ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 33 : PALI ROMAN Thera.A.2 (paramatthadi.2)

                  360. 14. Sabbakamittheragathavannana
      dvipadakotiadika ayasmato sabbakamittherassa gatha. Ka uppatti?
      ayam kira padumuttarassa bhagavato sasane uppannam ubbudam sodhetva patipakatikam
thapentam ekam theram disva "ahampi anagate ekassa buddhassa sasane abbudam
sodhetva patipakatikam thapetum samattho bhaveyyan"ti patthanam patthapetva tadanurupani
punnani katva devamanussesu samsaranto imasmim buddhuppade aparinibbuteeva
bhagavati vesaliyam khattiyakule nibbattitva sabbakamoti laddhanamo vayappatto natakehi
darapariggaham karito nissaranajjhasayataya gharavasam jigucchanto dhammabhanda-
garikassa santike pabbajitva samanadhammam karonto upajjhayena saddhim vesalim
@Footnote: 1 khu.sutta. 25/580/450 sallasutta
Upagato natigharam agamasi. Tattha nam puranadutiyika pativiyogadukkhita kisa
dubbanna analankata kilitthavatthanivasana vanditva rodamana ekamantam atthasi,
tam disva therassa karunapurassaram mettam upatthapayato anubhutarammane ayonisomanasi
karavasena sahasa kileso uppajji.
      So tena kasahi talito ajaniyo viya sanjatasamvego tavadeva susanam
gantva asubhanimittam uggahetva tattha patiladdhajhanam padakam katva vipassanam
vaddhetva arahattam papuni. Athassa sasuro alankatapatiyattam dhitaram adaya mahata
parivarena nam uppabbajetukamo viharam agamasi. Thero tassa adhippayam natva
attano kamesu virattabhavam sabbattha ca anupalittatam pakasento:-
         [453] "dvipadakoyam asuci     duggandho parihirati
               nanakunapaparipuro      vissavanto tato tato.
         [454] Migam nilinam kutena       baliseneva ambujam
               vanaram viya lepena     badhayanti puthujjanam
         [455] Rupa sadda rasa gandha photthabba ca manorama
               panca kamaguna ete   itthirupasmi dissare.
         [456] Ye eta upasevanti   rattacitta puthujjana
               vaddhenti katasim ghoram    acinanti punabbhavam.
         [457] Yo ceta parivajjeti   sappasseva pada siro
               somam visattikam loke    sato samativattati.
         [458] Kamesvadinavam disva   nekkhammam datthu khemato
               nissato sabbakamehi    patto me asavakkhayo"ti
ima gatha abhasi.
      Tattha dvipadakoti yadipi apadakadayopi kaya asuciyeva, adhikaravasena pana
Ukkatathaparicchedena va evam vuttam. Yasma va anne asucibhutapi kaya
lonambiladihi abhisankharitva manussanam bhojanepi upaniyanti, na pana manussakayo.
Tasma asucitarasabhavamassa dassento "dvipadako"ti aha. Ayanti tada upatthitam
itthirupam sandhayaha. Asuciti asucieva, na ettha kincipi suciti attho. Dug-
gandho parihiratiti duggandho samano  pupphagandhadihi sankharitva parihariyati. Nana-
kunapaparipuroti kesadianekappakarakunapabharito. Vissavanto tato tatoti pupphagandha-
dihissa jegucchabhavam paticchadetum vayamantanampi tam vayamam nipphalam katva navahi
dvarehi khelasinghanikadini lomakupehi ca sedajallikam vissavantoyeva parihiratiti
sambandho.
      Evam jegucchopi samano cayam kayo kutadihi viya migadike attano rupadihi
andhaputhujjane vancetiyevati dassento "migan"tiadimaha. Tattha migam nilinam
kutenati pasavakaradina 1- kutena nilinam paticchannam katva migam viya nesado.
Vakkhamano hi ivasaddo idhapi anetva yojetabbo. Baliseneva ambujanti ambujam
maccham amisabaddhena balisena viya balisiko. Vanaram viya  lepenati rukkhasiladisu
pakkhittena makukatalepena makkatam viya migaluddho andhaputhujjanam vancento badhentiti.
      Ke pana badhentiti aha "rupa sadda"tiadi. Rupadayo hi panca kama-
kotthasa visesato visabhagavatthusannissaya vipallasupanissayena ayonisomanasika
rena parikkhittanam andhaputhujjananam mano ramento kilesavatthutaya anatthavahabhavato
te badhenti nama. Tena vuttam "rupa sadda .pe. Itthirupasmi dissare"ti.
      Itthiggahanam cettha adhikaravasena katanti veditabbam. Tenevaha "ye eta
upasevanti"tiadi. Tassattho:- ye puthujjana eta itthiyo rattacitta ragabhibhuta-
citta upabhogavatthusannaya upasevanti. Vaddhenti katasim ghoranti te jatiadihi
nirayadihi ca ghoram bhayanakam andhabalehi abhiramitabbato katasisankhatam samsaram punappunam
@Footnote: 1 Si. jalavakaradina, Ma. pasavakuradina
Uppattimaranadina vaddhenti. Tenaha "acinanti punabbhavan"ti.
      Yo cetati yo pana puggalo eta itthiyo tattha chandaragassa vikkhambhanena
va samucchindanena va attano padena sappassa siram viya parivajjeti, so sabbam
lokam visajitva thitatta loke visattikasankhatam tanham sato hutva samativattati.
      Kamesvadinavam disvati "atthikankalupama kama bahudukkha bahupayasa"ti-
adina 1- vatthukamesu kilesakamesu anekakaravokaram adinavam dosam disva.
Nekkhammam datthu khematoti kamehi bhavehi ca nikkhantabhavato nekkhammam pabbajjam
nibbananca khemato anupaddavato datthu disva. Sabbakamehipi tebhumikadhammehi nissato
visamyutto. Sabbepi tebhumika dhamma kamaniyatthena kama, tehi ca thero visamyutto.
Tenaha "patto me asavakkhayo"ti.
      Evam thero adito pancahi gathahi dhammam kathetva chatthagathaya annam
byakasi. Tam sutva sasuro "ayam sabbattha anupalitto, na sakka imam kamesu
pataretun"ti yathagatamaggeneva gato. Theropi vassasataparinibbute bhagavati upasampadaya
visavassasatiko pathabya thero hutva vesalikehi vajjiputtehi uppaditam sasanassa
abbudam sodhetva dutiyam dhammasangitim sangayitva "anagate dhammasokakale
uppajjanakam abbudam sodhehi"ti tissamahabrahmanam anapetva anupadisesaya
nibbanadhatuya parinibbayi.
                   Sabbakamittheragathavannana nitthita.
                   Paramatthadipaniya theragathasamvannanaya
                   chakkanipatassa atthavannana nitthita.
@Footnote: 1 vinaYu.maha. 2/417/306 pacittiyakanda, vinaYu.cula. 6/65/83 kammakkhandhaka,
@Ma.mu. 12/234/196 alagaddupamasutta



             The Pali Atthakatha in Roman Book 33 page 133-136. http://84000.org/tipitaka/atthapali/read_rm.php?B=33&A=3051&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=3051&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=360              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6685              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6826              The Pali Tipitaka in Roman Character :- http://84000.org/tipitaka/read/roman_read.php?B=26&A=6826              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]