|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
159. 2. Cittakattheragathavannana nilasugivati ayasmato cittakattherassa gatha. Ka uppatti? so kira padumuttarabuddhakalato 1- patthaya vivattupanissayam kusalam acinanto ito ekanavute kappe manussayoniyam nibbattitva vinnutam patto vipassim bhagavantam passitva pasannamanaso pupphehi pujam katva vanditva "santadhammena nama ettha bhavitabban"ti satthari nibbane ca adhimucci. So tena punnakammena tato cuto tavatimsabhavane 2- nibbatto aparaparam punnani katva devamanussesu samsaranto imasmim buddhuppade rajagahe vibhavasampannassa brahmanassa putto hutva nibbatti cittako nama namena. So bhagavati rajagaham gantva veluvane viharante sattharam upasankamitva dhammam sutva patiladdhasaddho pabbajitva cariyanukulam kammatthanam gahetva arannayatanam pavisitva bhavananuyutto jhanam 3- nibbattetva jhanapadakam vipassanam vaddhetva na cireneva arahattam papuni. Tena vuttam apadane 4-:- "kanikaramva jotantam nisinnam pabbatantare addasam virajam buddham vipassim lokanayakam. Tini kinkanipupphani paggayha abhiropayim sambuddham abhipujetva gacchami dakkhinamukho. Tena kammena sukatena cetanapanidhihi ca jahitva manusam deham tavatimsam agacchaham. 5- Ekanavute ito kappe yam buddha 6- mabhipujayim duggatim nabhijanami buddhapujayidam phalam. @Footnote: 1 Si. padumuttarassa bhagavato kalato 2 Si. tavatimsesu 3 Si. jhanani @4 khu.apa. 33/81/125 tinikimkanipupphiyattherapadana (sya) @5 pali. aganchaham 6 Ma.sambuddha....--------------------------------------------------------------------------------------------- page119.
Kilesa jhapita mayham .pe. Katam buddhassa sasanan"ti. Arahattam pana patava sattharam vanditum rajagaham upagato tattha bhikkhuhi "kim avuso aranne appamatto vihasi"ti puttho attano appamadaviharanivedanena annam byakaronto:- 1- "nilasugiva sikhino mora karaviyam abhinadanti te sitavatakalita suttam jhanam nibodhenti"ti gatham abhasi. 1- [22] Tattha nilasugivati nilasugiva, gathasukhatthancettha 2- digho kato, rajivantataya sundaraya givaya samannagatoti attho. Te yebhuyyena ca nilavannataya nila. Sobhanakanthataya sugiva. Sikhinoti matthake jataya sikhaya sassirikabhavena sikhino. Morati mayuRa. Karaviyanti 3- karambarukkhe. Karambhiyanti va 4- tassa vanassa namam. Tasma karambhiyanti karambhanamake 5- vaneti attho. Abhinadantiti pavussakale meghagajjitam sutva kekasaddam karonta utusampadasiddhena sarena hamsadike abhibhavanta viya nadanti. Teti te moRa. Sitavatakalitati 6- sitena meghavatena sanjatakilita madhuravassitam vassanta. Suttanti bhattasammadavinodanattham sayitam, kayakilamathapatipassambhanaya va anunnatavelayam supantam. Jhananti 7- samathavipassana- jhanehi jhayanasilam bhavananuyuttam. Nibodhentiti pabodhenti. "imepi nama niddam anupagantva jagaranta attana kattabbam karonti, kimangam panahan"ti evam sampajannuppadanena sayanato vutthapentiti adhippayo. Cittakattheragathavannana nitthita. @Footnote: 1-1 cha.Ma. "nilasugiva"ti gatham abhasi 2 cha.Ma....hettha 3 i. karamviyam, @cha.Ma. karambhiyam. evamuparipi 4 Si. karamviyanti karamvarukkho, karamviti va @5 Si. karamviyanti karavinamake 6 cha.Ma. sitavatakilitati 7 cha.Ma. jhayantiThe Pali Atthakatha in Roman Book 32 page 118-119. http://84000.org/tipitaka/atthapali/read_rm.php?B=32&A=2665&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=2665&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=159 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5112 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5402 The Pali Tipitaka in Roman Character :- http://84000.org/tipitaka/read/roman_read.php?B=26&A=5402 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]