AtthaPali Vol.32

244. 7. Dhammasamvarattheragathavannana ^1- pabbajim tulayitvanati ayasmato dhammasamvarattherassa gatha. Ka uppatti? ayam kira padumuttarassa bhagavato kale suvaccho nama brahmano hutva tinnam vedanam paragu gharavase dosam disva tapasapabbajjam pabbajitva arannayatane pabbatantare assamam karetva bahuhi tapasehi saddhim vasi. Athassa kusalabijam ropetukamo padumuttaro bhagava assamasamipe akase thatva iddhipatihariyam dassesi. So tam disva pasannamanaso pujetukamo nagapupphani ocinapesi. Sattha "alam imassa tapasassa ettakam kusalabijan"ti pakkami. So pupphani gahetva satthu gamanamaggam okiritva cittam pasadento anjalim paggayha atthasi. So tena punnakammena devaloke nibbattitva aparaparam sugatisuyeva samsaranto imasmim buddhuppade magadharatthe brahmanakule nibbattitva dhammasamvaroti laddhanamo vinnutam patto hetusampattiya codiyamano gharavase adinavam pabbajjaya anisamsam ^2- ca disva dakkhinagirismim viharantam bhagavantam upasankamitva dhammam sutva patiladdhasaddho pabbajitva vipassanaya kammam karonto na cirasseva arahattam papuni. Tena vuttam apadane ^3- :- "suvaccho nama namena brahmano mantaparagu purakkhato sasissehi vasate pabbatantare. Padumuttaro nama jino ahutinam patiggaho mamuddharitukamo so agacchi mama santikam. Vehasamhi cankamati ^4- dhupayati jalate tatha ^5- @Footnote: ¹ cha.Ma. dhammasava.... evamuparipi ² Ma.,ka. anisamse ³ khu.apa. 32/39/244 @ nagapupphiyattherapadana ⁴ Si. vehase ca cankamati ⁵ Si. dhupayati jalito tatha Hasam mamam viditvana pakkami pacinamukho. Tanca acchariyam disva abbhutam lomahamsanam nagapuppham gahetvana gatamaggamhi okirim. Satasahassito kappe yam puppham okirim aham tena cittappasadena duggatim nupapajjaham. ^1- Ekatimse ito kappe raja asi maharatho ^1- sattaratanasampanno cakkavatti mahabbalo. Kilesa jhapita mayham .pe. katam buddhassa sasanan"ti. Arahattam pana patva attano patipattim paccavekkhitva somanassappatto udana- vasena:- [107] "pabbajim tulayitvana agarasmanagariyam tisso vijja anuppatta katam buddhassa sasanan"ti gatham abhasi. Tattha pabbajim tulayitvanati "sambadho gharavaso rajapatho"tiadina ^2- gharavase, "appassada kama bahudukkha bahupayasa"tiadina ^3- kamesu adinavam tappatipakkhato nekkhamme ca anisamsam tulabhutaya pannaya vicaretva vimamsitvati attho. Sesam hettha vuttanayameva. Idameva ca therassa annabyakaranam ahositi. Dhammasamvarattheragathavannana nitthita. @Footnote: ^1-1 cha.Ma. ekatimse kappasate, raja asi maharaho ² di.Si. 9/191/63 @ samannaphalasutta, Ma.Ma. 13/10/8 kandarakasutta, sam.ni. 16/154/210 civarasutta @³ vinaYu.mahavi. 2/417/306 pacittiyakanda, Ma.mu. 12/177/137 culadukkhakkhandhasutta

The Pali Atthakatha in Roman Book 32 page 333-334. http://84000.org/tipitaka/atthapali/read_rm.php?B=32&A=7409&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=7409&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=244 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5588 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5769 The Pali Tipitaka in Roman Character :- http://84000.org/tipitaka/read/roman_read.php?B=26&A=5769 Contents of The Tipitaka Volume 26 http://84000.org/tipitaka/read/?index_26