|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
340. 6. Nadikassapattheragathavannana
atthaya vata metiadika ayasmato nadikassapattherassa gatha. Ka uppatti?
ayampi purimabuddhesu katadhikaro tattha tattha bhave vivattupanissayam kusalam
upacinanto padumuttarassa bhagavato kale kulagehe nibbattitva vinnutam patto
ekadivasam sattharam pindaya carantam disva pasannamanaso attana ropitassa ambarukkhassa
pathamuppannam manosilavannam ekam ambaphalam adasi. So tena punnakammena devamanussesu
samsaranto imasmim buddhuppade magadharatthe brahmanakule uruvelakassapassa bhata
hutva nibbatto vayappatto nissaranajjhasayataya gharavasam anicchanto tapasapabbajjam
pabbajitva tihi tapasasatehi saddhim neranjaraya nadiya tire assamam mapetva
viharati. Naditire vasanato 1- hissa kassapagottataya ca nadikassapoti samanna
ahosi. Tassa bhagava saparisassa ehibhikkhubhavena upasampadam adasi. Tam sabbam
khandhake 2- agatameva. So bhagavato adittapariyayadesanaya 3- arahatte patitthasi.
Tena vuttam apadane 4-:-
"padumuttarabuddhassa lokajetthassa tadino
pindaya vicarantassa dharato uttamam yasam.
Aggaphalam gahetvana vippasannena cetasa
dakkhineyyassa virassa adasim satthuno aham.
Tena kammena dvipadinda lokajettha narasabha
pattomhi acalam thanam hitva jayaparajayam.
Satasahassito kappe yam danamadadim tada
@Footnote: 1 Si.,i. vasato 2 vinaYu.maha. 4/37-54/32-45 uruvelapatihariyakatha
@3 vinaYu.maha. 4/54/44-5 uruvelapatihariyakatha, sam.sala. 18/31/23-25
@adittasutta (sya) 4 khu.apa. 33/30/54 jambuphaliyattherapadana (sya)
Duggatim nabhijanami aggadanassidam phalam.
Kilesa jhapita mayham .pe. Katam buddhassa sasanan"ti.
Arahatte pana patitthito aparabhage attano patipattim paccavekkhitva ditthi-
samugghatakittanamukhena annam byakaronto:-
[340] "atthaya vata me buddho nadim neranjaram aga
yassaham dhammam sutvana micchaditthim vivajjayim.
[341] Yajim uccavace yanne aggihuttam juhim aham
esa suddhiti mannanto andhabhuto puthujjano.
[342] Ditthigahanapakkhando paramasena mohito
asuddhim mannisam suddhim andhabhuto aviddasu.
[343] Micchaditthi pahina me bhava sabbe padalita 1-
juhami dakkhineyyaggim namassami tathagatam.
[344] Moha sabbe pahina me bhavatanha padalita
vikkhino jatisamsaro natthi dani punabbhavo"ti
ima panca gatha abhasi.
Tattha atthaya vata meti mayham atthaya vata hitaya vata. Buddhoti sabbannubuddho.
Nadim neranjaram agati neranjarasankhatam nadim aganchi, tassa nadiya tire ca
mama bhatu uruvelakassapassa assamam upagatoti adhippayo.
Idani yathavuttamattham vivaritum "yassahan"tiadi vuttam. Yassati yassa
buddhassa bhagavato. Dhammam sutvanati catusaccapatisamyuttam dhammam sutva, sotadvara-
nusarena upalabhitva. Micchaditthim vivajjayinti "yannadihi suddhi
hoti"tiadinayappavattam viparitadassanam pajahim.
@Footnote: 1 cha.Ma. vidalita
Micchaditthim vivajjayinti vuttamevattham vittharetva dassetum
"yajin"tiadimaha. Tattha yajim uccavace yanneti pakatayanne somayagavajapeyyadike 1-
nanavidhe yanne yajim. Aggihuttam juhim ahanti tesam yannanam yajanavasena ahutim
pagganhanto aggim paricarim. Esa suddhiti mannantoti esa yannakiriya
aggiparicariya suddhihetubhavato suddhi "evam me samsarasuddhi hoti"ti mannamano.
Andhabhuto puthujjanoti pannacakkhuvekallena avijjandhataya andhabhuto puthujjano
hutva. Vanagahanapabbatagahanadini viya duratikkamanatthena ditthiyeva gahanam ditthigahanam, tam
pakkhando anupavitthoti ditthigahanapakkhando. Paramasenati dhammasabhavam atikkamitva
"idameva saccan"ti paramasanato paramasasankhatena micchabhinivesena. Mohitoti mulhabhavam
papito. Asuddhim mannisam suddhinti asuddhim maggam "suddhim maggan"ti mannisam
mannim. Tattha karanamaha "andhabhuto aviddasu"ti. Yasma avijjaya andhabhuto, tatoeva
dhammadhammam yuttayuttanca avidva, tasma tatha manninti attho.
Micchaditthi pahina meti evambhutassa pana satthu sammukha catusaccagabbham
dhammakatham sutva yoniso patipajjantassa ariyamaggasammaditthiya sabbapi micchaditthi
samucchedappahanavasena mayham pahina. Bhavati kamabhavadayo sabbepi bhava ariyamaggasatthena
padalita viddhamsita. Juhami dakkhineyyagginti ahavaniyadike aggim chaddetva
sadevakassa lokassa aggadakkhineyyataya sabbassa ca papassa dahanato dakkhineyyaggim
sammasambuddham juhami paricarami, tayidam mayham dakkhineyyaggiparicaranam
dadhinavanitamathitasappiadinirapekkham satthu namassanamevati aha "namassami tathagatan"ti.
Athava juhami dakkhineyyagginti dayakanam dakkhinaya mahapphalabhavakaranena papassa ca
dahanena dakkhineyyaggibhutam attanam juhami paricarami tatha katva paricarami tatha
katva paricarami. 2- Pubbe aggidevam namassami, idani pana namassami tathagatanti.
@Footnote: 1 Ma. someyyajappeyyadike 2 cha.Ma. pariharami
Moha sabbe pahina meti dukkhe annanadibheda sabbe moha mayham
pahina samucchinna, tatoeva "bhavatanha padalita. Vikkhino jatisamsaro, natthi
dani punabbhavo"ti tisu padesu mesaddo anetva yojetabbo.
Nadikassapattheragathavannana nitthita.
------------
The Pali Atthakatha in Roman Book 33 page 58-61.
http://84000.org/tipitaka/atthapali/read_rm.php?B=33&A=1312&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=33&A=1312&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=26&i=340
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=6396
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=6516
The Pali Tipitaka in Roman Character :-
http://84000.org/tipitaka/read/roman_read.php?B=26&A=6516
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]