ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                    236. 9. Uttiyattheragathavannana
      saddam sutva sati mutthati ayasmato uttiyattherassa gatha. Ka
uppatti?
      ayampi purimabuddhesu katadhikaro tattha tattha bhave vivattupanissayam punnam
upacinanto sumedhassa bhagavato kale kulagehe nibbattitva vinnutam patto ekadivasam
sattharam disva pasannacitto gonakadiatthatam sauttaracchadam buddharaham pallankam
gandhakutiyam pannapetva adasi. So tena punnakammena devamanussesu samsaranto
imasmim buddhuppade kapilavatthusmim sakyarajakule nibbatti, tassa uttiyoti namam
ahosi. So vayappatto satthu natisamagame buddhanubhavam disva patiladdhasaddho
pabbajitva samanadhammam karonto ekadivasam gamam 1- pindaya pavittho antaramagge
matugamassa 2- gitasaddam sutva ayonisomanasikaravasena tattha chandarage uppanne
patisankhanabalena tam vikkhambhetva viharam pavisitva sanjatasamvego divatthane
nisiditva tavadeva vipassanam vaddhetva arahattam papuni. Tena vuttam
apadane 3- :-
          "sumedhassa bhagavato          lokajetthassa tadino
           pallanko hi maya dinno     sauttarasapacchado. 4-
           Sattaratanasampanno          pallanko asi so 5- tada
           mama sankappamannaya         nibbattati sada mama.
           Timsakappasahassamhi           pallankamadadim tada
           duggatim nabhijanami         pallankassa idam phalam.
@Footnote: 1 Si. nagaram  2 Si. annataraya itthiya  3 khu.apa. 32/48/239 pallankadayakattherapadana
@4 Si. sauttaracchadatthato    5 Si. yo
           Visakappasahassamhi           suvannabha tayo jana
           sattaratanasampanna          cakkavatti mahabbala.
           Kilesa jhapita mayham .pe.  katam buddhassa sasanan"ti.
      Arahattam pana patva attano kilesuppattinidassanena "kilese ajigucchantassa
natthi vattadukkhato sisukkhipanam, aham pana te jigucchimeva"ti dassento:-
     [99] "saddam sutva sati muttha      piyam nimittam manasikaroto
           sarattacitto vedeti       tanca ajjhosa titthati
           tassa vaddhanti asava       samsara 1- upagamino"ti
gatham abhasi.
      Tattha saddanti rajjaniyam saddarammanam. Samsaraupagaminoti
          "khandhananca patipati         dhatuayatanana ca
           abbocchinnam vattamana 2-   samsaroti pavuccati"ti
evam vuttasamsaravattakaranam hutva upagamentiti samsaraupagamino, 3- "samsarupa-
gamino"ti va patho. Sesam anantaragathaya vuttanayameva.
                    Uttiyattheragathavannana nitthita.
                          -------------



             The Pali Atthakatha in Roman Book 32 page 315-316. http://84000.org/tipitaka/atthapali/read_rm.php?B=32&A=7014&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=7014&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=236              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5545              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5734              The Pali Tipitaka in Roman Character :- http://84000.org/tipitaka/read/roman_read.php?B=26&A=5734              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com