AtthaPali Vol.32

256. 9. Vajjiputtattheragathavannana rukkhamulagahanam pasakkiyati ayasmato vajjiputtattherassa gatha. Ka uppatti? ayampi purimabuddhesu katadhikaro tattha tattha bhave vivattupanissayam punnam upacinanto ito catunavute kappe ekam paccekasambuddham bhikkhaya gacchantam disva pasannamanaso kadaliphalani adasi. So tena punnakammena devaloke nibbattitva aparaparam punnani katva devamanussesu samsaranto imasmim buddhuppade vesaliyam licchavirajaputto ^1- hutva nibbatti, vajjirajaputtatta vajjiputtotveva cassa samanna ahosi. So daharo hutva hatthisikkhadisikkhanakalepi hetusampannataya nissaranajjhasayova hutva vicaranto satthu dhammadesanakale viharam gantva parisapariyante nisinno dhammam sutva patiladdhasaddho satthu santike pabbajitva vipassanaya kammam karonto na cirasseva chalabhinno ahosi. Tena vuttam apadane ^2- :- "sahassaramsi bhagava sayambhu aparajito viveka vutthahitvana gocarayabhinikkhami. Phalahattho aham disva upagacchim narasabham @Footnote: ¹ Si. licchavirajakule putto ² khu.apa. 33/94/145 avataphaliyattherapadana (sya) Pasannacitto sumano avatam adadim phalam. Catunnavutito kappe yam phalam adadim tada duggatim nabhijanami phaladanassidam phalam. Kilesa jhapita mayham .pe. katam buddhassa sasanan"ti. Chalabhinno pana hutva aparabhage aciraparinibbute satthari dhammam sangayitum sanketam katva mahatheresu tattha tattha viharantesu ekadivasam ayasmantam anandam sekhamyeva samanam mahatiya parisaya parivutam dhammam desentam disva tassa uparimagga- dhigamaya ussaham janento:- [119] "rukkhamulagahanam pasakkiya nibbanam hadayasmim opiya jhaya gotama ma ca pamado kim te bilibilika karissati"ti gatham abhasi. Tattha rukkhamulagahananti rukkhamulabhutam gahanam, gahananhi atthi, na rukkhamulam, rukkhamulanca atthi, na gahanam, ^1- tesu rukkhamulaggahanena thanassa chayasampannataya vatatapaparissayabhavam dasseti. Gahanaggahanena nivatabhavena vataparissayabhavam janasambadhabhavanca dasseti, tadubhayena ca bhavanayogyatam. Pasakkiyati upagantva. Nibbanam hadayasmim opiyati "evam maya patipajjitva nibbanam adhigantabban"ti nibbutim hadaye thapetva citte karitva. Jhayati lakkhanupanijjhanena jhaya, vipassanabhavanasahitam maggabhavanam bhavehi. Gotamati dhammabhandagarikam gottena alapati. Ma ca pamadoti adhikusalesu dhammesu ma pamadam apajji. Idani @Footnote: ¹ Ma. gahananhi atthi rukkhamulam na rukkhamulanca atthi gahanam Yadiso therassa pamado, tam patikkhepavasena dassento "kim te bilibilika karissati"ti aha. Tattha bilibilikati vilivilikiriya, bilibiliti saddapavatti yatha niratthaka, evam bilibilikasadisa ^1- janapannatti kim te karissati ^2- kidisam attham tuyham sadheti, tasma janapannattim pahaya sadatthapasuto hohiti ovadam adasi. Tam sutva annehi vuttavisagandhavayanavacanena ^3- samvegajato bahudeva rattim cankamena vitinamento vipassanam ussukkapetva senasanam pavisitva mancake nipannamattova arahattam papuni. Vajjiputtattheragathavannana nitthita. ------------

The Pali Atthakatha in Roman Book 32 page 366-368. http://84000.org/tipitaka/atthapali/read_rm.php?B=32&A=8161&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=8161&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=256 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5652 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5824 The Pali Tipitaka in Roman Character :- http://84000.org/tipitaka/read/roman_read.php?B=26&A=5824 Contents of The Tipitaka Volume 26 http://84000.org/tipitaka/read/?index_26