|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
270. 3. Herannakanittheragathavannana
accayanti ahorattati ayasmato herannakanittherassa gatha. Ka uppatti?
ayam kira padumuttarassa bhagavato kale hamsavatinagare kulagehe nibbattitva vinnutam
patto paresam bhatako hutva jivanto 3- ekadivasam sujatassa nama satthusavakassa pamsukulam
pariyesantassa upaddhadussam pariccaji. So tena punnakammena tavatimsesu nibbattitva
aparaparam devamanussesu samsaranto imasmim buddhuppade kosalaranno gamabhojakassa 4-
coravosasakassa 5- putto hutva nibbatti, herannakanitissa namam ahosi.
@Footnote: 1 Si. ekamantam upacitam vipakam 2 Ma.upari. 14/289,298/262,268
@ culakammavibhangasutta 3 Si.,i. vicaranto 4 i.,Ma. bhojakassa 5 Si. coraghatakassa
---------------------------------------------------------------------------------------------
page410.
So vayappatto pitu accayena ranna tasmimyeva gamabhojakatthane thapito jetavana-
patiggahane buddhanubhavam disva patiladdhasaddho attano kanitthassa tam thanantaram
dapetva rajanam apucchitva pabbajitva vipassanam patthapetva na cirasseva
arahattam papuni. Tena vuttam apadane 1- :-
"padumuttarabhagavato sujato nama savako
pamsukulam gavesanto sankare carate 2- tada.
Nagare hamsavatiya paresam bhatako aham
upaddhadussam datvana sirasa abhivadayim.
Tena kammena sukatena cetanapanidhihi ca
jahitva manusam deham tavatimsamagacchaham.
Tettimsakkhattum devindo devarajjamakarayim
sattasattatikkhattunca cakkavatti ahosaham.
Padesarajjam vipulam gananato asankhiyam
upaddhadussadanena modami akutobhayo.
Icchamano caham ajja sakananam sapabbatam
khomadussehi chadeyyam addhadussassidam phalam.
Satasahassito kappe yam danamadadim tada
duggatim nabhijanami addhadussassidam phalam.
Kilesa jhapita mayham .pe. katam buddhassa sasanan"ti.
Arahattam pana patva attano kanitthabhataram tato kammato nivattetukamo
tasmimyeva kamme abhiratam disva tam codento:-
@Footnote: 1 khu.apa. 33/85/129 upaddhadussadayakattherapadana (sya) 2 pali. rathiya
---------------------------------------------------------------------------------------------
page411.
[145] "accayanti ahoratta jivitam uparujjhati
ayu khiyati maccanam kunnadinamva odakam.
[146] Atha papani kammani karam balo na bujjhati
pacchassa katukam hoti vipako hissa papako"ti
gathadvayam abhasi.
Tattha accayantiti atikkamanti, lahum lahum apagacchantiti attho. Ahorattati
rattindiva. Jivitam uparujjhatiti jivitindriyam ca khanikanirodhavasena nirujjhati.
Vuttam hi "khane khane tvam bhikkhu jayasi ca jiyyasi ca miyyasi ca cavasi ca upapajjasi
ca"ti. 1- Ayu khiyati maccananti maritabbasabhavatta maccati laddhanamanam imesam
sattanam ayu "yo ciram jivati, so vassasatam appam va bhiyyo"ti 2- evam
paricchinnakalaparamayu khiyati khayam ca sambhedam ca gacchati, yatha kim? kunnadinamva odakam yatha
nama kunnadinam pabbateyyanam khuddakanadinam udakam 3- ciram na titthati, lahutaram khiyati,
agatamattamyeva vigacchati, evam sattanam ayu lahutaram khiyati khayam gacchati. Ettha ca
udakameva "odakan"ti vuttam, yatha manoyeva manasanti.
Atha papani kammani, karam balo na bujjhatiti evam samsare aniccepi
samane balo lobhavasena va kodhavasena va papani kammani karoti, karontopi
na bujjhati, papam karonto ca "papam karomi"ti abujjhanako nama natthi, "imassa
kammassa evarupo dukkho vipako"ti pana ajananato "na bujjhati"ti vuttam. Pacchassa
katukam hotiti yadipi papassa kammassa ayuhanakkhane "imassa kammassa evarupo
vipako"ti na bujjhati, tato paccha pana nirayadisu nibbattassa assa balassa
katukam anittham dukkhameva hoti. Vipako hissa papako yasma assa papakammassa
@Footnote: 1 Si. catiadi 2 di.maha. 10/91/45 mahapadanasutta, sam.ni. 16/143/184
@ vepullapabbatasutta, an.sattaka. 23/71/141 (sya) 3 Si.,i. pabbateyyam udakam
---------------------------------------------------------------------------------------------
page412.
Nama vipako papako nihino anitthoevati. Imam pana ovadam sutva therassa
kanitthabhata rajanam apucchitva pabbajitva na cirasseva sadattham nipphadesi.
Herannakanittheragathavannana nitthita.
-----------------
The Pali Atthakatha in Roman Book 32 page 409-412.
http://84000.org/tipitaka/atthapali/read_rm.php?B=32&A=9137&modeTY=2&pagebreak=1
อรรถกถาบาลีอักษรไทย :-
http://84000.org/tipitaka/atthapali/read_th.php?B=32&A=9137&modeTY=2&pagebreak=1
อ่านอรรถกถาแปลไทย :-
http://84000.org/tipitaka/attha/attha.php?b=26&i=270
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=5764
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=5919
The Pali Tipitaka in Roman Character :-
http://84000.org/tipitaka/read/roman_read.php?B=26&A=5919
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]