ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                294. 7. Sonapotiriyaputtattheragathavannana
      na tava supitum hotiti ayasmato sonassa potiriyaputtassa 3- gatha. Ka
uppatti?
      ayampi purimabuddhesu katadhikaro sikhissa bhagavato kale vanacaro hutva
jivanto ekadivasam sattharam disva pasannacitto kuranjiyaphalam 4- satthuno adasi. So
tena punnakammena devamanussesu samsaranto imasmim buddhuppade kapilavatthusmim
potiriyassa nama gamabhojakassa 5- putto hutva nibbatti, sonotissa namam ahosi.
So vayappatto bhaddiyassa sakiyaranno senapati ahosi. Atha bhaddiyaraje hettha
vuttanayena pabbajite senapati "rajapi nama pabbaji, kim mayham gharavasena"ti
pabbaji. Pabbajitva pana niddaramo viharati, na bhavanamanuyunjati. Tam bhagava
@Footnote: 1 i. tadibhavavahanena  2 Si.,i. uttamapuggalam  3 Si. sonassa setthiputtattherassa
@4 Si. kurunjiyaphalam, i. kurandiyaphalam         5 Si. selissariyanamakassa gamabhojakassa
Anupiyayam ambavane viharanto attano obhasam pharapetva tenassa satim janetva
imaya gathaya tam ovadanto:-
    [193] "na tava supitum hoti        ratti nakkhattamalini
           patijaggitumevesa          ratti hoti vijanata.
    [194]  Hatthikkhandhavapatitam          kunjaro ce anukkame
           sangame me matam seyyo    yance jive parajito"ti
gathadvayam abhasi.
      Tattha na tava supitum hoti, ratti nakkhattamaliniti atthahi akkhanehi vajjitam
navamam khanam labhitva thitassa vinnujatikassa yava na arahattam hatthagatam hoti,
tava ayam nakkhattamalini ratti supitum niddayitum na hoti, supanassa kalo na
hoti. Apica kho patijaggitumevesa, ratti hoti vijanatati esa ratti nama
manussanam migapakkhinanca niddupagamanena visesato nissaddavelabhuta patipattim attani
sanjaggitum jagariyanuyogamanuyunjitumeva 1- vijanata vinnuna icchita hotiti.
      Tam sutva sono samviggataramanaso 2- hirottappam paccupatthapetva
abbokasikangam adhitthaya vipassanaya kammam karonto "hatthikkhandhavapatitan"ti dutiyam
gathamaha. Tattha avapatitanti avamukham patitam uddhampadam adhomukham patitam. Kunjaro  ce
anukkameti kunjaro anukkameyya ce. Idam vuttam hoti:- yadaham hatthimaruhitva
sangamam pavittho hatthikkhandhato patito, tadaham sangame tena hatthina maddito
mato ahosim ce, tam me maranam seyyo, yance  idani kilesehi parajito
jiveyyam, 3- tam na seyyoti. Imam gatham vadantoyeva vipassanam ussukkapetva
arahattam papuni. Tena vuttam apadane 4- :-
@Footnote: 1 Si., i.....manuyunjitukamena            2 Si. tam sutva so tena samviggamanaso
@3 Ma. jiveyya       4 khu.apa. 33/101/152 kuranjiyaphaladayakattherapadana (sya)
          "migaluddo pure asim         vipine vicaram aham
           addasam virajam buddham           sabbadhammana paragum.
           Kuranjiyaphalam gayha            buddhasetthassadasaham
           punnakkhettassa dhirassa 1-     pasanno sehi panibhi.
           Ekatimse ito kappe        yam phalam adadim tada
           duggatim nabhijanami          phaladanassidam phalam.
           Kilesa jhapita mayham .pe.   katam buddhassa sasanan"ti.
      Arahattam pana patva "satthara vuttam, attana vuttan"ti ubhayam hi gatham
"hatthikkhandhavapatitan"tiadina paccudahasi. Tena idameva annabyakaranam
ahositi.
                 Sonapotiriyaputtattheragathavannana nitthita.
                        -----------------



             The Pali Atthakatha in Roman Book 32 page 487-489. http://84000.org/tipitaka/atthapali/read_rm.php?B=32&A=10910&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=10910&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=294              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5939              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6077              The Pali Tipitaka in Roman Character :- http://84000.org/tipitaka/read/roman_read.php?B=26&A=6077              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com