AtthaPali Vol.33

331. 9. Candanattheragathavannana jatarupenatiadika ayasmato candanattherassa gatha. Ka uppatti? ayampi purimabuddhesu katadhikaro tattha tattha bhave punnani upacinanto ito ekatimse kappe buddhasunne loke rukkhadevata hutva nibbatto sudassanam nama paccekabuddham pabbatantare vasantam disva pasannamanaso kutajapupphehi pujam akasi. So tena punnakammena devamanussesu samsaranto imasmim buddhuppade savatthiyam vibhavasampanne kule nibbattitva candanoti laddhanamo vayappatto gharavasam vasanto satthu santike dhammam sutva sotapanno ahosi. So ekam puttam labhitva gharavasam pahaya pabbajitva vipassanaya kammatthanam gahetva aranne viharanto sattharam Vanditum savatthim agato susane vasati, tassa agatabhavam sutva puranadutiyika alankatapatiyatta darakam adaya mahata parivarena therassa santikam gacchati "itthi- kuttadihi nam palobhetva uppabbajessami"ti. Thero tam agacchantim duratova disva "idanissa avisayo bhavissami"ti yatharaddham vipassanam ussukkapetva chalabhinno ahosi. Tena vuttam apadane 1-:- "himavantassavidure accalo ^2- nama pabbato buddho sudassano nama vasate pabbatantare. Puppham hemavantam gayha vehasam agamasaham tatthaddasasim sambuddham oghatinnamanasavam. Puppham kutajamadaya sire katvana anjalim ^3- buddhassa abhiropesim sayambhussa mahesino. Ekatimse ito kappe yam pupphamabhipujayim duggatim nabhijanami buddhapujayidam phalam. Kilesa jhapita mayham .pe. Katam buddhassa sasanan"ti. Chalabhinno pana hutva akase thatva tassa dhammam desetva saranesu ca silesu ca patitthapetva sayam attana pubbe vasitatthanameva gato. Sahayabhikkhuhi "vippasannani kho te avuso indriyani, kacci taya saccani patividdhani"ti puttho:- [299] "jatarupena sanchanna dasiganapurakkhata ankena puttamadaya bhariya mam upagami. [300] Tanca disvana ayantim sakaputtassa mataram alankatam suvasanam maccupasamva odditam. @Footnote: ¹ khu.apa. 33/107/157 kutajapupphiyattherapadana (sya) ² cha.Ma. vasalo @³ pali. katvanahantada [301] Tato me manasikaro yoniso udapajjatha adinavo paturahu nibbida samatitthatha. [302] Tato cittam vimucci me passa dhammasudhammatam tisso vijja anuppatta katam buddhassa sasanan"ti imahi gathahi attano patipattim kathento annam byakasi. Tattha jatarupena sanchannati jatarupamayena sisupagadialankarena alankarana- vasena paticchaditasarira, sabbabharanabhusitati attho. Dasiganapurakkhatati yatharaham alankatapatiyattena attano dasiganena purato kata parivaritati ^1- attho. Ankena puttamadayati "api nama puttampi disva gehassitasato ^2- bhaveyya"ti puttam attano ankena gahetva. Ayantinti agacchantim. Sakaputtassa mataranti mama orasaputtassa jananim, mayham puranadutiyikanti attho. Sabbamidam thero attano kamaragasamucchedam bahumannanto vadati. Yoniso udapajjathati "evarupapi nama sampatti jarabyadhi- maranehi abhibhuyyati, aho sankhara anicca adhuva anassasika"ti evam yoniso- manasikaro uppajji. Sesam hettha vuttanayameva. Candanattheragathavannana nitthita. -----------------------

The Pali Atthakatha in Roman Book 33 page 27-29. http://84000.org/tipitaka/atthapali/read_rm.php?B=33&A=608&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=608&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=331 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6281 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6390 The Pali Tipitaka in Roman Character :- http://84000.org/tipitaka/read/roman_read.php?B=26&A=6390 Contents of The Tipitaka Volume 26 http://84000.org/tipitaka/read/?index_26