|
| บทนำ พระวินัยปิฎก พระสุตตันตปิฎก พระอภิธรรมปิฎก ค้นพระไตรปิฎก ชาดก หนังสือธรรมะ |
437. 8. Somatherigathavannana
yantam isihi pattabbantiadika somaya theriya gatha.
Ayampi purimabuddhesu katadhikara tattha tattha bhave vivattupanissayam kusalam
upacinanti sikhissa bhagavato kale khattiyamahasalakule nibbattitva vinnutam patva
arunaranno 3- aggamahesi ahositi sabbam atitavatthu abhayattheriya vatthusadisam.
@Footnote: 1 Si. nisitapitasattisula viya 2 Si. aratijatikatta 3 Si. arunavato ranno
Paccuppannavatthu pana ayam theri tattha tattha devamanussesu samsaranti imasmim
buddhuppade rajagahe bimbisarassa ranno purohitassa dhita hutva nibbatti, tassa
somati namam ahosi. Sa vinnutam patta satthu rajagahapavesane patiladdhasaddha upasika
hutva aparabhage sanjatasamvega bhikkhunisu pabbajitva katapubbakicca vipassanaya
kammam karonti nacirasseva saha patisambhidahi arahattam papuni. Tena vuttam
apadane 1-:-
"nagare arunavatiya aruno nama khattiyo
tassa ranno aham bhariya nagulam padayamaham 2-
yavata .pe. katam buddhassa sasanan"ti.
Sabbam abhayattheriya apadanasadisam.
Arahattam pana patva vimuttisukhena savatthiyam viharanti ekadivasam divaviharatthaya
andhavanam pavisitva annatarasmim rukkhamule nisidi. Atha nam maro vivekato vicchedetu-
kamo 3- adissamanarupo upagantva akase thatva:-
[60] "yantam isihi pattabbam thanam durabhisambhavam
na tam dvangulapannaya sakka pappotumitthiya"ti
imam gathamaha.
Tassattho:- silakkhandhadinam esanatthena "isi"ti laddhanamehi buddhadihi maha-
pannehi pattabbam, tam annehi pana durabhisambhavam dunnipphadaniyam. Yam tam arahatta-
sankhatam paramassasatthanam, na tam dvangulapannaya nihinapannaya itthiya papunitum
sakka. Itthiyo hi sattatthavassakalato patthaya sabbakalam odanam paccantiyo
@Footnote: 1 khu.apa. 33/71/291 2 Si. carikam carayamaham, cha.Ma. varitam varayamaham, i. na malam
@padayamaham 3 Ma. vicchinditukamo
Pakkutthite 1- udake tandule pakkhipitva "ettavata odanam pakkan"ti na jananti,
pakkutthiyamane pana tandule dabbiya uddharitva dvihi angulehi piletva
jananti, tasma dvangulapannayati vutta.
Tam sutva theri maram apasadenti:-
[61] "itthibhavo no kim kayira 2- cittamhi susamahite
nanamhi vattamanamhi samma dhammam vipassato.
[62] Sabbattha vihata nandi tamokkhandho padalito
evam janahi papima nihato tvamasi antaka"ti
itara dve gatha abhasi.
Tattha itthibhavo no kim kayirati matugamabhavo amhakam kim kareyya,
arahattuppattiya kidisam vibandham uppadeyya. Cittamhi susamahiteti citte
aggamaggasamadhina sutthu samahite. Nanamhi vattamanamhiti tato arahattamagganane
pavattamane. Samma dhammam vipassatoti catusaccadhammam parinnadividhina sammadeva
passato. Ayam hettha sankhepo:- papima itthi va hotu puriso va, aggamagge
adhigate arahattam hatthagatamevati.
Idani tassa attana adhigatabhavam ujukameva dassenti "sabbattha vihata
nandi"ti gathamaha. Sa vuttatthayeva.
Somatherigathavannana nitthita.
Tikanipatavannana nitthita.
@Footnote: 1 cha.Ma. pakkuthite 2 itthibhavo kim kayira sam.sa. 15/163/155
The Pali Atthakatha in Roman Book 34 page 83-85.
http://84000.org/tipitaka/atthapali/read_rm.php?B=34&A=1783&modeTY=2
อรรถกถาบาลีอักษรไทย :-
http://84000.org/tipitaka/atthapali/read_th.php?B=34&A=1783&modeTY=2
อ่านอรรถกถาแปลไทย :-
http://84000.org/tipitaka/attha/attha.php?b=26&i=437
เนื้อความพระไตรปิฎกฉบับหลวง :-
http://84000.org/tipitaka/read/r.php?B=26&A=9112
พระไตรปิฎกฉบับบาลีอักษรไทย :-
http://84000.org/tipitaka/read/pali_read.php?B=26&A=9160
The Pali Tipitaka in Roman Character :-
http://84000.org/tipitaka/read/roman_read.php?B=26&A=9160
Contents of The Tipitaka Volume 26
http://84000.org/tipitaka/read/?index_26
        |
|
บันทึก ๖ กุมภาพันธ์ พ.ศ. ๒๕๖๑. การแสดงผลนี้อ้างอิงข้อมูลจากอรรถกถาฉบับภาษาบาลี อักษรโรมัน. หากพบข้อผิดพลาด กรุณาแจ้งได้ที่ [email protected]