บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
206. 9. Channattheragathavannana sutvana dhammam mahato maharasanti ayasmato channattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto siddhatthassa bhagavato kale kulagehe nibbattitva vinnutam patto ekadivasam siddhattham bhagavantam annataram rukkhamulam upagacchantam disva pasannacitto mudusamphassam pannasantharam santharitva adasi. Pupphehi ca samantato okiritva pujam akasi. So tena punnakammena devaloke nibbattitva punapi aparaparam punnani katva sugatisuyeva samsaranto amhakam bhagavato kale suddhodanamaharajassa gehe dasiya @Footnote: 1 udana.A. 37/322 sariputtasuttavannanaya samsandetabbam 2 Si. anisamsata Kucchimhi nibbatti, channotissa namam ahosi, bodhisattena sahajato. So satthu natisamagame patiladdhasaddho pabbajitva bhagavati pemena "amhakam buddho amhakam dhammo"ti mamattam uppadetva sineham chinditum asakkonto samanadhammam akatva satthari parinibbute satthara anattavidhina katena brahmadandena santajjito samvegappatto hutva sineham chinditva vipassanto na cireneva arahattam papuni. Tena vuttam apadane 1- :- "siddhatthassa bhagavato adasim pannasantharam samanta upaharanca kusumam okirim aham. Pasadevam gunam rammam anubhomi maharaham mahagghani ca pupphani sayanebhisavanti 2- me. Sayaneham tuvattami vicitte pupphasanthate pupphavutthi ca sayane abhivassati tavade. Catunnavutito kappe adasim pannasantharam duggatim nabhijanami santharassa idam phalam. Tinasantharaka nama sattete cakkavattino ito te pancame kappe uppajjimsu janadhipa. Kilesa jhapita mayham .pe. katam buddhassa sasanan"ti. Arahattam pana patva vimuttisukhasantappito pitivegavissattham 3- udanam udanento:- [69] "sutvana dhammam mahato maharasam sabbannutannanavarena desitam @Footnote: 1 khu.apa. 32/45/191 senasanadayakattherapadana 2 Ma. sayanebhivassanti @3 Si. pitivegavissatam Maggam papajjim amatassa pattiya so yogakkhemassa pathassa kovido"ti gatham abhasi. Tattha sutvanati sunitva, sotena gahetva ohitasoto sotadvaranusarena upadharetva. Dhammanti catusaccadhammam. Mahatoti bhagavato. Bhagava hi mahantehi ularatamehi siladigunehi samannagatatta, sadevakena lokena visesato mahaniyataya ca "maha"ti vuccati, ya tassa mahasamanoti samanna jata. Nissakkavacanancetam "mahato dhammam sutvana"ti. Maharasanti vimuttirasassa dayakatta ulararasam. Sabbannutannanavarena desitanti sabbam janatiti sabbannu, tassa bhavo sabbannuta. Nanameva varam, nanesu va varanti nanavaram, sabbannuta nanavaram etassati sabbannutananavaro, bhagava. Tena sabbannutananasankhataaggananena va karanabhutena desitam kathitam dhammam sutvanati yojana. Yam panettha vattabbam, tam paramatthadipaniyam itivuttakavannanayam 1- vuttanayena veditabbam. Magganti atthangikam ariyamaggam. Papajjinti patipajjim. Amatassa pattiyati nibbanassa adhigamaya upaya- bhutam patipajjinti yojana. Soti so bhagava. Yogakkhemassa pathassa kovidoti catuhi yogehi anupaddutassa nibbanassa yo patho, tassa kovido tattha sukusalo. Ayam hettha attho:- bhagavato catusaccadesanam sutva amatadhigamupayamaggam aham patipajjim patipajjanamaggam maya katam, soeva 2- pana bhagava sabbatha yogakkhemassa pathassa kovido, parasantane va paramanesu 3- kusalo, yassa samvidhanamagamma ahampi maggam patipajjinti. Ayameva ca therassa annabyakaranagatha ahositi. Channattheragathavannana nitthita. @Footnote: 1 itivuttaka-ttha 123 pitthadisu 2 Ma. evam 3 Ma. paradamanesuThe Pali Atthakatha in Roman Book 32 page 240-242. http://84000.org/tipitaka/atthapali/read_rm.php?B=32&A=5377&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=5377&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=206 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5371 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5600 The Pali Tipitaka in Roman Character :- http://84000.org/tipitaka/read/roman_read.php?B=26&A=5600 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]