|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
114. 4. Bhusapetavatthuvannana bhusani eko salim punaparoti idam satthari savatthiyam viharante cattaro pete arabbha vuttam. Savatthiya kira avidure annatarasmim gamake eko kutavanijo kutamanadihi jivikam kappesi. So salipalape gahetva tambamattikaya paribhavetva garutare katva rattasalihi saddhim missetva vikkini. Tassa putto "gharam agatanam mama mittasuhajjanam sammanam na karoti"ti kupito yugacammam 1- gahetva matusise paharam adasi. Tassa sunisa sabbesam atthaya thapitamamsam corikaya khaditva puna tehi anuyunjiyamana "sace maya tam mamsam khaditam, bhave bhave attano pitthimamsam kantitva khadeyyan"ti sapathamakasi. Bhariya panassa kincideva upakaranam yacantanam "natthi"ti vatva tehi nippiliyamana "sace santam natthiti vadami, jatajatatthane guthabhakkha bhaveyyan"ti musavadena sapathamakasi. Te cattaropi jana aparena samayena kalam katva vinjhataviyam peta hutva nibbattimsu. Tattha kutavanijo kammaphalena pajjalantam bhusam ubhohi hatthehi gahetva attano matthake akiritva mahadukkham anubhavati, tassa putto ayomayehi muggarehi sayameva attano sisam bhinditva anappakam dukkham paccanubhoti, tassa sunisa kammaphalena sunisitehi ativiya vipulayatehi nakhehi attano pitthimamsani kantitva 2- khadanti aparimitam dukkham anubhavati, tassa bhariyaya sugandham suvisuddham apagatakalakam salibhattam upanitamattameva nanavidhakimikulakulam paramaduggandhajeguccham gutham sampajjati, tam sa ubhohi hatthehi pariggahetva bhunjanti mahadukkham patisamvedeti. Evam tesu catusu janesu petesu nibbattitva mahadukkham anubhavantesu ayasma mahamoggallano pabbatacarikam caranto ekadivasam tam thanam gato te pete disva:- @Footnote: 1 Si. yoggacammam 2 Si.,i. okkantitva okkantitva--------------------------------------------------------------------------------------------- page203.
[447] "bhusani eko salim punaparo ayanca nari sakamamsalohitam tuvanca gutham asucim akantam 1- paribhunjasi kissa ayam vipako"ti imaya gathaya tehi katakammam pucchi. Tattha bhusaniti palapani. Ekoti ekako. Salinti salino. Samiatthe hetam upayogavacanam, salino palapani pajjalantani attano sise avakiratiti adhippayo. Punaparoti puna aparo. Yo hi so matusisam pahari, so ayomuggarehi attano sisam paharitva sisabhedam papunati, tam sandhaya vadati. 2- Sakamamsalohitanti attano pitthimamsam lohitanca paribhunjatiti yojana. Akantanti 3- amanapam jeguccham. Kissa ayam vipakoti katamassa papakammassa idam phalam, yam idani tumhehi paccanubhaviyatiti attho. Evam therena tehi katakamme pucchite kutavanijassa bhariya sabbehi tehi katakammam acikkhanti:- [448] "ayam pure mataram hisati ayam pana kutavanijo ayam mamsani khaditva musavadena vanceti. [449] Aham manussesu manussabhuta agarini sabbakulassa issara santesu pariguhami ma ca kinci ito adam. [450] Musavadena chademi natthi etam mama gehe sace santam niguhami gutho me hotu bhojanam. @Footnote: 1 Si.,i. akantikam 2 Ma. sisabhedapapunatthanagato 3 Si.,i. akantikanti na kantam--------------------------------------------------------------------------------------------- page204.
[451] Tassa kammassa vipakena musavadassa cubhayam sugandham salino bhattam gutham me parivattati. [452] Avanjhani ca kammani na hi kammam vinassati duggandham kiminam milham bhunjami ca pivami ca"ti gatha abhasi. #[448] Tattha ayanti puttam dassenti vadati. Himsatiti thamena paribadheti, 1- muggarena paharatiti attho. Kutavanijoti khalavanijo 2-, vancanaya vanijjakarakoti attho. Mamsani khaditvati parehi sadharanamamsam khaditva 3- "na khadami"ti musavadena te vanceti. #[449-450] Agariniti gehasamini. Santesuti vijjamanesveva parehi yacitaupakaranesu. Pariguhamiti paticchadesim. Kalavipallasena hetam vuttam. Ma ca kinci ito adanti ito mama santakato kincimattampi atthikassa parassa na adasim. Chademiti "natthi etam mama gehe"ti musavadena chadesim. #[451-452] Gutham me parivattatiti sugandham salibhattam mayham kammavasena guthabhavena parivattati parinamati. Avanjhaniti amoghani anipphalani. Na hi kammam vinassatiti yathupacitam 4- kammam phalam adatva na hi vinassati. Kiminanti 5- kimivantam sanjatakimikulam. Milhanti gutham. Sesam hettha vuttanayatta uttanameva. Evam thero tassa petiya vacanam sutva tam pavattim bhagavato arocesi. Bhagava tamattham atthuppattim katva sampattaparisaya dhammam desesi, sa desana mahajanassa satthika ahositi. Bhusapetavatthuvannana nitthita. @Footnote: 1 Ma. paripotheti 2 Ma. balavanijo 3 Si.,i. sayameva khaditva @4 Si.,i. hetupacitam 5 Si. kimijantiThe Pali Atthakatha in Roman Book 31 page 202-204. http://84000.org/tipitaka/atthapali/read_rm.php?B=31&A=4471&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=4471&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=114 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4134 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=4320 The Pali Tipitaka in Roman Character :- http://84000.org/tipitaka/read/roman_read.php?B=26&A=4320 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]