ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 30 : PALI ROMAN Vimana.A. (paramatthadi.)

                       6. Pathamanavavimanavannana
     suvannacchadanam navanti navavimanam. Tassa ka uppatti? bhagavati savatthiyam
viharante solasamatta bhikkhu annatarasmim gamakavase vasitva vutthavassa "bhagavantam
passissama, dhammanca sunissama"ti savatthim uddissa gimhasamaye addhanamaggam
patipanna, antaramagge ca nirudako kantaro, te ca tattha ghammabhitatta
kilanta tasita paniyam alabhamana annatarassa gamassa avidurena gacchanti.
Tattha annatara itthi udakabhajanam gahetva udakatthaya udapanabhimukhi gacchati.
Atha te bhikkhu tam disva "yatthayam itthi gacchati, tattha gate paniyam laddhum
sakka"ti pipasapareta tamdisabhimukha gantva udapanam disva tassa
avidure atthamsu. Sa itthi tato udakam gahetva nivattitukama te bhikkhu
disva "ime ayya udakena atthika pipasita"ti natva garucittikaram
upatthapetva udakena nimantesi. Te pattathavikato parissavanam niharitva
Parissavetva yavadattham paniyam pivitva hatthapade sitale katva tassa
itthiya paniyadane anumodanam vatva agamamsu.
     Sa tam punnam hadaye thapetva antarantara anussaranti aparabhage
kalam katva tavatimsabhavena nibbatti, tassa punnanubhavena kapparukkhopasobhitam
mahantam vimanam uppajji, tam vimanam parikkhipitva muttajalarajatavibhusita viya
sikatavakinnapandarapulinatata manikkhandhanimmalasalilavahini sarita. Tassa ubhosu
tiresu uyyanavimanadvare ca mahati pokkharani pancavannapadumasandamandita saha
suvannanavaya nibbatti. Sa tattha dibbasampattim anubhavanti navaya kilanti
lalanti vicarati. Athekadivasam ayasma mahamoggallano devacarikam caranto tam
devadhitaram navaya kilantim disva taya katapunnakammam pucchanto:-
     [43]  "suvannacchadanam navam        nari aruyha titthasi
           ogahasi pokkharanim        padmam chindasi panina.
        1- Kutagara nivesa te     vibhatta bhagaso mita
           daddallamana abhanti      samanta caturo disa. 1-
     [44]  Kena te'tadiso vanno    kena te idha mijjhati
           uppajjanti  ca te bhoga   ye keci manaso piya.
     [45]           Pucchami tam devi mahanubhave
                    manussabhuta kimakasi punnam
                    kenasi evanjalitanubhava
                    vanno ca te sabbadisa pabhasati"ti
aha.
@Footnote: 1-1 cha.Ma. ayam gatha na dissati
Tato therena putthaya devataya vissajjitakaram dassetum sangitikarehi:-
      [46] "sa devata attamana    moggallanena pucchita
           panham puttha viyakasi     yassa kammassidam phalan"ti
ayam gatha vutta.
      [47]          "aham manussesu manussabhuta
                     purimaya jatiya manussaloke
                     disvana bhikkhu tasite kilante
                     utthaya patum udakam adasim.
      [48]           Yo ve kilantana pipasitanam
                     utthaya patum udakam dadati
                     sitodaka tassa bhavanti najjo
                     pahutamalya bahupundarika.
      [49]           Tam apaga 1- anupariyanti sabbada
                     sitodaka valukasanthata nadi
                     amba ca sala tilaka ca jambuyo
                     uddalaka pataliyo ca phulla.
      [50]           Tam bhumibhagehi upetarupam
                     vimanasettham bhusa sobhamanam
                     tasseva 2- kammassa ayam vipako
                     etadisam punnakata 3- labhanti.
