti tam ettakam evam paniyadanamattakam kammam akasim, taya tassam jatiyam annam nanussaramiti adhippayo. Sesam vuttanayameva. Ambavimanavannana nitthita. -----------------The Pali Atthakatha in Roman Book 30 page 358-362. http://84000.org/tipitaka/atthapali/read_rm.php?B=30&A=7552&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=7552&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=79 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=2561 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=2642 The Pali Tipitaka in Roman Character :- http://84000.org/tipitaka/read/roman_read.php?B=26&A=2642 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]