ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 32 : PALI ROMAN Thera.A.1 (paramatthadi.1)

                    280. 3. Sobhitattheragathavannana
      satima pannavati ayasmato sobhitattherassa gatha. Ka uppatti?
      ayampi purimabuddhesu katadhikaro tattha tattha bhave punnani upacinanto
padumuttarassa bhagavato kale hamsavatinagare kulagehe nibbattitva vayappatto satthu
dhammadesanam sunanto sattharam ekam bhikkhum pubbenivasananalabhinam bhikkhunam aggatthane
thapentam disva sayampi tam thanantaram uddissa patthanam katva punnani katva
sugatisuyeva samsaranto sumedhassa bhagavato kale brahmanakule nibbattitva vinnutam
patto brahmananam vijjasippesu nipphattim gantva nekkhammadhimutto gharavasam
pahaya tapasapabbajjam pabbajitva himavantassa samipe arannayatane assamam
karetva vanamulaphalaphalena yapento buddhuppadam sutva sabbattha ekarattivaseneva
bhaddavatinagare 3- sattharam upasankamitva pasannamanaso "tuvam sattha ca ketu ca"ti-
adihi chahi gathahi abhitthavi, sattha cassa bhavinim sampattim pakasesi. So
@Footnote: 1 Si.,i. haritamanisarikkhakoti    2 Ma. cha sahassani gandhabbanam cha sahassani sattadha
@3 Si. bandhumatinagare
Tena punnakammena devamanussesu samsaranto imasmim buddhuppade savatthiyam brahmana-
kule nibbatti. Sobhitotissa namam akamsu. So aparena samayena satthu dhammadesanam
sutva patiladdhasaddho pabbajitva vipassanam vaddhetva chalabhinno ahosi. Pubbe-
nivasanane cinnavasi ca ahosi. Tena vuttam apadane 1- :-
          "dakkhine himavantassa         sukato assamo mama
           uttamattham gavesanto        vasami vipine 2- tada.
           Labhalabhena santuttho      mulena ca phalena ca
           anvesanto acariyam 3-     vasami ekako aham.
           Sumedho nama sambuddho      loke uppajji tavade
           catusaccam pakaseti          uddharanto mahajanam.
           Naham sunomi sambuddham        napi me koci sasati 4-
           atthavasse atikkante       assosim lokanayakam.
           Aggidarum niharitva         sammajjitvana assamam
           kharibharam gahetvana        nikkhamim vipina aham.
           Ekarattim vasantoham         gamesu nigamesu ca
           anupubbena candavatim 5-      tadaham upasankamim.
           Bhagava tamhi samaye         sumedho lokanayako
           uddharanto bahu satte       deseti amatam padam.
           Janakayamatikkamma           vanditva jinasagaram
           ekamsam ajinam katva         santhavim lokanayakam.
           Tuvam sattha ca ketu ca       dhajo yupo ca paninam
           parayano patittha ca        dipo ca dipaduttamo. 6-
@Footnote: 1 khu.apa. 33/74/104 nanatthavikattherapadana (sya)     2 pali. pavane
@3 pali. anomasanto acari  4 cha.Ma. samsati  5 Si. bandhumatim  6 cha.Ma. dvipaduttamo
           Nepunno dassane dhiro 1-   taresi janatam tuvam
           natthanno tarako loke     tavuttaritaro mune. 2-
           Sakka bhave 3- kusaggena    pametum sagaruttamo 4-
           na tveva tava sabbannu       nanam sakka pametave.
           Tuladande thapetvana        mahim sakka dharetave 5-
           na tveva tava pannaya       pamanamatthi cakkhuma.
           Akaso minitum sakka       rajjuya angulena va
           na tveva tava sabbannu       silam sakka pametave.
           Mahasamudde udakam          akaso ca vasundharo 6-
           parimeyyani etani        appameyyosi cakkhuma.
           Chahi gathahi sabbannum        kittayitva mahayasam
           anjalim paggahetvana        tunhi atthasaham tada.
           Yam vadanti sumedhoti         bhumipannam 7- sumedhasam
           bhikkhusamghe nisiditva         ima gatha abhasatha.
           Yo me nanam pakittesi      vippasannena cetasa
           tamaham kittayissami          sunatha mama bhasato.
           Sattasattati kappani         devaloke ramissati
           sahassakkhattum devindo       devarajjam karissati.
           Anekasatakkhattunca          cakkavatti bhavissati
           padesarajjam vipulam           gananato asankhiyam.
           Devabhuto manusso va       punnakammasamahito
           anunamanasankappo           tikkhapanno bhavissati.
