ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
previous bookno pageNumbernext pagelast page chage to ROMAN letter  
Atthakatha Book 33 : PALI ROMAN Thera.A.2 (paramatthadi.2)

page1.

Paramatthadipani nama khuddakanikayatthakatha theragathavannana (dutiyo bhago) ----------------- namo tassa bhagavato arahato sammasambuddhassa. 4. Catukkanipata 323. 1. Nagasamalattheragathavannana alankatatiadika ayasmato nagasamalattherassa gatha. Ka uppatti? ayampi padumuttarassa bhagavato kale kulagehe nibbattitva vinnutam patto gimhasamaye 1- suriyatapasantattaya bhumiya gacchantam sattharam disva pasannamanaso chattam adasi. So tena punnakammena devamanussesu samsaranto imasmim buddhuppade sakyarajakule nibbattitva nagasamaloti laddhanamo vayappatto natisamagame patiladdhasaddho pabbajitva kinci kalam bhagavato upatthako ahosi. So ekadivasam nagaram pindaya pavittho alankatapatiyattam annataram naccakim mahapathe turiyesu vajjantesu naccantim disva "ayam cittakiriyavayodhatu vippharavasena karajakayassa tatha tatha parivatti, aho anicca sankhara"ti khayavayam patthapetva vipassanam ussukkapetva arahattam papuni. Tena vuttam apadane 2-:- "angarajata pathavi kukkulanugata mahi padumuttaro bhagava abbhokasamhi cankami. @Footnote: 1 Si.,i. ghammasamaye 2 khu.apa. 33/47/72 ekachattiyattherapadana (sya)

--------------------------------------------------------------------------------------------- page2.

Pandaram chattamadaya addhanam patipajjaham tattha disvana sambuddham cittam 1- me upapajjatha. Mariciyotthata bhumi angarava mahi ayam upatthanti 2- mahavata sarirakayukhepana. 3- Sitam unham vihananati 4- vatatapanivaranam patigganha imam chattam phassayissami nibbutim. Anukampako karuniko padumuttaro mahayaso mama sankappamannaya patigganhi tada jino. Timsakappani devindo devarajjamakarayim satanam pancakkhattum ca cakkavatti ahosaham. Padesarajjam vipulam gananato asankhiyam anubhomi sakam kammam pubbe sukatamattano. Ayam me pacchima jati carimo vattate bhavo ajjapi setacchattam me sabbakalam dhariyati. Satasahasse ito 5- kappe yam chattamadadim tada duggatim nabhijanami chattadanassidam phalam. Kilesa jhapita mayham .pe. katam buddhassa sasanan"ti. Arahattam pana patva:- [267] "alankata suvasana malini candanussada majjhe mahapathe nari turiye naccati nattaki. [268] Pindikaya pavitthoham gacchanto nam udikkhisam alankatam suvasanam maccupasamva odditam. @Footnote: 1 cha.Ma. vitti 2 cha.Ma.upahanti 3 cha.Ma. sarirassasukhepana @4 cha.Ma. vihanantam 5 cha.Ma. satasahassito

--------------------------------------------------------------------------------------------- page3.

[269] Tato me manasikaro yoniso udapajjatha adinavo paturahu nibbida samatitthatha. 1- [270] Tato cittam vimucci me passa dhammasudhammatam tisso vijja anuppatta katam buddhassa sasanan"ti catuhi gathahi attano patipattikittanamukhena annam byakasi. Tattha alankatati hatthupagadiabharanehi alankatagatta. Suvasanati sundaravasana sobhanavatthanivattha. Maliniti maladharini 2- pilandhitapupphamala. Candanussadati candananulepalittasariRa. Majjhe mahapathe nari, turiye naccati nattakiti yathavuttatthane eka nari nattaki natakitthi nagaravithiya majjhe pancangike turiye vajjante naccati, yathapatthapitam naccam karoti. Pindikayati bhikkhaya. Pavitthohanti nagaram pavittho aham. Gacchanto nam udikkhisanti nagaravithiyam gacchanto parissayapariharanattham vithim olokento tam nattakim olokesim. Kim viya? maccupasamva odditanti yatha maccussa maccurajassa pasabhuto rupadiko 3- oddito loke anuvicaritva thito ekamsena sattanam anatthavaho, evam sapi appatisankhane thitanam andhaputhujjananam ekamsato anatthavahati maccupasasadisi vutta. Tatoti tasma maccupasasadisatta. Meti mayham. Manasikaro yoniso udapajjathati "ayam atthisanghato nharusambandho mamsena anupalitto chaviya paticchanno asuci- duggandhajegucchapatikkulo aniccucchadanaparimaddanabhedanaviddhamsanadhammo idise vikare dasseti"ti evam yoniso manasikaro uppajji. Adinavo paturahuti evam kayassa sabhavupadharanamukhena tassa ca tamnissitananca cittacetasikanam udayabbayam 4- @Footnote: 1 i. santitthatha 2 Si.malaharini,i.malabharini 3 Ma. jaradiko @4 Si.,i.udayabbayatam

--------------------------------------------------------------------------------------------- page4.

Sarasapabhangutanca 1- manasi karoto tesu ca yakkharakkhasadisu viya bhayato upatthahantesu tattha me 2- anekakaraadinavo doso paturahosi, tappatipakkhato ca nibbane anisamso. Nibbida samatitthathati nibbindanam adinavanupassananubhavasiddham nibbidananam mama hadaye santhasi, muhuttampi tesam ruparupadhammanam gahane cittam nahosi, annadatthu muncitukamatadivasena 3- tattha udasinameva jatanti attho. Tatoti vipassanananato param. Cittam vimucci meti lokuttarabhavanaya vattamanaya maggapatipatiya sabbakilesehi mama cittam vimuttam ahosi. Etena phaluppattim 4- dasseti. Maggakkhane hi kilesa vimuccanti nama, phalakkhane vimuttati. Sesam vuttanayameva. Nagasamalattheragathavannana nitthita. ----------------


             The Pali Atthakatha in Roman Book 33 page 1-4. http://84000.org/tipitaka/atthapali/read_rm.php?B=33&A=1&modeTY=2&pagebreak=1              อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=1&modeTY=2&pagebreak=1              อ่านอรรถกถาแปลไทย :- http://84000.org/tipitaka/attha/attha.php?b=26&i=323              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6191              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6314              The Pali Tipitaka in Roman Character :- http://84000.org/tipitaka/read/roman_read.php?B=26&A=6314              Contents of The Tipitaka Volume 26 http://84000.org/tipitaka/read/?index_26

previous bookno pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com