บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
126. 6. Kumarapetavatthuvannana savatthi nama nagaranti idam sattha jetavane viharanto dve pete arabbha kathesi. Savatthiyam kira kosalaranno dve putta pasadika pathamavaye thita yobbanamadamatta paradarakammam katva kalam katva parikhapitthe peta hutva nibbattimsu. Te rattiyam bheravena saddena paridevimsu. Manussa tam sutva bhitatasita "evam kate idam avamangalam vupasammati"ti buddhappamukhassa bhikkhusamghassa mahadanam datva tam pavattim bhagavato arocesum. Bhagava "upasaka tassa saddassa savanena tumhakam na koci antarayo"ti vatva tassa karanam acikkhitva tesam dhammam desetum:- [746] "savatthi nama nagaram himavantassa passato tattha asum dve kumara rajaputtati me sutam. [747] Sammatta 1- rajaniyesu kamassadabhinandino paccuppannasukhe giddha na te passimsunagatam. @Footnote: 1 ka. pamatta [748] Te cuta ca manussatta paralokam ito gata tedha ghosentudissanta 1- pubbe dukkatamattano. [749] Bahusu vata santesu deyyadhamme upatthite nasakkhimha ca attanam parittam katum 2- sukhavaham. [750] Kim tato papakam assa yam no 3- rajakula cuta upapanna pettivisayam khuppipasasamappita 4-. [751] Samino idha hutvana honti asamino tahim bhamanti 5- khuppipasaya manussa unnatonata. [752] Etamadinavam natva issaramadasambhavam pahaya issaramadam bhave saggagato naro. Kayassa bheda sappanno saggam so upapajjati"ti gatha abhasi. #[746] Tattha iti me sutanti na kevalam attano nanena ditthameva, atha kho loke pakatabhavena evam maya sutanti attho. #[747] Kamassadabhinandinoti kamagunesu assadavasena abhinandanasila. Paccuppannasukhe giddhati vattamanasukhamatte giddha gathita hutva. Na te passimsunagatanti duccaritam pahaya sucaritam caritva anagatam ayatim devamanussesu laddhabbam sukham te na cintesum. 6- #[748] Tedha ghosentudissantati te pubbe rajaputtabhuta peta idha savatthiya samipe adissamanarupa ghosenti kandanti. Kim kandantiti aha "pubbe dukkatamattano"ti. @Footnote: 1 Ma. te ca ghosenti dissanti 2 ka. parittasotthim katum 3 ka. santo @4 sa.,i. khippipasasamappita 5 Si.,i. caranti 6 Ma. na vindesum #[749] Idani tesam kandanassa karanam hetuto ca phalato ca vibhajitva dassetum "bahusu vata santesu"tiadi vuttam. Tattha bahusu vata santesuti anekesu dakkhineyyesu vijjamanesu. Deyyadhamme upatthiteti attano santake databbadeyyadhammepi samipe thite, labbhamaneti attho. Parittam sukhavahanti appamattakampi ayatim sukhavaham punnam katva attanam sotthim nirupaddavam katum nasakkhimha vatati yojana. #[750] Kim tato papakam assati tato papakam lamakam nama kim annam assa siya. Yam no rajakula cutati yena papakammena mayam rajakulato cuta idha pettivisayam upapanna petesu nibbatta khuppipasasamappita vicaramati attho. #[751] Samino idha hutvanati idha imasmim loke yasmimyeva thane pubbe samino hutva vicaranti, tahim tasmimyeva thane honti assamino. Manussa unnatonatati manussakale samino hutva kalakata kammavasena 1- onata bhamanti 2- khuppipasaya, passa samsarapakatinti dasseti. #[752] Etamadinavam 3- natva, issaramadasambhavanti etam 4- issariyamadavasena sambhutam apayupapattisankhatam adinavam dosam natva pahaya issariyamadam punnappasuto hutva. Bhave saggagato naroti saggam devalokam gatoyeva bhaveyya. Iti sattha tesam petanam pavattim kathetva tehi manussehi katam danam tesam petanam uddisapetva sampattaparisaya ajjhasayanurupam dhammam desesi, sa desana mahajanassa satthika ahositi. Kumarapetavatthuvannana nitthita. @Footnote: 1 Ma. kammaphalena 2 Si. caranti 3 Si. evamadinavam 4 Si. evamThe Pali Atthakatha in Roman Book 31 page 279-281. http://84000.org/tipitaka/atthapali/read_rm.php?B=31&A=6201&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=31&A=6201&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=126 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4741 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5092 The Pali Tipitaka in Roman Character :- http://84000.org/tipitaka/read/roman_read.php?B=26&A=5092 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]