Atthakatha Book 32 : PALI ROMAN
Thera.A.1 (paramatthadi.1)

                    234. 7. Tissattheragathavannana
      hitva satapalam kamsanti ayasmato tissattherassa gatha. Ka uppatti?
      ayampi purimabuddhesu katadhikaro vipassissa  bhagavato kale yanakarakule
nibbattitva vinnutam patto ekadivasam bhagavantam disva pasannamanaso candanakhandena
phalakam katva bhagavato upanamesi, tanca bhagava paribhunji. So tena
@Footnote: 1 Ma. devasampatti...           2 Si. vipakavasesena saha
@3 vinaYu. mahavi. 1/228/160 parajikakanda, sam.saga. 15/131/110 dutiyaaputtakasutta
Punnakammena devaloke nibbattitva aparaparam punnani katva devamanussesu
samsaranto imasmim buddhuppade roruvanagare rajakule nibbatti. So vayappatto
pitari kalankate rajje patitthito bimbisararanno aditthasahayo hutva tassa
manimuttavatthadini pannakarani pesesi. Tassa raja bimbisaro punnavantatam
sutva patipabhatam pesento cittapate buddhacaritam suvannapatte ca paticcasamuppadam
likhapetva pesesi. So tam disva purimabuddhesu katadhikarataya pacchimabhavikataya
ca cittapate dassentam buddhacaritam suvannapattake likhitam paticcasamuppadakkamanca
oloketva pavattinivattiyo sallakkhetva sasanakkamam hadaye thapetva sanjatasamvego
"dittho maya bhagavato veso, sasanakkamo 1- ca ekapadesena nato, bahudukkha
kama bahupayasa, kim dani mayham gharavasena"ti rajjam pahaya kesamassum
oharetva 2- kasayani vatthani acchadento bhagavantam uddissa pabbajitva
mattikapattam gahetva raja pukkusati 3- viya mahajanassa paridevantasseva nagarato
nikkhamitva anukkamena rajagaham gantva tattha sappasondikapabbhare viharantam
bhagavantam upasankamitva vanditva ekamantam nisidi. Sattha dhammam desesi. So
dhammadesanam sutva vipassanaya kammatthanam gahetva yuttappayutto viharanto vipassanam
ussukkapetva arahattam papuni. Tena vuttam apadane 4- :-
          "yanakaro pure asim          darukamme susikkhito
           candanam phalakam katva            adasim lokabandhuno.
           Pabhasati idam byamham            suvannassa sunimmitam
           hatthiyanam assayanam            dibbayanam upatthitam.
           Pasada sivika ceva          nibbattanti yadicchakam
           akkhubbham ratanam 5- mayham         phalakassa idam phalam.
@Footnote: 1 Ma. sasanukkamo   2 Ma. oharitva        3 Ma. pakkusati
@4 khu.apa. 32/37/237 phalakadayakattherapadana   5 Si. akasaratanam
           Ekanavutito kappe            phalakam yamaham dadim
           duggatim nabhijanami            phalakassa idam phalam.
           Sattapannasakappamhi            caturo nimmitavahya 1-
           sattaratanasampanna             cakkavatti mahabbala.
           Kilesa jhapita mayham .pe.     katam buddhassa sasanan"ti.
      Arahattam pana patva udanavasena attano patipattim kathento:-
     [97] "hitva satapalam kamsam             sovannam satarajikam
           aggahim mattikapattam            idam dutiyabhisecanan"ti
gatham abhasi.
      Tattha hitvati pariccajitva. Satapalanti satam palani yassa, tam  satapalaparimanam.
Kamsanti kamsatalam. 2- Sovannanti suvannamayam. Satarajikanti bhittivicittataya 3- ca
anekarajicittataya 4- ca anekalekhayuttam. Aggahim mattikapattanti evarupe maharahe
bhajane pubbe bhunjitva buddhanam ovadam karonto "idanaham tam chaddetva
mattikamayapattam aggahesim, aho sadhu maya katam, ariyavatam anuthitan"ti bhajana-
kittanapadesena rajjapariccagam pabbajjupagamananca anumodanto vadati. Tenaha
"idam dutiyabhisecanan"ti. Pathamam rajjabhisecanam upadaya idam pabbajjupagamanam mama
dutiyam abhisecanam. Tanhi ragadihi sankilittham sasankam saparisankam kammam 5- anattha-
sanhitam dukkhapatibaddham nihinam, idam pana tamvipariyayato uttamam panitanti adhippayo.
                     Tissattheragathavannana nitthita.
@Footnote: 1 Si. cattaro santanamaka  2 cha.Ma. thalam, Ma. talam     3 Si. vibhattavicittataya
@4 Si. rajini...     5 Ma. kilittham satikasadisam tam kammam


             The Pali Atthakatha in Roman Book 32 page 310-312.
http://84000.org/tipitaka/atthapali/read_rm.php?B=32&A=6915&modeTY=2
             อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=6915&modeTY=2
             อ่านอรรถกถาแปลไทย :-
http://84000.org/tipitaka/attha/attha.php?b=26&i=234
             เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5536
             พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5725
             The Pali Tipitaka in Roman Character :-
http://84000.org/tipitaka/read/roman_read.php?B=26&A=5725
             Contents of The Tipitaka Volume 26
http://84000.org/tipitaka/read/?index_26