AtthaPali Vol.33

324. 2. Bhaguttheragathavannana aham middhenatiadika ayasmato bhaguttherassa gatha. Ka uppatti? ayam kira padumuttarassa bhagavato kale kulagehe nibbattitva vinnutam patto satthari parinibbute tassa dhatuyo pupphehi pujesi. So tena punnakammena nimmanaratisu nibbattitva aparaparam devamanussesu samsaranto imasmim buddhuppade sakyarajakule nibbattitva bhaguti laddhanamo vayappatto anuruddhakimbilehi ^5- saddhim nikkhamitva pabbajitva balakalonakagame vasanto ekadivasam thinamiddhabhibhavam vinodetum viharato nikkhamma cankamam abhiruhanto papatitva tadeva ankusam katva thinamiddham vinodetva vipassanam vaddhetva arahattam papuni. Tena vuttam apadane 6-:- @Footnote: ¹ Si.khanabhanguratanca, i. pabhanguratanca ² Si.,i. me tam @³ i. muccitukamyatananam ⁴ Si.,i. phalappattim ⁵ cha.Ma....kimilehi @⁶ khu.apa. 33/48/73 jatipupphiyattherapadana (sya) "parinibbute bhagavati padumuttare mahayase pupphacankotake gahetva ^1- sariramabhiropayim. Tattha cittam pasadetva nimmanam agamasaham devalokam gato santo punnakammam saramaham. Ambara pupphavasso me sabbakalam pavassati samsarami manusse ce raja homi mahayaso. Tahim kusumavasso me abhivassati sabbada tasseva pupphapujaya vahasa sabbadassino. Ayam pacchimako mayham carimo vattate bhavo ajjapi pupphavasso me abhivassati sabbada. Satasahassito kappe yam pupphamabhiropayim duggatim nabhijanami dehapujayidam phalam. Kilesa jhapita mayham .pe. Katam buddhassa sasanan"ti. Arahattam pana patva phalasukhena nibbanasukhena ca vitinamento satthara ekaviharam anumoditum upagatena "kacci tvam bhikkhu appamatto viharasi"ti puttho attano appamadaviharam nivedento:- [271] "aham middhena pakato vihara upanikkhamim cankamam abhiruhanto tattheva papatim chama. [272] Gattani parimajjitva punaparuyha cankamam cankame cankamim soham ajnattam susamahito. [273] Tato me manasikaro yoniso udapajjatha adinavo paturahu nibbida samatitthatha. @Footnote: ¹ cha.Ma. pupphavatamsake katva [274] Tato cittam vimucci me passa dhammasudhammatam tisso vijja anuppatta katam buddhassa sasanan"ti ima catasso gatha abhasi. Tattha middhena pakatoti kayalasiyasankhatena asattivighatasabhavena middhena abhibhuto. Viharati senasanato. Upanikkhaminti cankamitum nikkhamim. Tattheva papatim chamati tattheva cankamasopane niddabhibhutataya bhumiyam nipatim. ^1- Gattani parimajjitvati bhumiyam patanena pamsukitani attano sariravayavani anumajjitva. Punaparuyha cankamanti "patito danahan"ti sankocam anapajjitva punapi cankamatthanam aruhitva. Ajjhattam susamahitoti gocarajjhatte kammatthane nivaranavikkhambhanena sutthu samahito ekagga- citto hutva cankaminti yojana. Sesam vuttanayameva. Idameva ca therassa annabyakaranam ahosi. Bhaguttheragathavannana nitthita. -----------

The Pali Atthakatha in Roman Book 33 page 4-6. http://84000.org/tipitaka/atthapali/read_rm.php?B=33&A=79&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=33&A=79&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=324 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=6203 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=6325 The Pali Tipitaka in Roman Character :- http://84000.org/tipitaka/read/roman_read.php?B=26&A=6325 Contents of The Tipitaka Volume 26 http://84000.org/tipitaka/read/?index_26