AtthaPali Vol.32

275. 8. Kimbilattheragathavannana ^2- pacinavamsadayamhitiadika ayasmato kimbilattherassa gatha. Ka uppatti? tassa pubbabhago ^3- samveguppatti pabbajja ca ekakanipate "abhisatto"ti gathaya samvannanayam vuttayeva. Taya ca gathaya therena attano visesadhigamassa karanam dassitam. Idha pana adhigatavisesassa ^4- attano ayasmata ca anuruddhena ayasmata ca nandiyena saha samaggavaso dassitoti veditabbam. ^4- Samaggavasam pana vasanta te yatha ca vasimsu, tam dassento:- [155] "pacinavamsadayamhi sakyaputta sahayaka pahayanappake bhoge unche pattagate ^5- rata. [156] Araddhaviriya pahitatta niccam dalhaparakkama ramanti dhammaratiya hitvana lokiyam ratin"ti gathadvayam abhasi. Tattha pacinavamsadayamhiti pacinavamsanamake rakkhitagopite sahaparicchede vane. Tam hi vanam gamassa pacinadisayam thitatta vamsagumbaparikkhittatta ca "pacinavamsadayo"ti @Footnote: ¹ Ma. santuttho nissaranasampajannassa ² cha.Ma. kimilatthera.... evamuparipi @³ cha.Ma. pubbayogo ^4-4 Si. attano ayasmata ca nandiyena samaggavasoti veditabbam @⁵ pali. unchapattagate Vutto, vamsavanabhavena vati. ^1- Sakyaputtati anuruddhattheradayo sakyarajakumaRa. ^2- Sahayakati samveguppattipabbajjasamanadhammakaranasamvasehi saha ayanato pavattanato sahayaka. Pahayanappake bhogeti ularena punnanubhavena adhigate kulaparamparagate ca mahante bhogakkhandhe chaddetva. "sahayanappake"tipi pali. Unche pattagate ratati unchacariyaya abhatatta unche patte agatatta pattagate patta- pariyapanne rata abhirata, samghabhattadiatirekalabham patikkhipitva janghabalam nissaya bhikkhacariyaya laddhena missakabhatteneva santutthati attho. Araddhaviriyati uttamatthassa adhigamaya aditova pageva sampaditaviriya. ^3- Pahitattati ninnaponapabbharabhavena kalena kalam samapajjanena ca ^4- nibbanam patipesitacitta. Niccam dalhaparakkamati vattapatipattisu ditthadhammasukhaviharanuyogena sabbakalam asithilaparakkama. Ramanti dhammaratiya, hitvana lokiyam ratinti loke viditataya lokapariyapannataya ca lokiyam ruparammanadiratim pahaya maggapannaya pajahitva lokuttaradhammaratiya aggaphalanibbanabhiratiya ca ramanti abhiramanti. ^5- Kimbilattheragathavannana nitthita. ---------------

The Pali Atthakatha in Roman Book 32 page 424-425. http://84000.org/tipitaka/atthapali/read_rm.php?B=32&A=9469&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9469&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=275 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5794 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5951 The Pali Tipitaka in Roman Character :- http://84000.org/tipitaka/read/roman_read.php?B=26&A=5951 Contents of The Tipitaka Volume 26 http://84000.org/tipitaka/read/?index_26