AtthaPali Vol.32

136. 10. Satimattiyattheragathavannana ahu tuyham pure saddhati ayasmato satimattiyattherassa ^3- gatha. Ka uppatti? ayampi purimabuddhesu katadhikaro tattha tattha bhave punnani upacinanto siddhatthassa bhagavato kale kulagehe nibbattitva vinnutam patto ekadivasam sattharam disva pasannamanaso talavantam adasi. So tena punnakammena devamanussesu samsaranto imasmim buddhuppade magadharatthe brahmanakule nibbattitva satimattiyoti laddhanamo vayappatto hetusampannataya arannakabhikkhunam santike pabbajitva vipassanaya kammam karonto chalabhinno ahosi. Tena vuttam apadane ^4- :- "siddhatthassa bhagavato talavantamadasaham sumanehi paticchannam dharayami mahayasam. ^5- Catunnavute ito ^6- kappe talavantamadasaham duggatim nabhijanami talavantassidam phalam. Kilesa jhapita mayham .pe. katam buddhassa sasanan"ti. Chalabhinno pana hutva bhikkhu ovadati anusasati bahu ca satte dhammam @Footnote: ¹ Si.,Ma. tatiyato ² Si.,i. samvase kolahalam uccasaddam mahasaddam @³ i. satimattika.... ⁴ khu.apa. 32/43/408 sumanatalavantiyattherapadana @⁵ cha.Ma. maharaham ⁶ cha.Ma. catunnavutito Kathetva ^1- saranesu ca silesu ca patitthapesi. Annataranca kulam assaddham appasannam saddham pasannam akasi. Tena tasmim kule manussa there abhippasanna ahesum. Tattheka darika abhirupa dassaniya theram pindaya pavittham sakkaccam bhojanena parivisati. Athekadivasam maro "evam imassa ayaso vaddhissati, appatittho bhavissati"ti cintetva therassa rupena gantva tam darikam hatthe aggahesi. Darika "nayam manussasamphasso"ti ca annasi, hatthanca muncapesi. Tam disva gharajano there appasadam janesi. Punadivase thero tam karanam anavajjento tam gharam agamasi. Tattha manussa anadaram akamsu. Thero tam karanam avajjento marassa kiriyam disva "tassa givayam kukkurakunapam patimuncatu"ti adhitthahitva tassa mocanattham upagatena marena atitadivase katakiriyam kathapetva tam tajjetva vissajjesi. Tam disva gharasamiko "khamatha bhante accayan"ti khamapetva "ajjatagge ahameva bhante tumhe upatthahami"ti aha. Thero tassa dhammam kathento:- [246] "ahu tuyham pure saddha sa te ajja na vijjati yam tuyham tuyhamevetam natthi duccaritam mama. [247] Anicca hi cala saddha evam dittha hi sa maya rajjantipi virajjanti tattha kim jiyyate muni. [248] Paccati munino bhattam thokam thokam kule kule pindikaya carissami atthi janghabalam mama"ti tisso gatha abhasi. Tattha ahu tuyham pure saddha, sa te ajja na vijjatiti upasaka ^2- ito pubbe tava mayi "ayyo dhammacari samacari"tiadina saddha ahosi, sa saddha te tava ajja idani na upalabbhati. Tasma yam tuyham tuyhamevetanti yam catupaccayadanam, @Footnote: ¹ i. desetva ² Si.,i. upasaka Tuyhameva etam hotu, na tena mayham attho, samma pasannacittena hi danam nama databbanti adhippayo. Athava yam tuyham tuyhamevetanti yam tava mayi ajja agaravam pavattam, tam tuyhameva, tassa phalam tayaeva paccanubhavitabbam, na mayati attho. Natthi duccaritam mamati mama pana duccaritam nama natthi maggeneva duccarita- hetunam kilesanam samucchinnatta. Anicca hi cala saddhati yasma pothujjanika saddha anicca ekantika na hoti, tatoeva cala assapitthe thapitakumbhandam viya, thusarasimhi nikhatakhanukam viya ca anavatthita. Evam dittha hi sa mayati evam bhuta ca sa saddha maya tayi dittha paccakkhato vidita. Rajjantipi virajjantiti evam tassa anavatthitattaeva ime satta kadaci katthaci mittasanthavavasena rajjanti sinehampi karonti, kadaci virajjanti virattacitta honti. Tattha kim jiyyate muniti tasmim puthujjananam rajjane virajjane ca muni pabbajito kim jiyyati, ka tassa haniti attho. "sace mama paccaye na ganhatha, katham tumhe yapetha"ti evam ma cintayiti dassento "paccati"ti gathamaha. Tassattho:- munino pabbajitassa bhattam nama kule kule anugharam divase divase thokam thokam paccate 1-, na ca tuyhameva gehe. Pindikaya carissami, atthi janghabalam mamati atthi me janghabalam, naham obhaggajangho na khanjo na ca padarogi, tasma pindikaya missakabhikkhaya carissami, "yathapi bhamaro pupphan"tiadina ^2- satthara vuttanayena pindaya caritva yapessamiti dasseti. Satimattiyattheragathavannana nitthita. @Footnote: ¹ i. paccateva ² khu.dhamMa. 25/49/25 maccharikosiyasetthivatthu

The Pali Atthakatha in Roman Book 32 page 553-555. http://84000.org/tipitaka/atthapali/read_rm.php?B=32&A=12386&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=12386&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=316 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6128 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6246 The Pali Tipitaka in Roman Character :- http://84000.org/tipitaka/read/roman_read.php?B=26&A=6246 Contents of The Tipitaka Volume 26 http://84000.org/tipitaka/read/?index_26