ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                    183. 6. Samiddhittheragathavannana
      saddhayaham pabbajitoti ayasmato samiddhittherassa gatha. Ka uppatti?
      ayampi purimabuddhesu katadhikaro tattha tattha bhave punnani upacinanto
ito catunavute kappe siddhattham bhagavantam passitva pasannamanaso savantani pupphani
kannikabaddhani gahetva pujesi. So tena punnakammena devaloke nibbattitva
aparaparam punnani katva sugatisuyeva parivattento imasmim buddhuppade rajagahe
kulagehe nibbatti. Tassa jatakalato 3- patthaya tam kulam dhanadhannadihi vaddhi,
attabhavo cassa abhirupo dassaniyo gunava, iti vibhavasamiddhiya ca gunasamiddhiya
ca samiddhitveva pannayittha. So bimbisarasamagame buddhanubhavam disva patiladdha-
saddho pabbajitva bhavanaya yuttappayutto viharanto bhagavati tapodarame viharante
ekadivasam evam cintesi "labha vata me sattha araham sammasambuddho, svakkhate
caham dhammavinaye pabbajito, sabrahmacari ca me silavanto kalyanadhamma"ti. Tassevam
cintentassa ularam pitisomanassam udapadi. Tam asahanto maro papima therassa
@Footnote: 1 Si. thamaviriyasamappattiya  2 Si. ure vasamajaniti tayabhijatitaya  3 Si. jatadivasato
Avidure mahantam bheravasaddamakasi, pathaviya undriyanakalo viya ahosi. Thero
bhagavato tamattham arocesi. Bhagava "maro tuyham vicakkhukammaya ceteti, gaccha
bhikkhu tattha acintetva viharahi"ti aha. Thero tattha gantva viharanto na
cirasseva vipassanam ussukkapetva arahattam papuni. Tena vuttam apadane 1- :-
          "kanikaramva jotantam          nisinnam pabbatantare
           obhasentam disa sabba     siddhattham narasarathim.
           Dhanum advejjham katvana       usum sannayhaham tada 2-
           puppham savantam chetvana       buddhassa abhiropayim.
           Catunnavutito kappe         yam pupphamabhiropayim
           duggatim nabhijanami         buddhapujayidam phalam.
           Ekapannasito kappe       eko asim jutindharo
           sattaratanasampanno          cakkavatti mahabbalo.
           Kilesa jhapita mayham .pe.  katam buddhassa sasanan"ti.
      Arahattam pana patva tattheva viharantassa therassa khinasavabhavam ajananto
purimanayeneva maro mahantam bheravasaddam akasi. Tam sutva thero abhito acchambhi
"tadisanam maranam satampi sahassampi mayham lomampi na kampeti"ti annam
byakaronto:-
        3- "saddhayaham pabbajito       agarasmanagariyam
            sati panna ca me vuddha    cittanca susamahitam
            kamam karassu rupani        neva mam byadhayissasi"ti
gatham abhasi 3-.
@Footnote: 1 khu.apa. 32/30/281 salalamaliyattherapadana   2 Si. sandhayaham tada
@3-3 cha.Ma. "saddhayaham pabbajito"ti gatham abhasi
     [46] Tattha saddhayati dhammacchandasamutthanaya kammaphalasaddhaya ceva
ratanattayasaddhaya ca. Ahanti attanam niddisati. 1- Pabbajitoti upagato. 2- Agarasmati
gehato gharavasato va. Anagariyanti pabbajjam, sa hi yam kinci kasivanijjadikammam
`agarassa hitan'ti agariyam nama, tadabhavato "anagariya"ti vuccati. Sati panna
ca me vuddhati saranalakkhana sati, pajananalakkhana pannati ime dhamma
vipassanakkhanato 3- patthaya maggapatipatiya yava arahatta me vuddha vaddhita,
na dani vaddhetabba atthi, satipanna vepullappattati dasseti. Cittanca
susamahitanti atthasamapattivasena ceva lokuttarasamadhivasena 4- ca cittam me sutthu
samahitam, na dani tassa samadhatabbam atthi, samadhi vepullappattoti dasseti.
Tasma kamam karassu rupaniti papima mam uddissa yani kanici vippakarani
yatharucim karohi, tehi pana neva mam byadhayissasi mama sarirakampanamattampi katum
na sakkhissasi, kuto cittannathattam. Tasma tava kiriya appaticchitapahenakam viya
na kinci attham sadheti, kevalam tava cittavighatamattaphalati thero maram tajjesi.
Tam sutva maro "janati mam samano"ti tatthevantaradhayi.
                    Samiddhittheragathavannana nitthita.
                         --------------



             The Pali Atthakatha in Roman Book 32 page 181-183. http://84000.org/tipitaka/atthapali/read_rm.php?B=32&A=4074&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4074&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=183              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5252              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5507              The Pali Tipitaka in Roman Character :- http://84000.org/tipitaka/read/roman_read.php?B=26&A=5507              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com