ขอนอบน้อมแด่
พระผู้มีพระภาคอรหันตสัมมาสัมพุทธเจ้า
                      พระองค์นั้น
บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ
first pageprevious pagedispage pageNumbernext pagelast page chage to ROMAN letter  
Atthakatha Book 33 : PALI ROMAN Thera.A.2 (paramatthadi.2)

                    329. 7. Sambhutattheragathavannana
         yo dandhakaletiadika ayasmato sambhutattherassa gatha. Ka uppatti?
         ayampi purimabuddhesu katadhikaro tattha tattha bhave punnani karonto
@Footnote: 1 Si. sanditam bandhitam
Buddhasunne loke candabhagaya nadiya tire kinnarayoniyam nibbatto ekadivasam
annataram paccekabuddham disva pasannamanaso vanditva katanjali ajjunapupphehi
pujam akasi. So tena punnakammena devamanussesu samsaranto imasmim buddhuppade
kulagehe nibbattitva sambhutoti laddhanamo vayappatto bhagavato parinibbanassa
paccha dhammabhandagarikassa santike dhammam sutva patiladdhasaddho pabbajitva
samanadhammam karonto vipassanam vaddhetva arahattam papuni. Tena vuttam apadane 1-:-
         "candabhaganaditire        ahosim kinnaro tada
          addasam virajam buddham        sayambhum aparajitam.
          Pasannacitto sumano       vedajato katanjali
          gahetva ajjunam puppham     sayambhum abhipujayim.
          Tena kammena sukatena     cetanapanidhihi ca
          jahitva kinnaram deham      tavatimsamagacchaham.
          Chattimsakkhattum devindo     devarajjamakarayim
          dasakkhattum cakkavatti       maharajjamakarayim.
          Padesarajjam vipulam         gananato asankhiyam
          sukhette  vappitam bijam     sayambhusmim ahosi me. 2-
          Kusalam vijjate mayham       pabbajim anagariyam
          pujaraho aham ajja       sakyaputtassa sasane.
          Kilesa jhapita mayham .pe. Katam buddhassa sasanan"ti.
    Arahattam pana patva vimuttisukhena viharanto vassasataparinibbute bhagavati vesalikesu
vajjiputtakesu dasa vatthuni paggayha thitesu kakandakaputtena yasattherena ussahitehi
sattasatehi khinasavehi tam ditthim bhinditva saddhammam pagganhantehi dhammavinayasangahe
@Footnote: 1 khu.apa. 33/106/156 ajjunapupphiyattherapadana (sya)  2 cha.Ma. sayambhumhi aho mama
Kate tesam vajjiputtakanam uddhammaubbinayadipane dhammasamvegena thero:-
         [291] "yo dandhakale tarati     taraniye ca dandhaye
               ayonisosamvidhanena 1-    balo dukkham nigacchati.
         [292] Tassattha parihayanti      kalapakkheva candima
               ayasakyanca 2- pappoti   mittehi ca virujnati.
         [293] Yo dandhakale dandheti    taraniye ca taraye
               yonisosamvidhanena        sukham pappoti pandito.
         [294] Tassattha paripurenti      sukkapakkheva candima
               yaso kittinca pappoti     mittehi na virujjhati"ti
ima gatha bhananto annam byakasi.
         Tattha yo dandhakale taratiti kisminci kattabbavatthusmim "kappati nu kho,
na nu kho kappati"ti vinayakukkucce uppanne yava viyattam vinayadharam pucchitva
tam kukkuccam na vinodeti, tava dandhakale tassa kiccassa dandhayitabbasamaye tarati
madditva vitikkamam karoti. Taraniye ca dandhayeti gahatthassa tava saranagamanasila-
samadanadike, pabbajitassa vattapativattakaranadike samathavipassananuyoge ca taritabbe
sampatte sigham tam kiccam ananuyunjitva "agamanamase pakkhe va karissami"ti
dandhayeyya, tam kiccam akarontova kalam vitinameyya. Ayonisosamvidhanenati evam
dandhayitabbe taranto taritabbe ca dandhayanto anupayasamvidhanena upayasamvidhana-
bhavena balo mandabuddhiko puggalo sampati ayatim ca dukkham anattham papunati.
         Tassattha parihayantiti tassa tatharupassa puggalassa ditthadhammikadibheda
attha kalapakkhe candima viya parihayanti divase divase parikkhayam pariyadanam gacchanti.
"asuko puggalo assaddho appasanno kusito hinaviriyo"tiadina ayasakyam vinnuhi
@Footnote: 1 cha.Ma. ayonisamvidhanena    2 Si. ayasasyanca
Garahitabbatam pappoti papunati. Mittehi ca virujjhatiti "evam patipajja, ma
evam patipajja"ti ovadadayakehi kalyanamittehi "avacaniya mayan"ti ovadassa
anadaneneva 1- viruddho nama hoti.
         Sesagathadvayassa vuttavipariyayena attho veditabbo. Keci panettha "tarati
dandhaye"ti padanam attabhavena bhavanacittassa 2- paggahaniggahe uddharanti, tam pacchima-
gathasu yujjati. Purima hi dve gatha pabbajitakalato patthaya caritabbam samanadhammam
akatva kukkuccapakatataya dasa vatthuni dipetva samghena nikkaddhite vajjiputtake
sandhaya therena vutta, pacchima pana attasadise samma patipanne sakattham
nipphadetva thiteti.
                    Sambhutattheragathavannana nitthita.
                       -------------------



             The Pali Atthakatha in Roman Book 33 page 20-23. http://84000.org/tipitaka/atthapali/read_rm.php?B=33&A=452&modeTY=2              อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=452&modeTY=2              อ่านอรรถกถาแปลไทย :- http://84000.org/tipitaka/attha/attha.php?b=26&i=329              เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6260              พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6371              The Pali Tipitaka in Roman Character :- http://84000.org/tipitaka/read/roman_read.php?B=26&A=6371              Contents of The Tipitaka Volume 26 http://84000.org/tipitaka/read/?index_26

first pageprevious pagedispage pageNumbernext pagelast page chage to ROMAN letter

บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]