           Timsakappasahassamhi           okkakakulasambhavo
@Footnote: 1 Si. te punnadassano viro   2 Si. muni    3 Si. sakka have, cha.Ma. theve
@4 cha.Ma. sagaruttame    5 Si. pametave    6 cha.Ma. vasundhara    7 cha.Ma. bhuripannam
           Gotamo nama gottena      sattha loke bhavissati.
           Agara abhinikkhamma         pabbajissatikincano
           jatiya sattavassena        arahattam papunissati. 1-
           Yato sarami attanam        yato pattosmi sasanam
           etthantare na janami      cetanam amanoramam.
           Samsaritva bhavabhave 2-      sampattanubhavim aham
           bhoge me unata natthi      phalam nanassa thomane.
           Tiyaggi 3- nibbuta mayham     bhava sabbe samuhata
           sabbasavaparikkhino 4-       natthi dani punabbhavo.
           Timsakappasahassamhi           yam nanamathavim aham
           duggatim nabhijanami         phalam nanassa thomane.
           Kilesa jhapita mayham .pe.  katam buddhassa sasanan"ti.
      So arahattam pana patva attano pubbenivasam anupatipatiya anussaranto
yava asannabhave acittakapatisandhi, tava addasa. Tato panca kappasatani cittap-
pavattim adisva avasaneva 5- disva "kimetan"ti avajjanto nayavasena "asannabhavo
bhavissati"ti nittham agamasi. Tenaha bhagava "atthi bhikkhave asannasatta nama
dighayuka deva, tato cuto sobhito idhupapanno, so etam bhavam janati, sobhito
anussarati"ti. 6- Evam nayavasena anussarantassa 7- anussaranakosallam disva sattha
theram pubbenivasam anussarantanam aggatthane thapesi. Tatoeva cayam ayasma savisesam
attano pubbenivasanussatinanam tassa ca paccayabhutam patipattim paccavekkhitva
somanassajato tadatthadipanam udanam udanento:-
    [165] "satima pannava bhikkhu        araddhabalaviriyo
@Footnote: 1 cha.Ma. phusissati            2 cha.Ma. bhave sabbe       3 Si. tividhaggi
@4 cha.Ma. sabbasava parikkhina   5 Si.,i. avasane ca
@6 vinaYu.mahavi. 1/232/165 parajikakanda (atthato samanam)  7 Si. anussaranto
           Panca kappasatanaham         ekarattim anussarim.
    [166]  Cattaro satipatthane       satta attha ca bhavayam
           panca kappasatanaham         ekarattim anussarin"ti
gathadvayam abhasi.
      Tattha satimati sayam samudagamanasampannaya satipatthanabhavanaparipuriya sati
vepullappattiya ca satima. Pannavati chalabhinnaparipuriya pannavepullappattiya
ca pannava. Bhinnakilesataya bhikkhu. Saddhadibalananceva catubbidhasammappadhanaviriyassa
ca samsiddhiparipuriya araddhabalaviriyo. Saddhadinam hettha balaggahanena gahanam satipi
satiadinam balabhave, yatha "gobalibaddha punnananasambhara"ti. 1- Panca kappasatanaham,
ekarattim anussarinti ekarattim viya anussarim. Viyasaddo hi idha luttaniddittho,
etena pubbenivasanussatinane 2- attano nanavasibhavam dipeti.
      Idani yaya patipattiya attano satimantadibhavo satisayam pubbenivasa-
nananca siddham, tam dassetum "cattaro"tiadina dutiyam gathamaha. Tattha cattaro
satipatthaneti kayanupassanadike attano visayabhedena catubbidhe lokiyalokuttaramissake
satisankhate satipatthane. Sattati satta bojjhange. Atthati attha maggangani.
Satipatthanesu hi suppatitthitacittassa satta bojjhanga  bhavanaparipurim gataeva
honti, tatha ariyo atthangiko maggo. Tenaha dhammasenapati "catusu satipatthanesu
supatitthitacitta 3- satta sambojjhange yathabhutam bhavetva"tiadihi 4-
sattakotthasikesu sattatimsaya bodhipakkhiyadhammesu ekasmim kotthase bhavanaparipurim
gacchante itare agacchanta nama natthiti. 5- Bhavayanti bhavanahetu. Sesam
vuttanayameva. 6-
                    Sobhitattheragathavannana nitthita.
@Footnote: 1 Ma. nanasambharati ca   2 Si....nanena   3 Ma. patitthitacitto   4 di.pati.
@11/143/86 sampasadaniyasutta  5 Ma. anagacchanta na atthi  6 Si.,i. uttanameva



             The Pali Atthakatha in Roman Book 32 page 444-448. http://84000.org/tipitaka/atthapali/read_rm.php?B=32&A=9927&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=32&A=9927&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=280              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=5833              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=5985              The Pali Tipitaka in Roman Character :- http://84000.org/tipitaka/read/roman_read.php?B=26&A=5985              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]