AtthaPali Vol.34

443. 5. Nanduttaratherigathavannana aggim candancatiadika nanduttaraya theriya gatha. Ayampi purimabuddhesu katadhikara tattha tattha bhave vivattupanissayam kusalam upacinitva imasmim buddhuppade kururatthe kammasadhammanigame ^1- brahmanakule nibbattitva ekaccani vijjatthanani sippayatanani ca uggahetva niganthapabbajjam upagantva @Footnote: ¹ Si.,i. kammassadammanigame Vadappasuta jambusakham gahetva bhaddakundalakesa viya jambudipatale vicaranti mahamoggallanattheram upasankamitva panham pucchitva parajayam patta therassa ovade thatva sasane pabbajitva samanadhammam karonti nacirasseva saha patisambhidahi arahattam patva attano patipattim paccavekkhitva udanavasena:- [87] "aggim candanca suriyanca devata ca namassiham nadititthani gantvana udakam oruhamiham. [88] Bahuvattasamadana addham sisassa olikhim chamaya seyyam kappemi rattim bhattam na bhunjiham. [89] Vibhusamandanarata nhapanucchadanehi ca upakasim imam kayam kamaragena attita. [90] Tato saddham labhitvana pabbajim anagariyam disva kayam yathabhutam kamarago samuhato. [91] Sabbe bhava samucchinna iccha ca patthanapi ca sabbayogavisamyutta santim papuni cetaso"ti ima panca gatha abhasi. Tattha aggim candanca suriyanca, devata ca namassihanti aggippamukha ^1- devati indadinam ^2- devanam aradhanattham ahutim paggahetva agginca mase mase sukka- pakkhassa dutiyaya candanca divase divase sayam patam suriyanca anna ca bahira hirannagabbhadayo devatapi ^3- visuddhimaggam gavesanti namassiham namakaram akasim. Nadititthani gantvana, udakam oruhamihanti gangadinam nadinam supatitthani pujatitthani upagantva sayam patam udakam otarami udake nimmujjitva angasincanam ^4- karomi. @Footnote: ¹ Si. aggimukha, i. aggisammukha ² cha.Ma. indanam @³ cha.Ma. devata ca ⁴ Ma.,i. aggisincanam Bahuvattasamadanati panca tapatappanadibahuvidhavattasamadana ^1-. Gathasukhattham hi bahuti dighakaranam. Addham sisassa olikhinti mayham sisassa addhameva mundemi. Keci "addham sisassa olikhinti kesakalapassa addham jatabandhanavasena bandhitva addham vissajjesin"ti attham vadanti. Chamaya seyyam kappemiti thandilasayini hutva anantarahitaya bhumiya sayami. Rattim bhattam na bhunjihanti rattuparata hutva rattiyam bhojanam na bhunjim. Vibhusamandanaratati ciram kalam attakilamathanuyogena kilantakaya "evam sarirassa kilamanena natthi pannasuddhi. Sace pana indriyanam tosanavasena sarirassa tappanena suddhi siya"ti mantva imam kayam anugganhanti vibhusayam mandane ca rata vatthalankarehi alankarane gandhamaladihi mandane ca abhirata. Nhapanucchadanehi cati parehi sambahanadini karetva nhapanena ucchadanena ca. Upakasim imam kayanti imam mama kayam anugganhim santappesim. Kamaragena attitati evam kayadalhi ^2- bahula hutva ayonisomanasikarapaccaya pariyutthitena kamaragena attita abhinham upadduta ahosim. Tato saddham labhitvanati evam samadinnavatani bhinditva kayadalhibahula vadappasuta hutva tattha tattha vicaranti tato paccha aparabhage mahamoggallanat- therassa santike laddhovadanusasana saddham patilabhitva. Disva kayam yathabhutanti saha vipassanaya maggapannaya imam mama kayam yathabhutam disva anagamimaggena sabbaso kamarago samuhato. Tato param aggamaggena sabbe bhava samucchinna, iccha ca patthanapi cati ya paccuppannavisayabhilasasankhata iccha ca ayatibhavabhilasa- sankhata patthanapi sabbe bhavapi samucchinnati yojana. Santim papuni cetasoti accantam santim arahattaphalam papunim adhigacchinti attho. Nanduttaratherigathavannana nitthita. @Footnote: ¹ Si. pancatapanappadhanadi..., cha.Ma. pancatapatappanadi.... ² Si. kayadaddhi

The Pali Atthakatha in Roman Book 34 page 111-113. http://84000.org/tipitaka/atthapali/read_rm.php?B=34&A=2374&modeTY=2 อรรถกถาบาลีอักษรไทย :- http://84000.org/tipitaka/atthapali/read_th.php?B=34&A=2374&modeTY=2 อ่านอรรถกถาแปลไทย :- http://84000.org/tipitaka/attha/attha.php?b=26&i=443 เนื้อความพระไตรปิฎกฉบับหลวง :- http://84000.org/tipitaka/read/r.php?B=26&A=9187 พระไตรปิฎกฉบับบาลีอักษรไทย :- http://84000.org/tipitaka/read/pali_read.php?B=26&A=9231 The Pali Tipitaka in Roman Character :- http://84000.org/tipitaka/read/roman_read.php?B=26&A=9231 Contents of The Tipitaka Volume 26 http://84000.org/tipitaka/read/?index_26