บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
224. 7. Pavitthattheragathavannana khandha dittha yathabhutanti ayasmato pavitthattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam karonto atthadassissa bhagavato kale kesavo nama tapaso hutva ekadivasam sattharam upasankamitva dhammam sutva pasannamanaso abhivadetva anjalim paggayha padakkhinam katva pakkami. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade magadharatthe brahmana- kule uppajjitva anukkamena vinnutam patto nekkhammaninnajjhasayataya paribbajaka- pabbajjam pabbajitva tattha sikkhitabbam sikkhitva vicaranto upatissakolitanam buddhasasane pabbajitabhavam sutva "tepi nama mahapanna yattha tattha 2- pabbajita, tadeva manne seyyo"ti satthu santikam gantva dhammam sutva patiladdhasaddho pabbaji. Tassa sattha vipassanam acikkhi. So vipassanam arabhitva na cirasseva arahattam sacchakasi. Tena vuttam apadane 3- :- "narado iti me namam kesavo iti mam vidu @Footnote: 1 cha.Ma. natam 2 cha.Ma. tattha, Si. yattha kattha 3 khu.apa. 32/55/230 @ ekaramsaniyattherapadana Kusalakusalam esam agamam buddhasantikam. Mettacitto karuniko atthadassi mahamuni assasayanto satte so dhammam deseti cakkhuma. Sakam cittam pasadetva sire katvana anjalim sattharam abhivadetva pakkamim pacinamukho. Sattarase kappasate raja asi mahipati amittatapano nama cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva annam byakaronto:- [87] "khandha dittha yathabhutam bhava sabbe padalita vikkhino jatisamsaro natthi dani punabbhavo"ti gatham abhasi. Tattha khandhati pancupadanakkhandha, te hi vipassanupagabhavalakkhanato 1- samannalakkhanato ca nataparinnadihi parijananavasena vipassitabba. Dittha yathabhutanti vipassanapannasahitaya maggapannaya "idam dukkhan"tiadina aviparitato dittha. Bhava sabbe padalitati kamabhavadayo sabbe kammabhava upapattibhava ca maggananasatthena bhinna viddhamsita. Kilesapadalaneneva hi 2- kammopapattibhava padalita nama honti. Tenaha "vikkhino jatisamsaro, natthi dani punabbhavo"ti. Tassattho hettha vuttoyeva. Pavitthattheragathavannana nitthita. @Footnote: 1 cha.Ma. vipassanupalakkhanato 2 Si. kilesanam padalaneneva hi maggapannayaThe Pali Atthakatha in Roman Book 32 page 287-288. http://84000.org/tipitaka/atthapali/read_rm.php?B=32&A=6399&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=6399&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=224 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5481 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5684 The Pali Tipitaka in Roman Character :- http://84000.org/tipitaka/read/roman_read.php?B=26&A=5684 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]