AtthaPali Vol.32

141. 4. Punnattheragathavannana ^1- sabbhireva samasethati ayasmato punnattherassa gatha. Ka uppatti? ayam kira padumuttarassa dasabalassa uppattito puretarameva hamsavatinagare brahmana- mahasalakule nibbatto anukkamena vinnutam patto satthari loke uppajjante ^2- ekadivasam buddhanam dhammadesanakale hettha vuttanayena mahajanena saddhim viharam gantva parisapariyante nisiditva dhammam sunanto sattharam ekam bhikkhum dhammakathikanam aggatthane thapentam disva "mayapi anagate evarupena bhavitum vattati"ti cintetva desanavasane vutthitaya parisaya sattharam upasankamitva nimantetva hettha vuttanayeneva mahasakkaram katva bhagavantam evamaha "bhante aham imina adhikara- kammena nannam sampattim patthemi. Yatha pana so bhikkhu ito sattamadivasamatthake dhammakathikanam aggatthane thapito, evam ahampi anagate ekassa buddhassa sasane dhammakathikanam bhikkhunam aggo bhaveyyan"ti patthanam akasi. Sattha anagatam oloketva tassa patthanaya samijjhanabhavam disva "anagate kappasatasahassamatthake gotamo nama buddho uppajjissati, tassa sasane tvam pabbajitva dhammakathikanam aggo bhavissasi"ti byakasi. So tattha yavajivam kalyanadhammam katva tato cuto kappasatasahassam punnanana- sambharam ^3- sambharanto devamanussesu samsaritva amhakam bhagavato kale kapilavatthunagarassa avidure donavatthunamake brahmanagame brahmanamahasalakule annakondannattherassa ^4- bhagineyyo hutva nibbatti. Tassa namaggahanadivase "punno"ti namam akamsu. So satthari abhisambodhim patva pavattavaradhammacakke anupubbena rajagaham gantva tam upanissaya viharante annakondannattherassa santike @Footnote: ¹ ka. punnamantaniputtattheragathavannana ² Si. uppanne ³ Si. punnasambharam @⁴ cha.Ma. annasikondannattherassa, ka., Ma. annatakondanna... Pabbajitva laddhupasampado sabbam pubbakiccam ^1- katva padhanamanuyunjanto pabbajitakiccam matthakam papetvava "dasabalassa santikam gamissami"ti matulattherena saddhim satthu santikam agantva kapilavatthusamantayeva ohiyitva yonisomanasikare kammam karonto na cirasseva vipassanam ussukkapetva arahattam papuni. Vuttampi cetam apadane:- ^2- "ajjhayako mantadharo tinnam vedana paragu purakkhatomhi sissehi upagacchim naruttamam. Padumuttaro lokavidu ahutinam patiggaho mama kammam pakittesi ^3- sankhittena mahamuni. Taham dhammam sunitvana abhivadetvana satthuno anjalim paggahetvana pakkamim ^4- dakkhinamukho. Sankhittena sunitvana vittharena adesayim ^5- sabbe sissa attamana sutvana mama bhasato sakam ditthim vinodetva buddhe cittam pasadayum. ^6- Sankhittenapi desemi vittharena tathevaham abhidhammanayannoham ^7- kathavatthuvisuddhiya sabbesam vinnapetvana viharami anasavo. Ito pancasate kappe caturo suppakasaka sattaratanasampanna catudipamhi issaRa. Patisambhida catasso .pe. katam buddhassa sasanan"ti. Tassa pana punnattherassa santike pabbajita kulaputta pancasata ahesum. @Footnote: ¹ Si. sabbakiccam ² khu. apadana. 32/434/52 punnamantaniputtattherapadana ³ Ma. @sankittesi ⁴ cha.Ma. pakkamim ⁵ cha.Ma. abhasayim ⁶ Ma. pasadayim ⁷ cha.Ma. abhidhammanayannuham Thero sayam dasakathavatthulabhitaya tepi dasahi kathavatthuhi ovadi. Te tassa ovade thatva sabbeva arahattam patta. Te attano pabbajitakiccam ^1- matthakappattam natva upajjhayam upasankamitva ahamsu "bhante amhakam kiccam matthakappattam, dasannancamha kathavatthunam labhino, samayo dani ^2- no dasabalam passitun"ti. Thero tesam vacanam sutva cintesi "mama dasa kathavatthulabhitam sattha janati aham dhammam desento dasa kathavatthuni amuncitvava desemi, mayi gacchante sabbepime bhikkhu mam parivaretva gacchissanti, evam ganasanganikaya gantva pana ayuttam mayham dasabalam passitum, ime tava gantva passantu"ti te bhikkhu aha "avuso tumhe purato gantva tathagatam passatha, mama vacanena cassa pade vandatha, ahampi tumhakam gatamaggenagamissami"ti. Te thera sabbepi dasabalassa jatibhumiratthavasino sabbe khinasava sabbe dasakathavatthulabhino attano attano upajjhayassa ovadam sampaticchitva ^3- theram vanditva anupubbena carikam caranta satthiyojanamaggam atikkamma rajagahe veluvanamahaviharam gantva dasabalassa pade vanditva ekamantam nisidimsu. Acinnam kho panetam buddhanam bhagavantanam agantukehi bhikkhuhi saddhim patisammoditunti bhagava tehi saddhim "kacci bhikkhave khamaniyan"tiadina nayena madhurapatisantharam katva "kuto ca tumhe bhikkhave agacchatha"ti pucchi. Atha tehi "jatibhumito"ti vutte "ko nu kho bhikkhave jatibhumiyam jatibhumikanam bhikkhunam sabrahmacarinam evam sambhavito' attana ca appiccho appicchakathanca bhikkhunam katta"ti ^4- dasakathavatthulabhim bhikkhum pucchi. Tepi "punno nama bhante ayasma mantaniputto"ti arocayimsu. Tam katham sutva ayasma sariputto therassa dassanakamo ahosi. Atha sattha rajagahato savatthim agamasi. Punnattheropi dasabalassa tattha agatabhavam sutva "sattharam passissami"ti gantva antogandhakutiyamyeva tathagatam sampapuni. @Footnote: ¹ Ma. pabbajjakiccam ² Ma. ayam patho na dissati ³ Si. amadditva @⁴ Ma.mu. 12/252/215 rathavinitasutta Sattha tassa dhammam desesi. Thero dhammam sutva dasabalam vanditva patisallanatthaya andhavanam gantva annataramhi rukkhamule divaviharam nisidi. Sariputtattheropi tassagamanam sutva sisanulokito ^1- gantva okasam sallakkhteva tam rukkhamule nisinnam upasankamitva therena saddhim sammoditva tam sattavisuddhikkamam ^2- pucchi. Theropissa pucchitapucchitam ^3- byakaronto rathavinitupamaya cittam aradhesi, te annamannassa subhasitam samanumodimsu. Atha sattha aparabhage bhikkhusamghamajjhe nisinno theram "etadaggam bhikkhave mama savakanam bhikkhunam dhammakathikanam yadidam punno"ti ^4- dhammakathikanam aggatthane thapesi. So ekadivasam attano vimuttisampattim paccavekkhitva "sattharam nissaya ahanceva anne ca bahu satta samsaradukkhato vippamutta, bahupakara vata sappurisasamseva"ti ^5- pitisomanassajato udanavasena pitivegavissattham ^6- ^7- "sabbhireva samasetha panditehatthadassibhi attham mahantam gambhiram duddasam nipunam anum dhira samadhigacchanti appamatta vicakkhana"ti gatham abhasi. ^7- [4] Tattha sabbhirevati sappurisehieva. Santoti panettha buddhadayo ariya adhippeta. Te hi anavasesato asatam dhammam pahaya saddhamme ukkamsagatatta satisayam pasamsayitva ca ^8- visesato "santo sappurisa"ti ca vuccanti. Samasethati samam asetha ^9- saha vaseyya. Te payirupasanto tesam sussusanto ditthanugatinca apajjanto @Footnote: ¹ cha.Ma. silanulokiko ² Ma. tam visuddhikatham ³ Ma. pucchitam pucchitam @⁴ an.ekaka. 20/196/23 etadaggavagga: pathamavagga ⁵ Ma. sappurisasamvasati @⁶ Si. pitivegavisittham ^7-7 cha.Ma. "sabbhireva samasetha"ti gatham abhasi @⁸ cha.Ma. pasamsiyatta ca, Si. pasamsataya ca ⁹ Ma. samma asetha, Si. samam asevatha Samanavaso bhaveyyati attho. Panditehatthadassibhiti tesam thomana. Panda vuccati panna, sa imesam sanjatati pandita. Tatoeva attatthadibhedam attham aviparitato passantiti atthadassino. Tehi panditehi atthadassihi samasetha. Kasmati ce? yasma te santo pandita, te va samma sevanta ekantahitabhavato magga- nanadiheva araniyato attham, mahagunataya santataya ca mahantam, agadhabhavato gambhirananagocarato ca gambhiram, hinacchandadihi datthum asakkuneyyatta itarehi ca ^1- kicchena datthabbatta duddasam, duddasatta sanhanipunasabhavatta nipunanana- gocarato ca nipunam, nipunattaeva sukhumasabhavataya anum nibbanam, aviparitatthena va paramatthasabhavatta attham, ariyabhavakaratta mahattanimittataya mahantam, anuttana- sabhavataya gambhiram, dukkhena datthabbam na sukhena datthum sakkati duddasam, gambhiratta duddasam, duddasatta gambhiranti catusaccam, visesato nipunam anum nirodhasaccanti evametam catusaccam dhira samadhigacchanti dhitisampannataya dhira catusaccakammatthana- bhavanam ussukkapetva sammadeva adhigacchanti. Appamattati sabbattha satiavippavasena appamadapatipattim purenta. Vicakkhanati vipassanabhavanaya cheka kusala. Tasma sabbhireva samasethati yojana. Panditehatthadassibhiti va etam nissakkavacanam. Yasma panditehi atthadassibhi samudayabhutehi dhira appamatta vicakkhana mahantadivisesavantam attham samadhigacchanti, tasma tadisehi sabbhireva samasethati sambandho. Evamesa therassa pativedhadipanena annabyakaranagathapi ahositi. Punnattheragathavannana nitthita. -------------- @Footnote: ¹ Si. tatha itarehi ca

The Pali Atthakatha in Roman Book 32 page 52-56. http://84000.org/tipitaka/atthapali/read_rm.php?B=32&A=1171&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=1171&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=141 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=4992 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5309 The Pali Tipitaka in Roman Character :- http://84000.org/tipitaka/read/roman_read.php?B=26&A=5309 Contents of The Tipitaka Volume 26 http://84000.org/tipitaka/read/?index_26