AtthaPali Vol.32

200. 3. Pakkhattheragathavannana cuta patantiti ayasmato pakkhattherassa gatha. Ka uppatti? sopi purimabuddhesu katadhikaro tattha tattha bhave punnani karonto ito ekanavute kappe yakkhasenapati hutva vipassim bhagavantam disva pasannamanaso dibbavatthena pujam akasi. So tena punnakammena devamanussesu samsaranto imasmim buddhuppade sakkesu devadahanigame sakiyarajakule nibbatti, "sammodakumaro"tissa namam ahosi. Athassa daharakale vatarogena pada na vahimsu. ^1- So katipayam kalam pithasappi viya vicari. Tenassa pakkhoti samanna jata. Paccha arogakalepi tatheva nam sanjananti, so bhagavato natisamagame patihariyam disva patiladdhasaddho pabbajitva katapubbakicco kammatthanam gahetva aranne viharati. Athekadivasam gamam pindaya pavisitum gacchanto antaramagge annatarasmim rukkhamule nisidi. Tasmim ca samaye annataro kulalo mamsapesim adaya akasena gacchati, tam bahu kulala anupatitva patesum. Patitam mamsapesim eko kulalo aggahesi. Tam anno acchinditva ganhi, tam disva thero "yathayam mamsapesi, evam kama nama bahusadharana bahudukkha bahupayasa"ti kamesu adinavam nekkhamme ca anisamsam paccavekkhitva vipassanam patthapetva "aniccan"tiadina manasikaronto pindaya caritva katabhattakicco divatthane nisiditva vipassanam vaddhetva arahattam papuni. Tena vuttam apadane ^2- :- "vipassi nama bhagava lokajettho narasabho atthasatthisahassehi pavisi bandhumam tada. Nagara abhinikkhamma agamam dipacetiyam @Footnote: ¹ Si. vayhimsu ² khu.apa. 32/1/202 mahaparivarattherapadana Addasam virajam buddham ahutinam patiggaham. Cullasitisahassani ^1- yakkha mayham upantike upatthahanti sakkaccam indamva tidasa gana. Bhavana abhinikkhamma dussam paggayhaham tada sirasa abhivadesim tancadasim mahesino. Aho buddho aho dhammo aho no satthu sampada buddhassa anubhavena vasudhayam pakampatha. Tanca acchariyam disva abbhutam lomahamsanam buddhe cittam pasademi dipadindamhi ^2- tadine. Soham cittam pasadetva dussam datvana satthuno sarananca upagacchim samacco saparijjano. Ekanavutito kappe yam kammamakarim tada duggatim nabhijanami buddhapujayidam phalam. Ito pannarase kappe solasasum suvahana sattaratanasampanna cakkavatti mahabbala. Kilesa jhapita mayham .pe. Katam buddhassa sasanan"ti. Arahattam pana patva yadeva samvegavatthum ankusam ^3- katva vipassanam vaddhetva anna adhigata, tassa sankittanamukhena annam byakaronto:- ^4- "cuta patanti patita giddha ca punaragata katakiccam ratam rammam sukhenanvagatam sukhan"ti gatham abhasi. ^4- @Footnote: ¹ Si. culasitisahassani ² cha.Ma. dvipadindamhi ³ Si. yadeva samvegavatthu, @ tamankusam ^4-4 cha.Ma. "cuta patanti"ti gatham abhasi [63] Tattha cutati bhattha. Patantiti anupatanti. Patitati cavanavasena bhumiyam patita, akase va sampatanavasena patita. Giddhati gedham apanna. Punaragatati punadeva upagata. Casaddo sabbattha yojetabbo. Idam vuttam hoti:- patanti anupatanti ca idha kulala, itarassa mukhato cuta ca mamsapesi, cuta pana sa bhumiyam patita ca, giddha gedham apanna sabbeva kulala punaragata. Yatha cime kulala, evam samsare paribbhamanta satta ye kusaladhammato cuta, te patanti nirayadisu, evam patita ca, sampattibhave thita tattha kamasukhanuyogavasena kamabhave ruparupabhavesu ca bhavanikantivasena ^1- giddha ca punaragata bhavato aparimuttatta tena tena bhavagamina kammena tam tam bhavasannitam dukkham agataeva, evambhuta ime satta. Maya pana katam kiccam parinnadibhedam solasavidhampi kiccam katam, na dani tam katabbam atthi. Ratam rammam ramitabbam ariyehi sabbasankhatavinissatam nibbanam ratam abhiratam rammam. Tena ca sakhenanvagatam sukham phalasamapattisukhena anuagatam upagatam accantasukham nibbanam, sukhena va sukhapatipadabhutena vipassanasukhena maggasukhena ca anvagatam phalasukham nibbanasukhancati attho veditabbo. Pakkhattheragathavannana nitthita. -------------

The Pali Atthakatha in Roman Book 32 page 223-225. http://84000.org/tipitaka/atthapali/read_rm.php?B=32&A=4978&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=4978&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=200 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5342 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5580 The Pali Tipitaka in Roman Character :- http://84000.org/tipitaka/read/roman_read.php?B=26&A=5580 Contents of The Tipitaka Volume 26 http://84000.org/tipitaka/read/?index_26