ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                           5. Pancamavagga
                   178. 1. Sirivaddhattheragathavannana
      vivaramanupatanti vijjutati ayasmato sirivaddhattherassa gatha. Ka
uppatti?
      sopi purimabuddhesu katadhikaro tattha tattha bhave vivattupanissayam kusalam
upacinanto ito ekanavute kappe vipassissa bhagavato kale kulagehe nibbattitva
vinnutam patto vipassim bhagavantam passitva kinkanipupphehi 1- pujam katva tena
punnakammena devaloke nibbatto aparaparam punnani katva sugatisuyeva samsaranto
imasmim buddhuppade rajagahe vibhavasampannassa brahmanassa gehe nibbatti,
sirivaddhotissa namam ahosi. So vayappatto bimbisarasamagame satthari saddhamme
ca uppannapasado hetusampannataya pabbaji. Pabbajitva ca katapubbakicco vebhara-
pandavapabbatanam avidure annatarasmim arannayatane pabbataguhayam kammatthana-
manuyutto viharati. Tasmim ca samaye maha akalamegho utthahi. Vijjullata pabbatavivaram
pavisantiyo viya 2- vicaranti. Therassa ghammaparilahabhibhutassa saragabbhehi meghavatehi
ghammaparilaho vupasami. Utusappayalabhena cittam ekaggam ahosi. Samahitacitto
vipassanam ussukkapetva arahattam papuni. Tena vuttam apadane 3- :-
          "kancanagghiyasankaso        sabbannu lokanayako
           odakam dahamoggayha        sinayi lokanayako. 4-
           Paggayha kinkanim puppham       vipassissabhiropayim
           udaggacitto sumano        dipadindassa 5- tadino.
           Ekanavutito kappe        yam pupphamabhiropayim 6-
@Footnote: 1 Si. kinkinipupphehi   2 Si. pavisanti asaniyo viya   3 khu.apa. 32/10/279
@  kimkanikapupphiyattherapadana   4 cha.Ma. aggapuggalo   5 cha.Ma. dvipadindassa
@6 Si. pupphamabhipujayim
           Duggatim nabhijanami        buddhapujayidam phalam.
           Sattavisatikappamhi          raja bhimaratho ahu
           sattaratanasampanno         cakkavatti mahabbalo.
           Kilesa jhapita mayham .pe. Katam buddhassa sasanan"ti.
      Arahattam pana patva annapadesena attasannissayam 1- udanam udanento:-
            2- "vivaramanupatanti vijjuta
                vebharassa ca pandavassa ca
                nagavivaragato ca jhayati
                putto appatimassa tadino"ti
gatham abhasi. 2-
      [41] Tattha vivaranti antara vemajjham. Anupatantiti anulakkhane patanti
pavattanti, vijjotantiti attho. Vijjotanameva hi vijjullatanam pavatti nama.
Anusaddayogena cettha upayogavacanam, yatha "rukkhamanuvijjotanti"ti. Vijjutati saterata.
Vebharassa ca pandavassa cativebharapabbatassa ca pandavapabbatassa ca vivaramanupatantiti
yojana. Nagavivaragatoti nagavivaram pabbataguham upagato. Jhayatiti arammanupanijjhanena
lakkhanupanijjhanena ca  jhayati, samathavipassanam ussukkapento bhaveti. 3- Putto
appatimassa tadinoti silakkhandhadidhammakayasampattiya rupakayasampattiya ca
anupamassa upamarahitassa itthanitthadisu tadilakkhanasampattiya tadino buddhassa
bhagavato orasaputto. Puttavacaneneva cettha therena satthu anujatabhavadipanena anna
byakatati veditabbam.
                    Sirivaddhattheragathavannana nitthita.
@Footnote: 1 Si. atthupanissayam    2-2 cha.Ma. "vivaramanupatanti vijjuta"ti gatham abhasi
@3 Si. bhaveti jhayati



             The Pali Atthakatha in Roman Book 32 page 166-167. http://84000.org/tipitaka/atthapali/read_rm.php?B=32&A=3721&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=3721&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=178              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5226              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5485              The Pali Tipitaka in Roman Character :- http://84000.org/tipitaka/read/roman_read.php?B=26&A=5485              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]