@Footnote: 1 Si. tamapaga  1 cha.Ma. tassidha, evamuparipi  2 Si. katapunna
             1- Kutagara nivesa me        vibhatta bhagaso mita
                daddallamana abhanti         samanta caturo disa. 1-
          [51]  Tena me'tadiso vanno       tena me idha mijjhati
                uppajjanti ca me bhoga       ye keci manaso piya.
          [52]       Akkhami te bhikkhu mahanubhava
                     manussabhuta yamamakasi punnam
                     tenamhi evanjalitanubhava
                     vanno ca me sabbadisa pabhasati"ti
ayam devataya vissajjitakaro.
         #[43] Tattha suvannacchadananti vicittabhittiviracanehi 2- rattasuvannamayehi
ubhohi passehi paticchaditabbhantarataya ceva nanaratanasamujjalitena kanakamayalankarena
uparichaditataya 3- ca suvannacchadanam. Navanti potam. So hi orato param pavati
gacchatiti poto, satte netiti navati ca vuccati. Nariti tassa devadhitaya
alapanam. Narati netiti naro, puriso. Yatha hi pathamapakatibhuto satto itaraya
pakatiya setthatthena puri setiti "puriso"ti vuccati, evam nayanatthena "naro"ti.
Puttabhatubhutopi hi puggalo matujetthabhagininam pitutthane titthati, pageva
bhattubhuto. Narassa esati nari, ayanca samanna manussitthisu pavatta
rulhivasena itarasupi tatha vuccati. Ogahasi pokkharaninti satipi rattuppala-
niluppaladike bahuvidhe ratanamaye jalajakusume pokkharasankhatanam dibbapadumanam
tattha yebhuyyena atthitaya "pokkharani"ti laddhanamam dibbasaram jalavihararatiya 4-
@Footnote: 1 cha.Ma. ayam gatha na dissati  2 Ma. vicittavividhachadanehi
@3 Si. chaditekadesataya  4 Si.,i. jalaviharabhiratiya
Anupavisasi. Padmam chindasi paninati rajatamayanalam 1- padumaragaratanamayapattasanghatam
kanakamayakannikakinjakkhakesaram dibbakamalam lilaravindam 2- kattukamataya tava
hatthena bhanjasi.
    #[47]  Tasiteti pipasite. Kilanteti taya pipasaya addhanaparissamena ca
kilantakaye. Utthayati utthanaviriyam katva, alasiyam anapajjitvati attho.
    #[48]   Yo vetiadina yatha aham, evam annepi ayatanagatena udaka-
danapunnena etadisam phalam patilabhantiti ditthena aditthassa anumanavidhim
dassenti therena putthamattham sadharanato vissajjeti. Tattha tassati tanti
ca yathavuttapunnakarinam paccamasati.
    #[49]  Anupariyantiti anurupavasena parikkhipanti.  tassa vasanatthanaparikkhipanena
sopi parikkhitto nama hoti. Tilakati bandhujivakapupphasadisapuppha eka
rukkhajati. Uddalakati vataghataka, ye "rajarukkha"tipi vuccanti.
    #[50]  Tam bhumibhagehiti tadisehi bhumibhagehi, yathavuttapokkharaninadi-
uyyanavantehi bhumipadesehiti attho. Upetarupanti pasamsiyabhavena upetam,
tesam pokkharaniadinam vasena ramaniyasannivesanti vuttam hoti. Bhusa sobhamananti
bhusam ativiya virocamanam vimanasettham labhantiti yojana. Sesam vuttanayamevati.
                     Pathamanavavimanavannana nitthita.
                          -------------
@Footnote: 1 Si. marakatamayanalam  2 Ma. kilaravindam



             The Pali Atthakatha in Roman Book 30 page 40-44. http://84000.org/tipitaka/atthapali/read_rm.php?B=30&A=870&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=30&A=870&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=6              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=119              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=129              The Pali Tipitaka in Roman Character :- http://84000.org/tipitaka/read/roman_read.php?B=26&A=129              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com