ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                  311. 5. Matangaputtattheragathavannana
      atisitanti ayasmato matangaputtattherassa gatha. Ka uppatti?
      ayam kira padumuttarassa bhagavato kale himavantasamipe mahato jatassarassa
hettha mahati nagabhavane mahanubhavo nagaraja hutva nibbatto ekadivasam
nagabhavanato nikkhamitva vicaranto sattharam akasena gacchantam disva pasannamanaso
attano sisamanina 3- pujam akasi. So tena punnakammena devamanussesu samsaranto
imasmim buddhuppade kosalaratthe matangassa nama kutumbikassa putto hutva
nibbatto matangaputtotveva pannayittha. So vinnutam patto alasajatiko hutva
kinci kammam akaronto natakehi annehi ca garahito "sukhajivino ime samana
sakyaputtiya"ti sukhajivitam akankhanto bhikkhuhi kataparicayo hutva sattharam
upasankamitva dhammam sutva patiladdhasaddho pabbajitva anne bhikkhu iddhimante
disva iddhibalam patthetva satthu santike kammatthanam gahetva bhavanam
anuyunjanto chalabhinno ahosi. Tena vuttam apadane 4- :-
@Footnote: 1 Si.,i. appamadadhammam anuyunjantassa     2 Ma.Ma. 13/352/338 angulimalasutta,
@  khu.dhamMa. 25/27/20 balanakkhattavatthu   3 Si.,i. kanthamanina
@4 khu.apa. 33/62/88 manipujakattherapadana (sya)
          "padumuttaro nama jino         sabbadhammana paragu
           vivekakamo sambuddho         gacchate anilanjase.
           Avidure himavantassa           mahajatassaro ahu
           tattha me bhavanam asi          punnakammena samyutam.
           Bhavana nikkhamitvana 1-        addasam lokanayakam
           indivaramva jalitam 2-           adittamva hutasanam.
           Vijanam addasam 3- puppham         pujayissanti nayakam
           sakam cittam pasadetva         avandim satthuno aham.
           Mama sise manim gayha 4-        pujayim lokanayakam
           imaya manipujaya             vipako hotu bhaddako.
           Padumuttaro lokavidu           ahutinam patiggaho
           antalikkhe thito sattha        imam gatham abhasatha.
           So te ijjhatu sankappo       labhassu 5- vipulam sukham
           imaya manipujaya             anubhohi mahayasam.
           Idam vatvana sambuddho 6-      jalajuttamanamako
           agamasi buddhasettho          yattha cittam panihitam.
           Satthikappani devindo         devarajjamakarayim
           anekasatakkhattunca            cakkavatti ahosaham.
           Pubbakammam sarantassa           devabhutassa me sato
           mani nibbattate mayham          alokakarano mamam.
           Chalasitisahassani              nariyo me pariggaha
           vicittavatthabharana            amuttamanikundala 7-.
@Footnote: 1 cha.Ma. abhinikkhamma         2 Si. indavajirajalitam     3 cha.Ma. vicinam naddasam
@4 Si. mama sisam manim paggayha    5 pali. labhatu  6 cha.Ma. bhagava     7 cha.Ma. amukka....
           Alaramukha 1- hasula        susanna 2- tanumajjhima
           parivarenti mam niccam          manipujayidam phalam.
           Sonnamaya manimaya           lohitankamaya tatha
           bhanda me sukata honti       yadicchasi 3- pilandhana.
           Kutagara gaha ramma        sayananca maharaham
           mama sankappamannaya           nibbattanti yadicchakam.
           Labha tesam suladdhanca         ye labhanti upassutim
           punnakkhettam manussanam         osatham 4- sabbapaninam.
           Mayhampi sukatam kammam           yoham adakkhi nayakam
           vinipata sumuttomhi 5-       pattomhi acalam padam.
           Yam yam yonupapajjami           devattam atha manusam
           divasanceva rattinca           aloko hoti me sada.
           Tayeva manipujaya            anubhotvana sampada
           nanaloko maya dittho       pattomhi acalam padam.
           Satasahasse ito 6- kappe     yam manim abhipujayim
           duggatim nabhijanami           manipujayidam phalam.
           Kilesa jhapita mayham .pe.    katam buddhassa sasanan"ti.
      Chalabhinno pana hutva puggaladhitthanavasena kosajjam garahanto attano
ca viriyarambham kittento:-
    [231] "atisitam atiunham              atisayamidam ahu
           iti vissatthakammante          khana accenti manave.
    [232]  Yo ca sitanca unhanca         tina bhiyyo na mannati
@Footnote: 1 cha.Ma. alarapamha  2 Si. sutthana  3 Si. yadicchaya  4 cha.Ma. osadham. evamuparipi
@5 cha.Ma. pamuttomhi   6 cha.Ma. satasahassito
           Karam purisakiccani             so sukha na vihayati.
    [233]  Dabbam kusam potakilam            usiram munjapabbajam
           urasa panudahissami 1-        vivekamanubruhayan"ti
gathattayamaha.
      Tattha atisitanti himapatavaddaladina 2- ativiya sitam, idam ahuti anetva
sambandho. Atiunhanti ghammaparitapadina ativiya unham, ubhayenapi utuvasena
kosajjavatthumaha. Atisayanti divasassa parinatiya 3- atisayam, sayaggahaneneva 4- cettha
patopi sangayhati, tadubhayena kalavasena 5- kosajjavatthumaha. Ititi imina pakarena.
Etena "idha bhikkhave bhikkhuna 6- kammam kattabbam hoti"tiadina 7- vuttam
kosajjavatthum sanganhati. Vissatthakammanteti pariccattayogakammante. Khanati
buddhuppadadayo brahmacariyavasassa okasa. Accentiti atikkamanti. Manaveti
satte. Tina bhiyyo na mannatiti tinato upari na mannati, tinam viya mannati,
situnhani abhibhavitva attana kattabbam karoti. Karanti karonto. Purisakiccaniti
virapurisena kattabbani attahitaparahitani. Sukhati sukhato, nibbanasukhatoti adhippayo.
Tatiyagathaya attho hettha vuttoyeva.
                  Matangaputtattheragathavannana nitthita.
                         ---------------



             The Pali Atthakatha in Roman Book 32 page 537-540. http://84000.org/tipitaka/atthapali/read_rm.php?B=32&A=12019&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=12019&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=311              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6088              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6209              The Pali Tipitaka in Roman Character :- http://84000.org/tipitaka/read/roman_read.php?B=26&A=6209              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]