AtthaPali Vol.34

433. 4. Dantikatherigathavannana divavihara nikkhammatiadika dantikaya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinanti buddhasunnatakale candabhagaya nadiya tire kinnarayoniyam nibbatti. Sa ekadivasam kinnarehi saddhim kilanti vicaramana addasa annataram paccekabuddham annatarasmim rukkhamule divaviharam nisinnam, disvana pasannamanasa upasankamitva salapupphehi pujam katva vanditva pakkami. Sa tena punnakammena devamanussesu samsaranti imasmim buddhuppade savatthiyam kosalaranno purohitabrahmanassa gehe Nibbattitva vinnutam patva jetavanapatiggahane patiladdhasaddha upasika hutva paccha mahapajapatigotamiya santike pabbajitva rajagahe vasamana ekadivasam pacchabhattam gijjhakutam abhiruhitva divaviharam nisinna hattharohakassa abhiruhanatthaya padam pasarentam hatthim disva tadeva arammanam katva vipassanam vaddhetva saha patisambhidahi arahattam papuni. Tena vuttam apadane 1-:- "candabhaganaditire ahosim kinnari tada addasam virajam buddham sayambhum aparajitam. Pasannacitta sumana vedajata katanjali salamalam ^2- gahetvana sayambhum abhipujayim. Tena kammena sukatena cetanapanidhihi ca jahitva kinnarideham tavatimsamagacchaham. Chattimsadevarajunam mahesittamakarayim manasa patthitam mayham nibbattati yathicchitam. Dasannam cakkavattinam mahesittamakarayim ocitattava hutvana samsarami bhavesuham. Kusalam vijjate mayham pabbajim anagariyam pujaraha aham ajja sakyaputtassa sasane. Visuddhamanasa ajja apetamanapapika sabbasavaparikkhina natthi dani punabbhavo. @Footnote: ¹ khu.apa. 33/86/308 ² cha. nalamalam Catunnavutito kappe yam buddhamabhipujayim duggatim nabhijanami salamalayidam phalam. Kilesa jhapita mayham .pe. Katam buddhassa sasanan"ti. Arahattam pana patva attano patipattim paccavekkhitva pitisomanassajata udanavasena:- [48] "divavihara nikkhamma gijjhakutamhi pabbate nagam ogahamuttinnam naditiramhi addasam. [49] Puriso ankusamadaya `dehi padan'ti yacati nago pasarayi padam puriso nagamaruhi. [50] Disva adantam damitam manussanam vasam gatam tato cittam samadhesim khalu taya vanam gata"ti ima gatha abhasi. Tattha nagam ogahamuttinnanti hatthinagam nadiyam ogaham katva ogayha tato uttinnam. "ogayha uttinnan"ti ^1- va patho. Makaro padasandhikaro. Naditiramhi addasanti candabhagaya ^2- nadiya tire apassim. Kim karontanti ^3- cetam dassetum vuttam "puriso"tiadi. Tattha `dehi padan'ti yacatiti "padam dehi "iti pitthiarohanattham padam pasaretum sannam deti, yathaparicitam hi sannam dento idha yacatiti vutto. Disva adantam damitanti pakatiya pubbe adantam idani hatthacariyena hatthi- sikkhaya damitadamatham upagamitam, kidisam damitam? manussanam vasam gatam yam yam manussa @Footnote: ¹ cha.Ma. muttinnanti ² Si. sappinikaya ³ Ma.,i. kim karontiti Anapenti, tam tam disvati yojana. Tato cittam samadhesim, khalu taya vanam gatati khaluti avadharanatthe nipato. Tato hatthidassanato paccha taya hatthino kiriyaya hetubhutaya vanam arannam gata cittam samadhesimyeva. Katham? "ayampi nama tiracchanagato hatthi hatthidamakassa vasena damatham gato, kasma manussabhutaya cittam purisadamakassa satthu vasena damatham na gamissati"ti samvegajata vipassanam vaddhetva aggamaggasamadhina mama cittam samadhesim accantasamadhanena sabbaso kilese khepesinti attho. Dantikatherigathavannana nitthita. ------------------

The Pali Atthakatha in Roman Book 34 page 64-67. http://84000.org/tipitaka/atthapali/read_rm.php?B=34&A=1370&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=1370&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=433 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9071 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9128 The Pali Tipitaka in Roman Character :- http://84000.org/tipitaka/read/roman_read.php?B=26&A=9128 Contents of The Tipitaka Volume 26 http://84000.org/tipitaka/read/?index_26