AtthaPali Vol.33

354. 8. Migajalattheragathavannana sudesitotiadika ayasmato migajalattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto imasmim buddhuppade savatthiyam visakhaya mahaupasikaya putto hutva nibbatti, migajalotissa namam ahosi. So viharam gantva abhinhaso dhammassavanena patiladdha- saddho pabbajitva vipassanam vaddhetva arahattam patva annam byakaronto:- [417] "sudesito cakkhumata buddhenadiccabandhuna sabbasamyojanatito sabbavattavinasano. [418] Niyyaniko uttarano tanhamulavisosano visamulam aghatanam chetva ^1- papeti nibbutim. [419] Annanamulabhedaya kammayantavighatano vinnananam pariggahe nanavajiranipatano. [420] Vedananam vinnapano upadanappamocano bhavam angarakasumva nanena anupassano. @Footnote: ¹ pali. bhetva [421] Maharaso sugambhiro jaramaccunivarano ariyo atthangiko maggo dukkhupasamano sivo. [422] Kammam kammanti natvana vipakanca vipakato paticcuppannadhammanam yathavalokadassano mahakhemangamo santo pariyosanabhaddako"ti ima gatha abhasi. Tattha sudesitoti sutthu desito, veneyyajjhasayanurupam ditthadhammikasamparayika- paramatthanam yathavato vibhavanavasena desitoti attho. Athava sudesitoti samma desito, pavattinivattinam tadubhayahetunanca aviparitato pakasanavasena bhasito svakhyatoti ^1- attho. Cakkhumatati mamsacakkhu dibbacakkhu pannacakkhu buddhacakkhu samantacakkhuti imehi pancahi cakkhuhi cakkhumata. Buddhenati sabbannubuddhena. Adiccabandhunati adiccagottena. Duvidho hi loke khattiyavamso adiccavamso somavamsoti. Tattha adiccavamso okkakarajavamsoti janitabbam, tato sanjatataya sakiya adiccagottati bhagava "adiccabandhu"ti vuccati. Athava adiccassa bandhutipi bhagava adiccabandhu, svayamattho hettha vuttoyeva. Kamaragasamyojanadinam sabbesam samyojananam samatikkamanabhavato sabbasamyojanatito tatoeva kilesakammavipakavattanam vinasanato viddhamsanato sabbavattavinasano samsaracarakato niyyanato niyyaniko samsara- mahoghato samuttaranatthena uttarano kamatanhadinam sabbatanhanam mulam avijjam ayoniso manasikaranca visoseti sukkhapetiti tanhamulavisosano tinnampi vedanam ^2- sampativedhassa ^3- viddhamsanato visassa dukkhassa karanatta visamulam sattanam byasanup- pattitthanataya aghatanam kammam kilesam va ^4- chetva samucchinditva nibbutim nibbanam papeti. @Footnote: ¹ svakkhato? ² Ma. vedananam ³ i.,Ma. asampativedhassa @⁴ Si.,i. kammakammakilesam Annanassa mulam ayoniso manasikaro asava ca, "asavasamudaya avijja- samudayo"ti ^1- hi vuttam, tassa bhedaya vajirupamananena bhindanatthaya. Athava "avijja- paccaya sankhara"tiadivacanato ^2- annanam mulam etassati annanamulam, bhavacakkam, tassa maggananavajirena padalanattham desitoti sambandho. Kammayantavighatanoti kamma- ghatitassa attabhavayantassa viddhamsano. Vinnananam pariggaheti kamabhavadisu yatha saka- kammuna vinnanaggahane ^3- upatthiteti vacanaseso. Tattha tattha hi bhave patisandhiya gahitaya tamtambhavanissitavinnananipi ^4- gahitaneva honti. Nanavajiranipatanoti nana- vajirassa nipato, nanavajiram nipatetva tesam padaleta. Lokuttaradhammo hi uppajjamano sattamabhavadisu uppajjanarahani vinnanani bhindattameva ^5- uppajjatiti. Vedananam vinnapanoti sukhadinam tissannam vedananam yathakkamam dukkhasallanicca- vasena yathavato pavedako. Upadanappamocanoti kamupadanadihi catuhipi upadanehi cittasantanassa vimocako. Bhavam angarakasumva, nanena anupassanoti kamabhavadi- navavidhampi bhavam ekadasahi aggihi adittabhavato sadhikaporisam angarakasum viya magga- nanena anupaccakkhato dasseta. Santapanitabhavato ^6- atittikaratthena maharaso parinnadivasena va mahakiccataya samannaphalavasena mahasampattitaya ca maharaso anupacitasambharehi duravagahataya alabbhaneyyapatitthataya ca sutthu gambhiro jaramaccunivarano ayatim bhavabhinipphatti ya nivattanena jaraya maccuno ca patisedhako. Idani yathavuttagunavisesayuttam dhammam sarupato dassento "ariyo atthangiko"ti vatva punapi tassa katipaye gune vibhavetum "dukkhupasamano sivo"ti adimaha. Tassattho:- parisuddhatthena ariyo sammaditthiadi- atthadhammasamodhanataya atthangiko nibbanagavesanatthena maggo sakalavattadukkhavupa- samanatthena dukkhavupasamano khematthena sivo. @Footnote: ¹ Ma.mu. 12/103/74 sammaditthisutta ² abhi.vibhanga. 35/225/161 @paticcasamuppadavibhanga sam.ni. 16/1/1 paticcasamuppadasutta @³ Si.,i. adanavinnanagahane ⁴ Si.,i. tamtambhavaniyatavinnanatthiti @⁵ i. bhindantameva, ⁶ Si. santapanitabhava, i. santapanitabhavo Yatha ito bahirakasamaye asammasambuddhapaveditatta kammavipako vipallaso siyati ^1- evam avipallasetva paticcuppannadhammanam paticcasamuppannesu dhammesu kammam kammanti vipakanca vipakato natvana pubbabhagananena jananahetu sassatucchedaggahanam vidhamanena yathavato alokadassano takkarassa lokuttarananalokassa dassano. Kenaci kanci kadacipi anupaddutatta mahakhemam nibbanam gacchati satte gameti cati mahakhemangamo. Sabbakilesadarathaparilahavupasamanato santo akuppaya cetovimuttiya anupadisesaya ca nibbanadhatuya papanena pariyosanabhaddako sudesito cakkhumatati yojana. Evam thero nananayehi ariyadhammam pasamsanto tassa dhammassa attana adhigatabhavam annapadesena pakasesi. Migajalattheragathavannana nitthita. --------------------

The Pali Atthakatha in Roman Book 33 page 115-118. http://84000.org/tipitaka/atthapali/read_rm.php?B=33&A=2625&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=2625&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=354 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6600 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6742 The Pali Tipitaka in Roman Character :- http://84000.org/tipitaka/read/roman_read.php?B=26&A=6742 Contents of The Tipitaka Volume 26 http://84000.org/tipitaka/read/?index_26