AtthaPali Vol.32

223. 6. Nagitattheragathavannana ito bahiddha puthuannavadinanti ayasmato nagitattherassa gatha. Ka uppatti? ayam kira padumuttarassa bhagavato kale narado nama brahmano hutva ekadivasam malake nisinno bhagavantam bhikkhusamghena purakkhatam gacchantam disva @Footnote: ¹ Ma. kayavivekassa ca ² khu.dhamMa. 25/205/53 tissattheravatthu ³ Si. vipassanajhanena ca Pasannamanaso tihi gathahi abhitthavi. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade kapilavatthu- nagare sakyarajakule nibbatti, nagitotissa namam ahosi. So bhagavati kapilavatthusmim viharante madhupindikasuttam ^1- sutva patiladdhasaddho pabbajitva vipassanam vaddhetva arahattam papuni. Tena vuttam apadane ^2- :- "visalamale asino addasam lokanayakam khinasavam balappattam bhikkhusamghapurakkhatam. Satasahassa tevijja chalabhinna mahiddhika parivarenti sambuddham ko disva nappasidati. Nane upanidha yassa na vijjati sadevake anantananam sambuddham ko disva nappasidati. Dhammakayanca dipentam kevalam ratanakaram vikopetum ^3- na sakkonti ko disva nappasidati. Imahi tihi gathahi naradovhayavacchalo ^4- padumuttaram thavitvana sambuddham aparajitam. Tena cittappasadena buddhasanthavanena ca ^5- kappanam satasahassam duggatim nupapajjaham. Ito timsakappasate sumitto nama khattiyo sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva satthu avitathadesanatam ^6- dhammassa ca niyyanikatam nissaya @Footnote: ¹ Ma.mu. 12/199/168 sihanadavagga ² khu.apa. 32/47/229 atthasandassakattherapadana @³ cha.Ma. vikappetum ⁴ Si. naradavhayavacchalo ⁵ Si....thavitena ca @⁶ Si. satthara adhigatadesanam Sanjatapitisomanasso pitivegappavissattham ^1- udanam udanento:- [86] "ito bahiddha puthuannavadinam maggo na nibbanagamo yatha ayam itissu samgham bhagavanusasati sattha sayam panitaleva dassayan"ti gatham abhasi. Tattha ito bahiddhati imasma buddhasasana bahirake samaye, tenaha "puthuannavadinan"ti, nanatitthiyananti attho. Maggo na nibbanagamo yatha ayanti yatha ayam ariyo atthangiko maggo ekamsena nibbanam gacchatiti nibbanagamo, nibbanagami, evam nibbanagamo maggo titthiyasamaye natthi asammasambuddhap- paveditatta annatitthiyavadassa. Tenaha bhagava:- "idheva bhikkhave samano, idha dutiyo samano, idha tatiyo samano, idha catuttho samano, sunna parappavada samanehi annehi"ti. ^2- Ititi evam. Assuti ^3- nipatamattam. Samghanti bhikkhusamgham, ukkatthaniddesoyam yatha "sattha devamanussanan"ti. Samghanti va samuham, veneyyajananti adhippayo. Bhagavati bhagyavantatadihi karanehi bhagava, ayamettha sankhePo. Vittharo pana paramatthadipaniyam itivuttakavannanayam ^4- vuttanayena veditabbo. Satthati ditthadhammikasamparayikaparamatthehi yatharaham anusasatiti sattha. Sayanti sayameva. Ayanhettha attho:- "siladikhandhattayasangaho sammaditthiadinam atthannam anganam vasena atthangiko nibbanagami ariyamaggo yatha mama sasane atthi, evam bahirakasamaye maggo nama natthi"ti @Footnote: ¹ Si. pitivegena visittham ² di.maha. 10/214/133 mahaparinibbanasutta, @ Ma.mu. 12/139/98 culasihanadasutta, an.catukka. 21/241/265 samanasutta @³ potthakesu suti patho dissati ⁴ itivuttaka-ttha 4-pitthadisu Sihanadam nadanto amhakam sattha bhagava sayameva sayambhunanena nanam, ^1- sayameva va mahakarunasancodito hutva attano desanavilasasampattiya hatthatale amalakam viya dassento bhikkhusamgham veneyyajanatam anusasati ovadatiti. Nagitattheragathavannana nitthita. ----------

The Pali Atthakatha in Roman Book 32 page 284-287. http://84000.org/tipitaka/atthapali/read_rm.php?B=32&A=6340&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6340&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=223 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5475 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5679 The Pali Tipitaka in Roman Character :- http://84000.org/tipitaka/read/roman_read.php?B=26&A=5679 Contents of The Tipitaka Volume 26 http://84000.org/tipitaka/read/?index_26