ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 33 : PALI ROMAN Thera.A.2 (paramatthadi.2)

                   353. 7. Katiyanattheragathavannana
      utthehitiadika ayasmato katiyanattherassa gatha. Ka uppatti?
      ayampi purimabuddhesu katadhikaro tattha tattha bhave punnani upacinitva
imasmim buddhuppade savatthiyam annatarassa kosiyagottassa brahmanassa putto
hutva nibbatto, matugottavasena pana katiyanoti laddhanamo vayappatto
samannakanittherassa gihisahayo theram disva pabbajito samanadhammam karonto rattim
"niddabhibhavam vinodessami"ti cankamam aruhi. So cankamanto niddaya abhibhuto
pacalayamano paripatitva tattheva anantarahitaya bhumiya nipajji, sattha tassa
tam pavattim disva sayam tattha gantva akase thatva "katiyana"ti sannam
adasi. So sattharam disva utthahitva vanditva samvegajato atthasi. Athassa
sattha dhammam desento:-
            [411] "utthehi nisida katiyana
                      ma niddabahulo ahu jagarassu
@Footnote: 1 cha.Ma. upanayato         2 cha.Ma. ayam patho na dissati
                  Ma tam alasam pamattabandhu
                  kuteneva jinatu maccuraja.
            [412] Seyyathapi mahasamuddavego
                  evam jatijarativattate tam
                  so karohi sudipamattano tvam
                  na hi tanam tava vijjatedha 1- annam.
            [413] Sattha hi vijesi maggametam
                  sanga jatijarabhaya atitam
                  pubbapararattamappamatto
                  anuyunjassu dalham karohi yogam.
            [414] Purimani pamunca bandhanani
                  sanghatikhuramundabhikkhabhoji
                  ma khiddaratinca ma niddam
                  anuyunjittha jhaya katiyana
            [415] Jhayahi jinahi katiyana
                  yogakkhemapathesu kovidosi
                  pappuyya anuttaram visuddhim
                  parinibbahisi varinava joti.
            [416] Pajjotakaro parittaramso
                  vatena vinamyate latava
                  evampi tuvam anadiyamano 2-
                  maram indasagotta niddhunahi.
@Footnote: 1 cha.Ma. vijjateva           2 cha.Ma. anadiyano
                   So vedayitasu vitarago
                   kalam kankha idheva sitibhuto"ti
ima gatha  abhasi.
      Tattha utthehiti niddupagamanato utthahanto utthanaviriyam karohi. Yasma
nipajja nama kosajjapakkhiya, tasma ma sayi. Nisidati pallankam abhujitva ujum
kayam panidhaya parimukham satim upatthapetva nisida. Katiyanati tam namena alapati. Ma
niddabahulo ahuti niddabahulo niddabhibhuto ma ahu. Jagarassuti jagara, jagariya-
manuyutto hohi. Ma tam alasanti jagariyam ananuyunjantam tam alasam kusitam pamattabandhu
maccuraja 1- kuteneva adduhanena viya nesado migam va pakkhim va jararogehi
ma jinatu ma abhibhavatu ma ajjhottharatuti attho.
      Seyyathapiti seyyatha api. Mahasamuddavegoti mahasamuddassa umivego. Evanti
yatha nama mahasamuddaumivego uparupari utthahanto tam abhikkamitum asakkontam 2-
purisam abhibhavati, evam jati jara ca kosajjabhibhutam tam ativattate uparupari
ajjhottharati. So karohiti so tvam katiyana catuhi oghehi anajjhottharaniyam
arahattaphalasankhatam sudipam attano karohi attano santane uppadehi. Na hi tanam tava
vijjatedha annanti hiti hetuatthe nipato, yasma tato aggaphalato annam tava
tanam nama idha va huram va na upalabbhati, tasma tam arahattasankhatam sudipam
karohiti.
