ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 33 : PALI ROMAN Thera.A.2 (paramatthadi.2)

                    325.  3. Sabhiyattheragathavannana
         pare catiadika ayasmato sabhiyattherassa gatha. Ka uppatti?
         ayampi purimabuddhesu katadhikaro tattha tattha bhave punnani upacinanto
kakusandhassa bhagavato kale kulagehe nibbattitva vinnutam patto ekadivasam sattharam
divaviharaya 2- gacchantam disva pasannamanaso upahanam adasi. So tena punnakammena
devamanussesu samsaranto kassape bhagavati parinibbute patitthite suvannacetiye chahi
kulaputtehi saddhim attasattamo sasane pabbajitva kammatthanam gahetva aranne
@Footnote: 1 Si.,i. paripatim   2 Si.,i. vihara
Viharanto visesam nibbattetum asakkonto itare aha "mayam pindapataya gacchanta
jivite sapekkha homa, jivite sapekkhena ca na sakka lokuttaradhammam adhigantum,
puthujjanakalankiriya ca dukkha, handa mayam nissenim bandhitva pabbatam abhiruyha
kaye ca jivite ca anapekkha samanadhammam karoma"ti. Te tatha akamsu.
         Atha nesam mahathero upanissayasampannatta tadaheva chalabhinno hutva
uttarakuruto pindapatam upanesi. Itare "tumhe bhante katakicca, tumhehi saddhim
sallapamattampi papanco, samanadhammameva mayam karissama, tumhe attana ditthadhamme
sukhaviharamanuyunjatha"ti vatva pindapatam patikkhipimsu. Thero ne sampaticchapetum
asakkonto agamasi.
         Tato nesam eko dvihatihaccayena abhinnaparivaram anagamiphalam sacchikatva
tatheva vatva tehi patikkhitto agamasi. Tesu khinasavatthero parinibbayi, anagami
suddhavasesu uppajji. Itare puthujjanakalankiriyameva katva chasu kamasaggesu
anulomapatilomato dibbasampattim anubhavitva amhakam bhagavato kale devaloka cavitva
eko mallarajakule patisandhim ganhi, eko gandhararajakule, eko bahiraratthe, 1-
eko rajagahe ekissa kuladarikaya kucchimhi patisandhim ganhi, itaro annatarissa
paribbajikaya kucchimhi patisandhim aggahesi. Sa kira annatarassa khattiyassa dhita,
nam matapitaro "amhakam dhita samayantaram janatu"ti ekassa paribbajakassa
niyyadayimsu. Atheko paribbajako taya saddhim vippatipajji. Sa tena gabbham ganhi.
Tam gabbhinim disva paribbajaka nikkaddhimsu. Sa annattha gacchanti antaramagge
sabhayam vijayi, tenassa sabhiyotveva namam ahosi. So vaddhitva paribbajakapabbajjam
pabbajitva nanasatthani uggahetva mahavadi hutva vadappasuto vicaranto
attana sadisam adisva nagaradvare assamam karetva khattiyakumaradayo sippam
@Footnote: 1 Si.,i.bahiyaratthe
Sikkhapento viharanto attano matuya itthibhavam jigucchitva 1- jhanam
uppadetva brahmaloke uppannaya 2- abhisankharitva dinne visatipanhe gahetva
te te samanabrahmane pucchi. Te cassa tesam panhanam attham byakatum nasakkhimsu.
Sabhiyasuttavannanayam pana "suddhavasabrahma te panhe abhisankharitva adasi"ti agatam.
         Yada pana bhagava pavattavaradhammacakko anupubbena rajagaham agantva veluvane
vihasi, tada sabhiyo tattha gantva sattharam upasankamitva te panhe pucchi.
Sattha tassa te panhe byakasiti sabbam sabhiyasutte 3- agatanayena veditabbam.
Sabhiyo pana bhagavata tesu panhesu byakatesu patiladdhasaddho pabbajitva vipassanam
patthapetva arahattam papuni. Tena vuttam apadane 4-:-
             "kakusandhassa munino         brahmanassa vusimato
              divaviharam vajato         akkamanamadasaham.
              Imasmimyeva kappasmim 5-     yam danamadadim tada
              duggatim nabhijanami        akkamanassidam phalam.
              Kilesa jhapita mayham .pe. Katam buddhassa sasanan"ti.
         Araha pana hutva devadatte samghabhedaya parakkamante devadattapakkhikanam
bhikkhunam ovadam dento:-
         [275] "pare ca na vijananti     mayamettha yamamhase 6-
               ye ca tattha vijananti     tato sammanti medhaga.
         [276] Yada ca avijananta      iriyantyamara 7- viya
               vijananti ca ye dhammam     aturesu anatuRa.
