บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
271. 4. Somamittattheragathavannana parittam darunti ayasmato somamittattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto sikhissa bhagavato kale kulagehe nibbattitva vinnutam patto buddhagune sutva pasannamanaso ekadivasam kimsukarukkham pupphitam disva pupphani gahetva sattharam uddissa akase khipitva pujesi. So tena punnakammena devamanussesu samsaranto imasmim buddhuppade baranasiyam brahmanakule nibbattitva somamittoti laddhanamo tinnam vedanam paragu hutva vimalena nama therena kataparicayatta abhinham tassa santikam gacchanto dhammam sutva sasane laddhapasado pabbajitva laddhupasampado vattapativattam purento vicarati. Vimalatthero pana kusito middhabahulo rattindivam vitinameti. Somamitto "kusitam nama nissaya ko guno"ti tam pahaya mahakassapat- theram upasankamitva tassa ovade thatva vipassanam patthapetva na cirasseva arahatte patitthasi, tena vuttam apadane 1- :- "kimsukam pupphitam disva paggahetvana anjalim buddhasettham saritvana akase abhipujayim. Tena kammena sukatena cetanapanidhihi ca @Footnote: 1 khu.apa. 33/84/128 kimsukapupphiyattherapadana (sya) Jahitva manusam deham tavatimsamagacchaham. Ekatimse ito kappe yam kammamakarim tada duggatim nabhijanami buddhapujayidam phalam. Kilesa jhapita mayham bhava sabbe samuhata nagova bandhanam chetva viharami anasavo. Svagatam vata me asi mama buddhassa santike tisso vijja anuppatta katam buddhassa sasanan"ti. Arahattam pana patva vimalattheram ovadena tajjento:- [147] "parittam darumaruyha yatha side mahannave evam kusitamagamma sadhujivipi sidati tasma tam parivajjeyya kusitam hinaviriyam. [148] Vivittehi 1- ariyehi pahitattehi jhayihi 2- niccam araddhaviriyehi panditehi sahavase"ti gathadvayam abhasi. Tattha parittam darumaruyha, yatha side mahannaveti 3- pesalopi kulaputto kusitam alasapuggalam nissaya sidati samsare patati, na tassa param nibbanam gacchati. Yasma etadevam, tasma tam adhikusaladhammavasena 4- sisam anukkhipitva kucchitam sidanato kusitam viriyarambhabhavato hinaviriyam puggalam sabbatha vajjeyya, na tassa ditthanugatim apajjeyyati attho. Evam puggaladhitthanaya gathaya kosajje adinavam dassetva idani @Footnote: 1 cha.Ma. pavivittehi. evamuparipi 2 cha.Ma. jhayibhi 3 imesam atthavannana @ itivuttakatthakathaya 78/323 dhatusosamsandanasutte gahetabba 4 Si. akusaladhammavasena Viriyarambhe anisamse dassetum "vivittehi"tiadi vuttam. Tassattho:- ye pana kayavivekasambhavena vivitta, tatoeva kilesehi arakatta ariya, nibbanam patipesitattataya pahitatta, arammanupanijjhanavasena lakkhanupanijjhanavasena ca jhayino, sabbakalam paggahitaviriyataya araddhaviriya, lokiyalokuttarabhedaya pannaya samannagatatta pandita, tehiyeva saha avaseyya sadattham nipphadetukamo samvaseyyati. Tam sutva vimalatthero samviggamanaso vipassanam patthapetva sadattham aradhesi. Svayamattho parato agamissati. Somamittattheragathavannana nitthita. ----------------The Pali Atthakatha in Roman Book 32 page 412-414. http://84000.org/tipitaka/atthapali/read_rm.php?B=32&A=9195&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9195&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=271 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5770 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5924 The Pali Tipitaka in Roman Character :- http://84000.org/tipitaka/read/roman_read.php?B=26&A=5924 Contents of The Tipitaka Volume 26 http://84000.org/tipitaka/read/?index_26
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]