|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
363. 3. Bhaddattheragathavannana ekaputtotiadika ayasmato bhaddattherassa gatha. Ka uppatti? ayam kira padumuttaram bhagavantam bhikkhusamghanca satasahassaparimanam civaradihi catuhi paccayehi pujesi. So tena punnakammena devamanussesu samsaranto imasmim buddhuppade savatthiyam setthikule nibbatti, nibbattamano ca 1- aputtakesu matapitusu devatayacanadini katvapi alabhantesu sattharam upasankamitva "sace bhante mayam ekam puttam lacchama, tam tumhakam dasatthaya dassama"ti vatva ayacitva gatesu satthu adhippayam natva annataro devaputto khinayuko hutva thito sakkena devaranna "amukasmim kule nibbattahi"ti anatto tattha nibbatti, bhaddotissa namam akamsu. Tam sattavassuddesikam jatam matapitaro alankaritva bhagavato santikam netva "ayam so bhante tumhe ayacitva laddhadarako, imam tumhakam niyyatema"ti 2- ahamsu. Sattha anandattheram anapesi "imam pabbajehi"ti. Anapetva ca gandhakutim pavisi. Thero tam pabbajetva sankhepena vipassanamukham acikkhi, so upanissayasampannatta vipassanaya kammam karonto suriye anoggateyeva bhavanam ussukkapetva chalabhinno ahosi. Tena vuttam apadane 3-:- "padumuttarasambuddham mettacittam mahamunim upeti janata sabba sabbalokagganayakam. Sattukanca baddhakanca 4- amisam panabhojanam dadanti satthuno sabbe punnakkhette anuttare. Ahampi danam dassami devadevassa tadino buddhasettham nimantetva samghampi ca anuttaram. @Footnote: 1 Si.,i. nibbattamanova 2 potthakesu niyyademati patho dissati @3 khu.apa. 32/54137 bhaddiyakaligodhayaputtattherapadana 4 pali. pavakanca--------------------------------------------------------------------------------------------- page148.
Uyyojita maya cete nimantesum tathagatam kevalam bhikkhusamghanca punnakkhettam anuttaram. Satasahassapallankam sovannam gonakatthatam tulikapatalikaya khomakappasikehi ca maharaham pannapayim asanam buddhayuttakam. Padumuttaro lokavidu devadevo narasabho bhikkhusamghaparibyulho mama dvaramupagami. Paccuggantvana sambuddham lokanatham yasassinam pasannacitto sumano atinamayi sagharam 1- bhikkhunam satasahassam buddhanca lokanayakam pasannacitto sumano paramannena tappayim. Padumuttaro lokavidu ahutinam patiggaho bhikkhusamghe nisiditva ima gatha abhasatha. Yenidam asanam dinnam sovannam gonakatthatam tamaham kittayissami sunatha mama bhasato. Catusattatikkhattum so devarajjam karissati anubhossati sampattim accharahi purakkhato. Padesarajjam sahassam vasudham avasissati ekapannasakkhattunca cakkavatti bhavissati. Sabbasu bhavayonisu uccakuli bhavissati so ca paccha pabbajitva sukkamulena codito. Bhaddiyo nama namena hessati satthu savako vivekamanuyuttomhi pantasenanivasaham phalancadhigatam 2- sabbam cattaklesomhi ajjaham. @Footnote: 1 cha.Ma. abhinamayim samgharam 2 pali. phalam vadhigatam--------------------------------------------------------------------------------------------- page149.
Mama sabbam abhinnaya sabbannu lokanayako bhikkhusamghe nisiditva etadagge thapesi mam. Patisambhida catasso vimokkhapi ca atthime chalabhinna sacchikata katam buddhassa sasanan"ti. Tassa bhagava chalabhinnuppattim natva "ehi bhadda"ti aha. So tavadeva sattharam upasankamitva vanditva panjaliko satthu samipe atthasi, saeva cassa upasampada ahosi, buddhupasampada nama kiresa. Thero jatito patthaya attano pavattiya kathanamukhena annam byakaronto:- [473] "ekaputto aham asim piyo matu piyo pitu bahuhi vatacariyahi 1- laddho ayacanahi ca. [474] Te ca mam anukampaya atthakama hitesino ubho pita ca mata ca buddhassa upanamayum. [475] Kiccha laddho ayam putto sukhumalo sukhedhito imam dadama te natha jinassa paricarakam. [476] Sattha ca mam patiggayha anandam etadabravi pabbajehi imam khippam hessatyajaniyo ayam. [477] Pabbajetvana mam sattha viharam pavisi jino anoggatasmim suriyasmim tato cittam vimucci me. [478] Tato sattha nirankatva 2- patisallanavutthito ehi bhaddati mam aha sa me asupasampada. [479] Jatiya sattavassena laddha me upasampada tisso vijja anuppatta aho dhammasudhammata"ti ima gatha abhasi. @Footnote: 1 Si. vatacariyehi 2 cha.Ma. nirakatva--------------------------------------------------------------------------------------------- page150.
Tattha vatacariyahiti "evam katva puttam labhissatha"ti vuttam samanabrahmananam vacanam sutva khiram payitva anasanadivatacaranehi. Ayacanahiti devatayacanahi satthuayacanaya ca, idameva cettha karanam, itaram thero matapitunam patipatti- dassanatthanceva kicchaladdhabhavadassanatthanca vadati. Teti matapitaro. Upanamayunti upanamesum. Sukhedhitoti sukhasamvaddhito. Teti tuyham. Paricarakanti kim karam. Hessatyajaniyo ayanti ayam darako mama sasane ajaniyo bhavissati. Tasma khippam ajjeva pabbajehiti etam abravi aha. Pabbajetvanati anandattherena pabbajetva. Viharanti gandhakutim. Anoggatasmim suriyasminti suriye anatthangateyeva. Tato cittam vimucci meti tato vipassanarambhato param na cireneva khanena sabbasavehi me cittam vimucci, khinasavo ahosim. Tatoti mama asavakkhayato paccha. Nirankatvati attana samapannam phalasamapattim appetva tato vutthaya. Tenaha "patisallanavutthito"ti. Sa me asupasampada"ti ya mam 1- uddissa "ehi bhadda"ti satthu vaca pavatta, saeva me mayham upasampada asi. Evam jatiya sattavassena, laddha me upasampadati satisayam satthara attano katam anuggaham sasanassa ca niyyanikatam dasseti. Tenaha "aho dhammasudhammata"ti. Ettha ca "cittam vimucci me"ti khinasavabhavam pakasetvapi puna "tisso @Footnote: 1 i. sa mam--------------------------------------------------------------------------------------------- page151.
Vijja anuppatta"ti lokiyabhinnekadesadassanam chalabhinnabhavavibhavanattham. Tenaha apadane "../../bdpicture/chalabhinna sacchikata"ti. Bhaddattheragathavannana nitthita. ------------------The Pali Atthakatha in Roman Book 33 page 147-151. http://84000.org/tipitaka/atthapali/read_rm.php?B=33&A=3365&modeTY=2&pagebreak=1 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=3365&modeTY=2&pagebreak=1 อ่านอรรถกถาแปลไทย :- http://84000.org/tipitaka/attha/attha.php?b=26&i=363 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6744 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6882 The Pali Tipitaka in Roman Character :- http://84000.org/tipitaka/read/roman_read.php?B=26&A=6882 Contents of The Tipitaka Volume 26 http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]