AtthaPali Vol.32

279. 2. Bhaddajittheragathavannana panado nama so rajati ayasmato bhaddajittherassa gatha. Ka uppatti? ayam kira padumuttarassa bhagavato kale brahmanakule nibbattitva vinnutam patto brahmananam vijjasippesu param gantva kame pahaya tapasapabbajjam pabbajitva arannayatane assamam karetva vasanto ekadivasam sattharam akasena gacchantam disva pasannamanaso anjalim paggayha atthasi. Sattha tassa ajjhasayam natva akasato otari. Otinnassa pana bhagavato madhunca bhisamulalanca sappinca khiranca upanamesi, tassa tam bhagava anukampam upadaya patiggahetva anumodanam vatva pakkami. So tena punnakammena tusite ^2- nibbatto tattha yavatayukam thatva tato aparaparam sugatisuyeva samsaranto vipassissa bhagavato kale mahaddhano setthi hutva atthasatthibhikkhusahassam bhojetva ticivarena acchadesi. ^3- Evam bahum kusalam katva devaloke nibbattitva tattha yavatayukam thatva @Footnote: ¹ Si.,i. samsibbanaparisibbanakaram ² Si.,i.,Ma. tusitesu ³ i.,Ma. acchadapesi

--------------------------------------------------------------------------------------------- page440.

Tato cavitva manussesu uppanno buddhasunne loke panca paccekabuddhasatani catuhi paccayehi upatthahitva tato cuto rajakule nibbattitva rajjam anusasanto puttam ^1- paccekabodhim adhigantva thitam upatthahitva tassa parinibbutassa dhatuyo gahetva cetiyam katva pujesi. Evam tattha tattha tani tani punnani katva imasmim buddhuppade bhaddiyanagare asitikotivibhavassa bhaddiyasetthissa ekaputtako hutva nibbatti, bhaddajitissa namam ahosi. Tassa kira issariyabhogaparivaradisampatti carimabhave bodhisattassa viya ahosi. Tada sattha savatthiyam vassam vasitva bhaddajikumaram sangahitum mahata bhikkhusamghena saddhim bhaddiyanagaram gantva jatiyavane vasi tassa nanaparipakam agamayamano. Sopi upari pasade nisinno sihapanjaram vivaritva olokento bhagavato santike dhammam sotum gacchantam mahajanam disva "katthayam mahajano gacchati"ti pucchitva tam karanam sutva sayampi mahata parivarena satthu santikam gantva dhammam sunanto sabbabharanapatimanditova sabbakilese khepetva arahattam papuni. Tena vuttam apadane ^2- :- "oggayha yam ^3- pokkharanim nanakunjarasevitam uddharami bhisam tattha ghasahetu ^4- aham tada. Bhagava tamhi samaye padumuttarasavhayo rattakambaladharo ^5- buddho gacchate anilanjase. Dhunanto pamsukulani saddam assosaham tada uddham nijjhayamanoham addasam lokanayakam. Tattheva thitako santo ayacim lokanayakam ^6- madhu bhimsehi savati khirasappi mulalibhi. ^6- @Footnote: ¹ Si.,i. attano puttam ² khu.apa. 33/73/102 bhisadayakattherapadana (sya) @³ pali. oggayhaham ⁴ pali. asanahetu @⁵ cha.Ma. rattambaradharo ^6-6 cha.Ma. madhum bhisehi sahitam, khiram sappim mulalikam

--------------------------------------------------------------------------------------------- page441.

Patigganhatu me buddho anukampaya cakkhuma tato karuniko sattha orohitva mahayaso. Patigganhi mamam bhikkham anukampaya cakkhuma patiggahetva sambuddho aka me ^1- anumodanam. Sukhi hohi ^2- mahapunna gati tuyham samijjhatu imina bhisadanena labhassu vipulam sukham. Idam vatvana sambuddho jalajuttamanamako bhikkhamadaya sambuddho ambarenagama ^3- jino. Tato bhisam gahetvana agacchim mama assamam bhisam rukkhe laggetvana mama danam anussarim. Mahavato utthahitva sancalesi vanam tada akaso abhinadittha asaniya phalantiya. ^4- Tato me asanipato matthake nipati tada so hi ^5- nisinnako santo tattha kalankato aham. Punnakammena sannutto tusitam upapajjaham kalevaram me patitam devaloke ramamaham. Chalasitisahassani nariyo samalankata sayam patam upatthanti bhisadanassidam phalam. Manussayonimagantva sukhito homaham tada bhoge me unata natthi bhisadanassidam phalam. Anukampitako tena devadevena tadina sabbasava parikkhina natthi dani punabbhavo. Satasahassito kappe yam bhisam adadim ^6- tada @Footnote: ¹ Ma. akase ² cha.Ma. hotu ³ cha.Ma. akasenagama ⁴ cha.Ma. asani ca phali tada @⁵ cha.Ma., i. soham ⁶ pali. bhikkhamadadim

--------------------------------------------------------------------------------------------- page442.