      Sattha hi vijesi maggametanti yam sadhetum 3- avisahanta yato parajita puthu
annatitthiya, tadetam tassa sudipassa karanabhutam pancavidhasangato jatiadibhayato
ca atitam ariyamaggam devaputtamaradike abhibhavitva tuyham sattha vijesi sadhesi.
Yasma satthu santakam nama savakena adhigantabbam na vissajjetabbam, tasma tassa
@Footnote: 1 Si.,i. maro maccuraja   2 i. asakkonto   3 Ma. maggam sadhetum
Adhigamaya pubbarattapararattam purimayamam pacchimayamanca appamatto sato sampajano
hutva anuyunja yogam bhavanam dalham ca karohi.
      Purimani pamunca bandhananiti purimakani gihikale abaddhani gihibandhanani
kamagunabandhanani pamunca vissajjehi, tattha anapekkho hohi. Sanghatikhuramunda-
bhikkhabhojiti sanghatidhari khurena katasiramundo bhikkhaharabhoji, tividhampetam
purimabandhanapamokkhassa khiddaratiniddananuyogassa ca karanavacanam. Yasma tvam
sanghatiparuto mundo bhikkhaharo jivati, tasma te kamasukhanuyogo
khiddaratiniddanuyogo ca na yuttoti tato purimani pamunca bandhanani 1- khiddaratim
niddanca manuyunjitthati yojana. Jhayati jhayassu arammanupanijjhanam anuyunja.
      Tam pana anuyunjanto yena jhanena jhayato kilesa sabbaso jita honti,
tam lakkhanupanijjhanam anuyunjati dassento "jhayahi jinahi"ti aha. Yogakkhemapathesu
kovidositi catuhi yogehi khemassa nibbanassa pathabhutesu bodhipakkhiyadhammesu kusalo
cheko hohi, 2- tasma bhavanam ussukkapento anuttaram uttararahitam visuddhim
nibbanam arahattanca pappuyya papunitva pana 3- tvam parinibbahisi. Varinava
jotiti  mahata salilavutthinipatena aggikhandho viya ariyamaggavutthinipatena
parinibbayissati.
      Pajjotakaroti pajjotim karo padiPo. Parittaramsoti khuddakacciko. 4- Vinamyateti
vinamiyati apaniyyati. Latavati valli viya. Idam vuttam hoti:- yatha vattiadipaccaya-
vekallena parittaramso mandapabho 5- padipo appika lata va vatena vidhamiyyati
viddhamsiyyati, evam tuvampi. Kosiyagottataya indasagotta indasamanagotta. Maram
tassa vase anavattana anupadanato ca anadiyamano, niddhunahi vidhamehi viddhamsehi,
evam pana viddhamsamano so tvam vedayitasu sabbasu vedanasu vigatacchandarago
@Footnote: 1 Si.,i. panca bandhanani 2 cha.Ma. asi 3 i. appuyya papuneyyasi, papunanto pana,
@Ma. abbuyya papuneyyasi, papunanto pana  4 Si. kunthaggisikho, i. kuntharamsiko
@5 Si. hatappabho
Idheva imasmimyeva attabhave sabbakilesadarathaparilahabhavena sitibhuto nibbuto attano
parinibbanakalam kankha agamehiti. Evam satthara anupadisesam nibbanam papetva
desanaya kataya thero desanavasane vipassanam vaddhetva arahattam papuni. Arahattam
pana patva satthara desitaniyameneva ima gatha abhasi. Ta eva ima
gatha therassa annabyakarananca jata.
                   Katiyanattheragathavannana nitthita.
                         --------------



             The Pali Atthakatha in Roman Book 33 page 111-115. http://84000.org/tipitaka/atthapali/read_rm.php?B=33&A=2533&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=2533&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=353              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6579              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6714              The Pali Tipitaka in Roman Character :- http://84000.org/tipitaka/read/roman_read.php?B=26&A=6714              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ DhammaPerfect@yahoo.com