@Footnote: 1 Si.,i. jigucchantiya 2 i.,Ma. upapannaya 3 khu.sutta. 25/516/432 sabhiyasutta
@4 khu.apa. 33/45/70 akkamanadayakattherapadana (sya) 5 cha.Ma. kappamhi
@6 cha.Ma. yamamase  7 cha.Ma. iriyantumara
         [277] Yankinci sithilam kammam       sankilitthanca yam vatam
               sankassaram brahmacariyam      na tam hoti mahapphalam.
         [278] Yassa sabrahmacarisu       garavo nupalabbhati
               araka hoti saddhamma    nabham pathaviya yatha"ti
catuhi gathahi dhammam desesi.
         Tattha pareti pandite thapetva tato anne "adhammam dhammo"ti "dhammam
adhammo"tiadibhedakaravatthudipanavasena vivadappasuta pare nama. Te tattha vivadam
karonta "mayam yamamhase uparamama nassama satatam samitam maccu santikam gacchama"ti
na jananti. Ye ca tattha vijanantiti ye tattha pandita "mayam maccusamipam
gacchama"ti vijananti. Tato sammanti medhagati evam hi te jananta yoniso-
manasikaram uppadetva medhaganam kalahanam vupasamaya patipajjanti. Atha nesam taya
patipattiya te medhaga sammanti. Athava pare cati ye satthu ovadanusasaniya
aggahanena sasanato bahirataya pare, te yava "mayam micchagaham gahetva
ettha idha loke sasanassa patiniggahena yamamase vayamama"ti na vijananti,
tava vivada na vupasammanti, yada pana tassa gahassa vissajjanavasena ye
ca tattha tesu vivadappasutesu adhammadhammadike adhammadhammadito yathabhutam vijananti,
tato tesam santika te panditapurise nissaya vivadasankhata medhaga sammantiti
evamettha attho veditabbo.
         Yadati yasmim kale. Avijanantati vivadassa vupasamupayam dhamadmadhamme va
yathavato ajananta. Iriyantyamara viyati amara viya jaramaranam abhikkanta 1-
viya uddhata unnala capala mukhara vippakinnavaca hutva vattanti caranti
vicaranti, tada vivado na vupasammateva. Vijananti ca ye dhammam, aturesu anaturati
@Footnote: 1 cha.Ma. atikkanta
Ye pana satthu sasanadhammam yathabhutam jananti, te 1- kilesarogena aturesu sattesu
anatura nikkilesa anigha viharanti, tesam vasena vivado accantameva vupasammatiti
adhippayo.
         Yankinci sithilam kammanti oliyitva karanena sithilagaham katva sathalibhavena
katam yankinci kusalakammam. Sankilitthanti vesiadike agocare caranena kuhanadimiccha-
jivena va sankilittham vatasamadanam. Sankassaranti sankahi saritabbam, vihare kinci
asaruppam sutva "nuna asukena katan"ti parehi asankitabbam, uposathakiccadisu
annatarakiccavasena sannipatitampi samgham disva "addha ime mama cariyam natva
mam ukkhipitukama sannipatita"ti evam attano va asankahi saritam usankitam
parisankitam. Na tam hotiti tam evarupam brahmacariyam samanadhammakaranam tassa puggalassa
mahapphalam na hoti, tassa amahapphalabhaveneva paccayadayakanampissa na mahapphalam
hoti. Tasma sallekhavuttina bhavitabbam, sallekhavuttino ca vivadassa avasaro eva
natthiti adhippayo.
         Garavo nupalabbhatiti anusasaniya apadakkhinaggahibhavena garukatabbesu
sabrahmacarisu yassa puggalassa garavo garukaranam na vijjati. Araka hoti saddhammati
so evarupo puggalo patipattisaddhammatopi pativedhasaddhammatopi dure hoti, na hi
tam garu sikkhapenti, asikkhiyamano anadiyanto na patipajjati, appatipajjanto
kuto saccani 2- pativijjhissatiti. Tenaha "araka hoti saddhamma"ti. Yatha kim?
"nabham pathaviya yatha"ti yatha nabham akasam pathaviya pathavidhatuya sabhavato dure.
Na kadaci sammissabhavo. Tenevaha:-
                   "nabham  ca dure pathavi ca dure
                    param samuddassa tadahu dure
@Footnote: 1 Si.,i. te hi       2 Si.,i. saddhammam
                        Tato have durataram vadanti
                   satanca dhammo asatanca raja"ti. 1-
                     Sabhiyattheragathavannana nitthita.
                          ------------



             The Pali Atthakatha in Roman Book 33 page 6-11. http://84000.org/tipitaka/atthapali/read_rm.php?B=33&A=127&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=127&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=325              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6214              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6334              The Pali Tipitaka in Roman Character :- http://84000.org/tipitaka/read/roman_read.php?B=26&A=6334              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]