Duggatim nabhijanami bhisadanassidam phalam. Kilesa jhapita mayham .pe. katam buddhassa sasanan"ti. Arahatte pana tena adhigate sattha bhaddiyasetthim amantesi "tava putto alankatapatiyatto dhammam sunanto arahatte patitthasi, tenassa idaneva pabbajitum yuttam, no ce pabbajati, parinibbayissati"ti. Setthi "na mayham puttassa daharasseva sato parinibbanena kiccam atthi, pabbajetha nan"ti aha. Tam sattha pabbajetva upasampadetva tattha sattaham ^1- vasitva kotigamam papuni, so ca gamo gangatire. Kotigamavasino buddhappamukhassa bhikkhusamghassa mahadanam pavattesum. Bhaddajitthero satthara anumodanaya araddhamattaya bahigamam gantva "gangatire maggasamipe satthu agatakale vutthahissami"ti samapattim samapajjitva nisidi. Mahatheresu agacchantesupi avutthahitva satthu agatakaleyeva vutthahi. Puthujjanabhikkhu "ayam adhuna pabbajito mahatheresu agacchantesu manatthaddho hutva na vutthasi"ti ujjhayimsu. Kotigamavasino satthu bhikkhusamghassa ca bahu navasanghate bandhimsu, sattha "handassa ^2- anubhavam pakasemi"ti navasanghate thatva "kaham bhaddaji"ti pucchi. Bhaddajitthero "esoham bhante"ti sattharam upasankamitva anjalim katva atthasi. Sattha "ehi bhaddaji, amhehi saddhim ekanavam abhiruha"ti. So uppatitva satthu thitanavayam atthasi. Sattha gangamajjham gatakale "bhaddaji taya mahapanadarajakale ajjhavuttharatanapasado kahan"ti aha. Imasmim thane nimuggoti. Tenahi bhaddaji sabrahmacarinam kankham chindati. Tasmim khane thero sattharam vanditva iddhibalena gantva pasadathupikam padangulantarena sannirumbhitva ^3- pancavisatiyojanam pasadam gahetva akase uppati, uppatanto ca pannasa yojanani pasadam udakato ukkhipi. Athassa purimabhave nataka pasadagatena lobhena macchakacchapamanduka hutva tasmim @Footnote: ¹ Si. sattasattaham ² Si. sattha tassa ³ i. sannirumhitva, Ma. sannirujjhitva

--------------------------------------------------------------------------------------------- page443.

Pasade utthahante parivattitva udake patimsu. Sattha te patante disva "nataka te bhaddaji kilamanti"ti aha. Thero satthu vacanena pasadam vissajjesi. Pasado yathathaneeva patitthahi. Sattha parangato bhikkhuhi "kada bhante bhaddajittherena ayam pasado ajjhavuttho"ti puttho mahapanadajatakam ^1- kathetva mahajanam dhammamatam payesi. Thero pana attano ajjhavutthapubbam suvannapasadam dassetva:- [163] "panado nama so raja yassa yupo suvanniyo ^2- tiriyam solasubbedho ^3- uccamahu ^4- sahassadha. [164] Sahassakando satagendu ^5- dhajalu ^6- haritamayo anaccum tattha gandhabba cha sahassani sattadha"ti dvihi gathahi vannento annam byakasi. Tattha panado nama so rajati atite panado nama so raja ahositi attabhavaantarahitataya attanam param viya niddisati. Soeva hi rajje thitakalato patthaya sada ussahasampattiadina mahata rajanubhavena mahata ca kittisaddena samannagatatta "raja mahapanado"ti pannayittha. Yassa yupo suvanniyoti yassa ranno ayam yupo pasado suvannamayo. Tiriyam solasubbedhoti vittharato solasakandapatappamano. ^7- So pana addhayojanamatto ^8- hoti. Uccamahu sahassadhati uccam ubbham evamassa pasadassa sahassadha sahassakandappamanamahu. ^9- So pana yojanato pancavisatiyojanappamano hoti. Keci panettha gathasukhattham "ahu"ti digham katam. Ahu ^10- ahositi attham vadanti. Sahassakandoti sahassabhumiko. ^11- Satagenduti anekasataniyuhako. ^12- Dhajaluti tattha @Footnote: ¹ khu.ja.tika. 27/391-3/106 (sya) ² cha.Ma. suvannayo, Ma. sonnamayo @³ Si.,i. solasapabbedho ⁴ Si. uddhamahu, cha.Ma. ubbhamahu ⁵ Si. satabhendu @⁶ Si.,Ma. dhajalu ⁷ Si. solasasarapatanappamano ⁸ Si. addhayojanappamano, @ i. addhuddhayojanamatto ⁹ i. sahassadhappamano hoti ¹⁰ Si.,i. tam ahu @¹¹ Si., i....bhumako ¹² cha.Ma....niyyuhako

--------------------------------------------------------------------------------------------- page444.

Tattha niyuhasikharadisu patitthapitehi yatthidhajapatakadhajadidhajehi sampanno. Haritamayoti camikarasuvannamayo. Keci pana "haritajatimanisarikkhako"ti ^1- vadanti. Gandhabbati nata. Cha sahassani sattadhati chamattani gandhabbasahassani sattadha ^2- tassa pasadassa sattasu thanesu ranno abhiramapanattham naccimsuti attho. Te evam naccantapi rajanam hasetum nasakkhimsu. Atha sakko devaraja devanate pesetva samajjam karesi, tada raja hasiti. Bhaddajittheragathavannana nitthita. ---------------

The Pali Atthakatha in Roman Book 32 page 439-444. http://84000.org/tipitaka/atthapali/read_rm.php?B=32&A=9808&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9808&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=279 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5827 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5980 The Pali Tipitaka in Roman Character :- http://84000.org/tipitaka/read/roman_read.php?B=26&A=5980 Contents of The Tipitaka Volume 26 http://84000.org/tipitaka/read/?index_26